Chalut mes gins ! J’espèr’te, chi t’avos des chrysanthèmes à porter su ches tombes, qu’t’as eu ch’bionne idée d’y aller sam’di, pach’que ch’premier, ch’étot vraimint un timps d’toussaint. In a ouvert ches robinets in grind. Cha ! A forche d’parler d’douche, in l’a eue… Te m’diras, cheule-lal alle n’a rin coûté, ch’est d’jà cha. A’ch’t’heure, in comminche l’s’maine aveuc eune grinde quechtion su ch’t’idintité nachionale. Ch’est pach’que cha n’est pon l’périote, mais cha f’rot un bieau sujet à ch’bac philo…

I y a gramint d’cosses à dir’te, mais dins l’fachon qu’in posse ch’te quechtion, j’ai bin peur qu’in va rapid’mint assister à un dérapache. Te sais, l’ginre qui ch’limite à l’couleur d’el pieau, voire même eune apparteninche religieusse. A min avis, pach’qu’i faut oser ch’mouiller, ch’t’idintité nachionale, ch’est d’rechpecter ches princhipes d’el constituchion françaisse et toutes ches valeurs d’el République. Cha n’est pon pus compliqué qu’cha ! Alors, j’ai bin invie d’mette min grain d’sel dins tout cha. L’sujet i est graf’ et j’auros querre à l’traiter à m’manière même ch’i faut ch’prinde l’tiête. Bah, ouais, mes gins ! I faut auchi savoir aborder ches sujets. In n’sait pon vraiment à qui in dot not’ héritache, même chi je n’peux m’impêquer d’treuver bizarre d’lincher un tel débat à ch’momint d’ù qu’in fiête Astérix ! Auchi, j’em sus posé ch’te quechtion et v’là quo qu’j’in ai déduit…

Ch’i y a eune attitute qui vient à l’echprit, pour décrir’te un Français, ch’est sin timpéramint râleur. Te s’ras d’accord aveuc mi pour dir’te que, qué qu’sot l’déchision qu’in prind, cha n’va jamais. Ch’est chertain’mint pour cha qu’in a pris un digne héritier d’Astérix pour arprésinter l’France… Bref ! Toud’chuite, t’as eune partie qui lèf’ l’vox pour protester, rapid’mint suivie par eune aute qui n’est pon d’accord aveuc ceusses qui n’sont pon d’accord. Pis, forchémint, t’as l’ress’ d’el France qui comminche à él’ver l’vox auchi. Cha n’est pon tint pach’qu’is n’sont pon d’accord aveuc ceusses qui sont d’accord. Ni même incourager ceusses qui n’sont pon d’accord mais ch’est pach’que, dins tout ch’vacarme, in ne ch’intind pus pinser ! Pis i faut bin démontrer l’devisse quère à ch’pays : Liberté d’faire autint d’bruit que ch’voisin. Egalité d’râler tout parel à li. Fraternité d’euch mouv’mint d’groupe qui râle à l’unisson. A côté d’cha, ches chœurs d’Armée Rouche, ch’est des gamins !

Inchuite, d’ailleurs cha va d’paire aveuc ch’timpéramint râleur, ch’est ch’pouvoir d’faire grèf’ à tout biout d’camps ! Je n’vais pon dir’te qu’ch’est che sport nachional, car j’cros bin qu’ches mouv’mints d’troupes importants, ch’est cor’ ch’foot qui in a l’privilèche, mais ch’est tout com’ ! In a même dév’loppé eune idintité nachionale, cha quée bin puich’que ch’est l’sujet d’euch jour, in fait grèf’ pour ête payé pus. Alors que lorch’que te fais grèf, ches jours is sont décomptés. Ouais, mais ch’te ch’risse su ch’gâteau, ch’est qu’après in fait grèf’ pour ête payé des journées qu’in a volontair’mint chômées. Mi j’te l’dis, in fait des invieux à travers ch’monte ! Toudis parel, in rechpecte ch’te devisse chi quère, d’autint que tout ch’pays i est obligé d’chubir l’loi d’un tiot nombe et n’peut pus travailler : Liberté d’faire un maximum d’brin dins un minimum d’timps. Chi pochibe chins rechpecter ch’préavis. Egalité obliche, in impêque ceusses qui veul’tent travailler d’rintrer dins ches bureaux ou autes. Tertous dins l’rue, cha n’est pon un vain miot. D’autint qu’cha permet l’approche d’euch trosième point. Fraternité, ch’est pour cha qu’in fait des fux d’joie, qu’in profite pour sortir ches barbecues et qu’in improvisse eune tiote bouffe. In cante auchi autour d’euch fu. Cha, i n’y a qu’dins Astérix qu’in fait l’fiête juss’ à l’fin. A’ch’t’heure, in prind ches d’vints, in fait ch’bouffe pindint, dins ch’cas d’ù que l’chiel y no quée su l’tiête !

Just’mint, ch’i fallot cor’ vir un point idintitaire, commint pacher à côté d’euch bouffe ! Ichi auchi, in l’invie à travers ch’monte. Ch’est sûr’te, i y a ch’gastronomie, mais i y a auchi ches tiots plaijis simpes symbolisés, et te s’ras d’accord aveuc mi, par eune baguette et un camembert ! Te peux ajouter ch’cop d’rouche qui va d’paire. Avoue com’ idintité, cha vaut tous ches imburgères et que ch’rouche i vaut vaqu’mint miux qu’euch Coca. D’jà, cha n’fait pon d’trou ch’i in quée su tes pompes. Parel, in rechpecte toudis ches tros points : Liberté d’mette ou pon du bieurre chous t’couche d’camembert. Pis chi te préfèr’tes ch’bière à l’plache d’euch rouche, t’es libe auchi. Même d’mette eune trinche d’jimbon ! Egalité car tertous i va faire des miettes, ch’est évidint. Qu’te sos galaffe ou qu’te minges d’euch biout d’ches lèf’, te verras qu’ch’est vrai ! Fraternité pach’qu’un sandouiche ch’est gramint convivial quind in est in binde. Pis, ch’est gramint pratique chi te n’as pon prévu d’barbecue pour t’nourrir pindint ches piquets d’grèf qu’in a vus pus haut…

J’avoue qu’j’auros bin parler d’euch béret basque chi quer à l’représintachion d’euch Français. Seul’mint, chi te ravises bin dins ches rues, te n’sais pus vraimint à quo cha arsimpe. Te m’excus’ras mais je n’sus pon vraimint pour. Cha écrasse m’misse in plis. Quoque, je n’sus pon vraimint partisane, nin pus, d’el casquette com’ gramint d’jonnes is la portent. Même chi t’armarqu’ras qu’in la mettant à l’invers, in artreuve ch’t’echprit d’euch béret. A’ch’t’heure, je n’sus pon chertaine que cha sot dins ch’sins-lal qu’is l’fon’tent, mais in peut rêver quind même… D’toute fachon, ch’est toudis parel : Liberté d’mette t’casquette dins l’sins que te préfèr’tes. Egalité pach’que, qu’te la mets dins ch’bion sins ou qu’te la mets à l’invers, t’as forchémint eune visière. Fraternité, chi te veux eune démonstrachion, te n’as qu’à raviser des jonnes in casquette. Quind is ch’crois’tent, ch’est très fraternel. Is ch’fon’tent des accolates. Ch’est pour cha qu’is mettent l’visière derrière, chinon, ch’est pon pratique, te l’archois dins l’guiffe. Pis, pour accompagner ch’geste d’fraternité, t’as eune gestuelle particulière d’ches mains que t’accompagn’tes de Yo zy’va !

V’là mes gins ! J’espèr’te qu’j’ai fait avincher ch’débat et qu’t’y vos pus clair pour savoir ch’que ch’est que ch’t’idintité nachionale. Quo ? J’ai oublié qué cosse ? Attinds, i faut que j’réfléchisse… Ah ouais, ch’est vrai ! A’ch’t’heure, à m’décharge, mes gins, commint qu’te veux que j’te parl’te d’euch coq quind te sais qui a d’mindé ch’grind débat nachional…

Salut mes gens ! J’espère, si tu avais des chrysanthèmes à porter sur les tombes, que tu as eu la bonne idée d’y aller samedi, parce que le premier, c’était vraiment un temps de toussaint. On a ouvert les robinets en grand. Ca ! A force de parler de douche, on l’a eue… Tu me diras, celle-là elle n’a rien coûté, c’est déjà ça. A présent, on commence la semaine avec une grande question sur l’identité nationale. C’est parce que ce n’est pas la période, mais cela ferait un beau sujet au bac philo…

Il y a beaucoup de choses à dire, mais dans la façon dont on pose cette question, j’ai bien peur que l’on va rapidement assister à un dérapage. Tu sais, le genre qui se limite à la couleur de la peau, voire même une appartenance religieuse. A mon avis, parce qu’il faut oser se mouiller, l’identité nationale, c’est de respecter les principes de la constitution française et toutes les valeurs de la République. Ce n’est pas plus compliqué que cela ! Alors, j’ai bien envie de mettre mon grain de sel dans tout cela. Le sujet est grave et j’aimerais le traiter à ma manière même s’il faut se prendre la tête. Bah, oui, mes gens ! Il faut aussi savoir aborder ces sujets. On ne sait pas vraiment à qui l’on doit notre héritage, même si je ne peux m’empêcher de trouver bizarre de lancer un tel débat au moment où l’on fête Astérix ! Aussi, je me suis posé cette question et voilà ce que j’en ai déduit…

S’il y a une attitude qui vient à l’esprit, pour décrire un Français, c’est son tempérament râleur. Tu seras d’accord avec moi pour dire que, quel que soit la décision que l’on prend, cela ne va jamais. C’est certainement pour cela que l’on a pris un digne héritier d’Astérix pour représenter la France… Bref ! Tout de suite, tu as une partie qui lève la voix pour protester, rapidement suivie par une autre qui n’est pas d’accord avec ceux qui ne sont pas d’accord. Puis, forcément, tu as le reste de la France qui commence à élever la voix aussi. Ce n’est pas tant parce qu’ils ne sont pas d’accord avec ceux qui sont d’accord. Ni même encourager ceux qui ne sont pas d’accord mais c’est parce que, dans tout ce vacarme, on ne s’entend plus penser ! Puis il faut bien démontrer la devise chère au pays : Liberté de faire autant de bruit que le voisin. Egalité de râler tout pareil à lui. Fraternité du mouvement de groupe qui râle à l’unisson. A côté de cela, les chœurs d’Armée Rouge, ce sont des gamins !

Ensuite, d’ailleurs cela va de paire avec le tempérament râleur, c’est le pouvoir de faire grève à tout bout de champs ! Je ne vais pas dire que c’est le sport national, car je crois bien que les mouvements de troupes importants, c’est encore le foot qui en a le privilège, mais c’est tout comme ! On a même développé une identité nationale, ça tombe bien puisque c’est le sujet du jour, on fait grève pour être payé plus. Alors que lorsque tu fais grève, les jours sont décomptés. Oui, mais la cerise sur le gâteau, c’est qu’après on fait grève pour être payé des journées que l’on a volontairement chômées. Moi je te le dis, on fait des envieux à travers le monde ! Toujours pareil, on respecte cette devise si chère, d’autant que tout le pays est obligé de subir la loi d’un petit nombre et ne peut plus travailler : Liberté de faire un maximum de brin dans un minimum de temps. Si possible sans respecter le préavis. Egalité oblige, on empêche ceux qui veulent travailler de rentrer dans les bureaux ou autres. Tous dans la rue, ce n’est pas un vain mot. D’autant que cela permet l’approche du troisième point. Fraternité, c’est pour cela que l’on fait des feux de joie, que l’on profite pour sortir les barbecues et que l’on improvise une petite bouffe. On chante aussi autour du feu. Ca, il n’y a que dans Astérix que l’on fait la fête juste à la fin. Maintenant, on prend les devants, on fait la bouffe pendant au cas où le ciel nous tomberait sur la tête !

Justement, s’il fallait encore voir un point identitaire, comment passer à côté de la bouffe ! Ici aussi, on l’envie à travers le monde. C’est sûr, il y a la gastronomie, mais il y a aussi les petits plaisirs simples symbolisés, et tu seras d’accord avec moi, par une baguette et un camembert ! Tu peux ajouter le coup de rouge qui va de paire. Avoue comme identité, cela vaut tous les hamburgers et que le rouge vaut vachement mieux que le Coca. Déjà, cela ne fait pas de trou s’il en tombe sur tes pompes. Pareil, on respecte toujours les trois points : Liberté de mettre ou pas du beurre sous ta couche de camembert. Puis si tu préfères la bière à la place du rouge, tu es libre aussi. Même de mettre une tranche de jambon ! Egalité car tout le monde va faire des miettes, c’est évident. Que tu sois gourmand ou que tu manges du bout des lèvres, tu verras que c’est vrai ! Fraternité parce qu’un sandwich c’est très convivial quand on est en bande. Puis, c’est bien pratique si tu n’as pas prévu de barbecue pour te nourrir pendant les piquets de grève que l’on a vus plus haut…

J’avoue que j’aurais bien parler du béret basque si cher à la représentation du Français. Seulement, si tu regardes bien dans les rues, tu ne sais plus vraiment à quoi cela ressemble. Tu m’excuseras mais je ne suis pas vraiment pour. Ca écrase ma mise en plis. Quoique, je ne suis pas vraiment partisane, non plus, de la casquette comme beaucoup de jeunes la portent. Même si tu remarqueras qu’en la mettant à l’envers, on retrouve l’esprit du béret. A présent, je ne suis pas certaine que ce soit dans ce sens-là qu’ils le font, mais on peut rêver quand même… De toute façon, c’est toujours pareil : Liberté de mettre ta casquette dans le sens que tu préfères. Egalité parce que, que tu la mets dans le bon sens ou que tu la mets à l’envers, tu as forcément une visière. Fraternité, si tu veux une démonstration, tu n’as qu’à regarder des jeunes en casquette. Quand ils se croisent, c’est très fraternel. Ils se font des accolades. C’est pour cela qu’ils mettent la visière derrière, sinon, ce n’est pas pratique, tu la reçois dans la figure. Puis, pour accompagner le geste de fraternité, tu as une gestuelle particulière des mains que tu accompagnes de Yo zy’va !

Voilà mes gens ! J’espère que j’ai fait avancer le débat et que tu y vois plus clair pour savoir ce qu’est l’identité nationale. Quoi ? J’ai oublié quelque chose ? Attends, il faut que je réfléchisse… Ah oui, c’est vrai ! Maintenant, à ma décharge, mes gens, comment veux-tu que je te parle du coq quand tu sais qui a demandé ce grand débat national…