Chalut mes gins ! Chi te treuves l’interrupteur qui alleume ch’leumière déhors, te peux l’basculer. Je n’sais pon chi ch’est pour qu’in profite d’ches illuminachions d’Noël, in tout cas, ch’est bion, in les a vus. Ch’est bieau et ch’te grinte roue, su l’Grind-Plache d’Lille, alle est toudis auchi majestueusse ! In attindint, cha m’rappell’te qu’i faut faire ch’liste à ch’Père Noël…

Infin, à défaut, in artreuve eune Mère Noël in pleine forme. Quo que j’dis lal ! L’File Noël plutôt ! Et quind j’dis in pleine forme, j’d’vros écrir’te aveuc un « s », pach’que ches messieurs is appréchient chertain’mint davantache ches formes. Ouais, mes gins, cha va armuer gramint d’euch côté d’Internet. Après un timps d’galère, voire eune traverchée d’euch désert, alle arrif’ aveuc ches bras rimplis d’cadieau. Ch’t’Alice nouvielle alle est annonchée ! Gramint in artard su ch’Beaujolais, mais toudis auchi enivrinte chi j’in cros ches garchons autour d’mi, qui arsimpent tertous à ch’loup d’Tex Avery. Bion, quind j’dis qu’alle a ches bras rimplis, ch’est un peu exagéré, mais cha richque d’faire parler et ch’est bin l’but d’eune cimpagne d’pub !

Alle a été l’initiatriche de ch’t’Internet à 29,90 in 2003, aveuc pour l’première fos eune offre aveuc ch’téléphone et ch’télévision. Alice alle f’sot chavirer ches cœurs, in passant aveuc ch’jupe aérienne, com’ chi alle étot à un défilé d’mote, pindint qu’ches mecs is bavotent d’invie à chaque passache d’el pub et qu’ches files alle in étotent jalousses. Bah, ouais ! In finissot par che d’minder chi alle étot livrée aveuc, pach’qu’in n’savot même pus ch’qu’i y avot à vinde. Seul’mint, cha a marché ! Ches clients is arrivotent. Merchi Alice ! Grâche à tin déhanch’mint, in a prech’que tous ch’bionheur d’payer moins quer…

Seul’mint, mes gins, com’ toutes ches bielles histoires, i y a forchémint quéques trous noir’tes. In pourrot dir’te, fachon Starwars, qu’i y a eu un côté obscur. Chi te n’comprinds pon, j’vais imployer eune aute métaphore : Démaquillée, Alice alle pache d’eune Top model à… I n’vaut miux pon que j’te l’dise ! Ches connec’chions alles fonctionn’tent quind cha veut. Ches clients is râl’tent, pach’qu’is ont signé pour un in et qu’is doiv’tent ch’continter d’une pache blinche ! Quind is arrivotent à brincher ch’t’Alicebox… Ch’est à ch’momint-lal d’ù qu’ches concurrints is n’on’tent pus qu’à dir’te : T’as voulu payer moins quer, t’in as pour tin argint ! Cepindint, i y avot quind même un afflux d’pépettes qui permettot d’faire toudis pus d’spots publichitaires. Ch’qui rindot Alice pus indispinsape à l’internaute, jour après jours…

In prenant ches extrêmes, in peut dir’te qu’Alice alle étot à Internet ch’que la Mère Denis alle étot à l’machine à laver : incontournape ! Ch’qui n’a pon tardé à faire vibrer l’fibre commerchiale d’ches concurrints. Et ch’est incroyape ch’que l’fibre alle peut vibrer quind des pépettes alles sont in jeu. Bion in, mal in, ches concurrints is comminchotent à rattraper ch’cop in faisant des prix auchi canons qu’el plachtique d’Alice. Tindis que, cheule-chi alle avot sin rimmel qui coulot et ch’splindeur à l’pieau blinche virer à ch’cramoisi…

Com’ chi Blinche Neiche alle ch’trinsformot in sorchière ! Infin, te vos ch’métaphore. Bion, pour ches mecs qui n’on’tent pon compris, pach’qu’is n’voy’tent qu’eune (fausse) blonte, j’vais faire eune comparaison : Com’ chi te t’indormos dins ches bras de t’femme et qu’te t’réveillos dins ceusses de t’bielle-mère ! D’eune fachon commerchiale, com’ chi te déballos un paquet inv’loppé d’un magnifique papier cadieau pour découvrir un brin d’quien ! Bref, paroles, paroles, comme alle cantot Dalida, mais rin derrière quint à ch’serviche et à ch’produit. Bah, cha y est ! Ches artardataires is on’tent compris, in va pouvoir poursuivre…

Après quéques avintures pon très glorieusses dont in ch’souvient, com’ obliger des gins à signer un contrat par intimidachion, Alice continue à perde d’euch glorieusse. In terme d’chiffe, ch’est pus d’100.000 abonnés qui artreuvent leux echprits. Chertains echpèr’tent qu’Alice finira in prison et prenn’tent Oranche. D’autes sont Free dins leux tiêtes et dins leux manicraques informatiques. Et cor’ d’autes querchent du Neuf et n’ont invie que d’euch laisser faire, pardon SFR… Messache perchonnel à min Gil Alma, qui jouot ch’bieau brun installateur dins ch’pub Neuf : Cha fait gramint longtimps qu’te n’as pon app’lé Marie Toutoule ! Bion, j’arviens à Alice. Cha quée bin, alle aussi !

In oublie ch’passé. Alle ch’est fait racater par ch’groupe Illiad. In fait, Free qui prépare ch’trinsformachion in echpérint ête ch’quatrième opérateur téléphonique. In coll’te eune bionne couche d’ripolin à Alice. Bah, mes gins ! Alle est com’ ti et mi, alle n’rajeunit pon. Et hop ! In arsort ches vieilles archettes et on casse ch’prix ! 19,90… V’là ch’chiffe qui va cor’ révoluchionner Internet ! Infin, attinchion, te sais qu’j’ai querre à lir’te ches tiotes lines qu’in n’vot pon fachil’mint. T’auras ch’télé, mais moins d’chaînes. T’auras ch’téléphone, ch’est sûr’te. A’ch’t’heure, je n’sais pon chi in ne s’ra pon obligé d’faire des signaux d’fumée ou d’tourner eune manivelle pour faire sonner d’l’aute côté. Pis pour Internet, chi t’as un problème, ch’t’hot line alle s’ra payante ! Aïe ! T’as intérêt à avoir tin diplôme in informatique chi te n’veux pon avoir à casser tin cochon !

Mes gins, je voudros laicher eune nouvielle chince à ch’te braf’ Alice, mais j’ai gramint peur qu’in fasse du récauffé. In t’annonche un haut débit, mais in débite gramint haut eune bionne dosse d’bêtisses. Chins compter, qu’à l’allure d’ù qu’cha va, Alice va avoir l’même ginre d’carrière qu’Chantal Goya : Grind-mère, mais toudis harnaiquée com’ eune gamine ! Bref, i n’y a qu’tin porte-monnaie qui va prinde des rides, pach’qu’i richque d’euch vider gramint pus vit’, même chi Alice alle simbe t’faire un cadieau, sourire à l’appui !

Alice fait des merveilles dans ce pays !

Salut mes gens ! Si tu trouves l’interrupteur qui allume la lumière dehors, tu peux le basculer. Je ne sais pas si c’est pour que l’on profite des illuminations de Noël, en tout cas, c’est bon, on les a vus. C’est beau et cette grande roue, sur la Grand-Place de Lille, est toujours aussi majestueuse ! En attendant, cela me rappelle qu’il faut faire sa liste au Père Noël…

Enfin, à défaut, on retrouve une Mère Noël en pleine forme. Que dis-je là ! La Fille Noël plutôt ! Et quand je dis en pleine forme, je devrais écrire avec un « s », parce que ces messieurs apprécient certainement davantage ses formes. Oui, mes gens, cela va remuer beaucoup du côté d’Internet. Après un temps de galère, voire une traversée du désert, elle arrive avec les bras remplis de cadeau. L’Alice nouvelle est annoncée ! Bien en retard sur le Beaujolais, mais toujours aussi enivrante si j’en crois les garçons autour de moi, qui ressemblent tous au loup de Tex Avery. Bon, quand je dis qu’elle a les bras remplis, c’est un peu exagéré, mais cela risque de faire parler et c’est bien le but d’une campagne de pub !

Elle a été l’initiatrice de l’Internet à 29,90 en 2003, avec pour la première fois une offre avec le téléphone et la télévision. Alice faisait chavirer les cœurs, en passant avec sa jupe aérienne, comme si elle était à un défilé de mode, pendant que les mecs bavaient d’envie à chaque passage de la pub et que les filles en étaient jalouses. Bah, oui ! On finissait par se demander si elle était livrée avec, parce que l’on ne savait même plus ce qu’il y avait à vendre. Seulement, cela a marché ! Les clients arrivaient. Merci Alice ! Grâce à ton déhanchement, On a presque tous le bonheur de payer moins cher…

Seulement, mes gens, comme toutes les belles histoires, il y a forcément quelques trous noirs. On pourrait dire, façon Starwars, qu’il y a eu un côté obscur. Si tu ne comprends pas, je vais employer une autre métaphore : Démaquillée, Alice passe d’une Top model à… Il ne vaut mieux pas que je te le dise ! Les connexions fonctionnent quand cela veut. Les clients râlent, parce qu’ils ont signé pour un an et qu’ils doivent se contenter d’une page blanche ! Quand ils arrivaient à brancher l’Alicebox… C’est à ce moment-là où les concurrents n’ont plus qu’à dire : Tu as voulu payer moins cher, tu en as pour ton argent ! Cependant, il y avait quand même un afflux de pépettes qui permettait de faire toujours plus de spots publicitaires. Ce qui rendait Alice plus indispensable à l’internaute, jour après jours…

En prenant les extrêmes, on peut dire qu’Alice était à Internet ce que la Mère Denis était à la machine à laver : incontournable ! Ce qui n’a pas tardé à faire vibrer la fibre commerciale des concurrents. Et c’est incroyable ce que la fibre peut vibrer quand des pépettes sont en jeu. Bon an, mal an, les concurrents commençaient à rattraper le coup en faisant des prix aussi canons que la plastique d’Alice. Tandis que, celle-ci avait son rimmel qui coulait et sa splendeur à la peau blanche virer au cramoisi…

Comme si Blanche Neige se transformait en sorcière ! Enfin, tu vois la métaphore. Bon, pour les mecs qui n’ont pas compris, parce qu’ils ne voient qu’une (fausse) blonde, je vais faire une comparaison : Comme si tu t’endormais dans les bras de ta femme et que tu te réveillais dans ceux de ta belle-mère ! D’une façon commerciale, comme si tu déballais un paquet enveloppé d’un magnifique papier cadeau pour découvrir un brin de chien ! Bref, paroles, paroles, comme chantait Dalida, mais rien derrière quant au service et au produit. Bah, ça y est ! Les retardataires ont compris, on va pouvoir poursuivre…

Après quelques aventures pas très glorieuses dont on se souvient, comme obliger des gens à signer un contrat par intimidation, Alice continue à perdre de sa glorieuse. En terme de chiffre, c’est plus de 100.000 abonnés qui retrouvent leurs esprits. Certains espèrent qu’Alice finira en prison et prennent Orange. D’autres sont Free dans leurs têtes et dans leurs ordinateurs. Et encore d’autres cherchent du Neuf et n’ont envie que de se laisser faire, pardon SFR… Message personnel à mon Gil Alma, qui jouait ce beau brun installateur dans la pub Neuf : Ca fait bien longtemps que tu n’as pas appelé Marie Toutoule ! Bon, je reviens à Alice. Cela tombe bien, elle aussi !

On oublie le passé. Elle s’est fait racheter par le groupe Illiad. En fait, Free qui prépare la transformation en espérant être le quatrième opérateur téléphonique. On colle une bonne couche de ripolin à Alice. Bah, mes gens ! Elle est comme toi et moi, elle ne rajeunit pas. Et hop ! On ressort les vieilles recettes et on casse le prix ! 19,90… Voilà le chiffre qui va encore révolutionner Internet ! Enfin, attention, tu sais que j’aime lire les petites lignes que l’on ne voit pas facilement. Tu auras la télé, mais moins de chaînes. Tu auras le téléphone, c’est sûr. Maintenant, je ne sais pas si l’on ne sera pas obligé de faire des signaux de fumée ou de tourner une manivelle pour faire sonner de l’autre côté. Puis pour Internet, si tu as un problème, la hot line sera payante ! Aïe ! Tu as intérêt à avoir ton diplôme en informatique si tu ne veux pas avoir à casser ton cochon !

Mes gens, je voudrais laisser une nouvelle chance à cette brave Alice, mais j’ai bien peur que l’on fasse du réchauffé. On t’annonce un haut débit, mais on débite bien haut une bonne dose de bêtises. Sans compter, qu’à l’allure où ça va, Alice va avoir le même genre de carrière que Chantal Goya : Grand-mère, mais toujours habillée comme une gamine ! Bref, il n’y a que ton porte-monnaie qui va prendre des rides, parce qu’il risque de se vider bien plus vite, même si Alice semble te faire un cadeau, sourire à l’appui !