Chalut mes gins ! I est arrivé ch’ouiquend d’ù qu’i y aura gramint pus d’monte chu ches routes que dins ches baraques. Intre ceusses qui arvienn’tent et ceusses qui ch’in vontent, Bison Futé i est chu ch’pid d’guerre et i va ch’arracher ches plumes ! In souhaite gramint d’courache à tertous pour tous ches bouchons qui sontent pressintis et pindint ch’timps-lal, ceusses qui restent is s’rontent auchi dins ches bouchons, mais pour les faire sauter, bin installés dins un transat afin d’siroter un cop. Ouais, aveuc modérachion, chi te veux, mais min transat i fait du chur-plache alors cha d’vrot aller ! Désolée, je n’l’ai pon fait esprès, ti coincé dins un bouchon…

Du chur-plache com’ aveuc ch’t’audichion d’Eric Woerth. Dire qu’in avot l’impréchion qu’i allot tout nous dir’te et qu’i étot pressé d’eul faire, com’ j’l’ai espliqué dins min préchédint artique. Pis, lal, rin ! I ch’est juss’ continté d’réfuter tout ch’qu’in a dit conte li. Eune carpe ! J’te l’dis, in fait durer ch’suspense ! Parel aveuc Patrice de Maître qui artourne in garde à vue. Chi cha continue, in va li mette sin nom d’chus. In tout cas, in est obligé d’faire eune pausse in attindint du neuf. Quo qu’te veux, pon fachile pour mi d’écrir’te ch’roman d’eune carpe, cha s’rot com’ faire ches mémoires d’un pichon rouche. Bref, j’ai pus d’cinche d’vinde des cahiers vierches. Ah, mes gins, ch’clap final i n’est pon pour d’main ! Chi cor’ i y avot eune tiote intrigue sintimintale pour nous canger ches idées. In n’sait jamais. Eune inveloppe alle aurot pu ch’égarer pour donner sin diminche à un coquin ou eune coquine. Infin, pour ch’côté comédie sintimintale, churtout chi in ch’pache côté file à mémé Liliane qui n’a qu’du sintimint pour sin capital, i faut aller vir ailleurs, un aute film. Cha y est, mes gins, alle a comminché ch’te s’maine ! Qui, te vas m’dir’te ? Attinds, j’fais com’ dins l’saga à friqués, j’fais durer un peu ch’plaiji !

Com’ is dis’tent ches inglophones a star is born ! Infin, in n’va p’t-ête pon li donner l’César, quo que j’dis, l’Oscar avint même qu’alle sot nominée. In va attinde d’raviser ch’résultat. Ch’premier clap  i a été donné à ch’Première Dame d’France dins Midnight in Paris d’Woody Allen ! Te vos, ch’qu’i avot dit à ch’festival d’Cannes cha n’étot pon du chiqué. Ch’film i a comminché d’pis début d’euch mois d’juillet et ch’est infin à sin tour d’tourner. Quo ? Te t’in moques com’ d’eut première culotte ! Ch’est sûr’te que pour ch’vie tous ches jours, cha n’va pon canger grind cosse, mais ch’est quind même eune première ! Alle va d’voir arfaire ches cartes d’visite et pinde un grind format, pach’que cha comminche à faire long : Première Dame d’France, canteusse populaire, ex-mannequin, star d’cinéma. J’oublie volontair’mint toutes ches oeufres d’charité, chinon in pache chu un A4 ! Ch’est qui qui vient d’eum crier canteusse impopulaire ? Ch’est malin ! Pourtint quéqu’un i m’a dit qu’alle avot quind même réuchi à in vinde un peu d’ches cédés. Quo cor’ ? Star d’cinéma i n’faut pon poucher… Cha ress’ à vir ! Alle a d’jà un point commun aveuc Elisabeth Taylor, ch’est eune croqueusse d’hommes, alors in n’sait jamais. Quoqu’min Nicolas i tienn’te pus d’Louis De Funès que d’Richard Burton, ch’est vrai.

Bref. Carla a comminché ches schènes d’ù qu’alle dot juer eune directriche d’musée et cha ch’est paché ch’te s’maine dins ches rues d’Paris, qui ontent été barrées pour l’circonstinche. Te sais, mes gins, cha n’est vraimint pon fachile l’vie d’eune star d’cinéma. Alle a comminché dins l’après-midi et cha a fini tard dins l’nuit. Bah, ch’pauf’, alle a dû ête épuisée churtout d’euch première schène dins l’après midi. Te t’rinds compte, ti, alle a dû ch’balader chu un trottoir à ches côtés l’acteur américain Owen Wilson. Quo ? I y a pus désagréape ! Ch’est vrai, mais cha n’est pon Brad Pitt !  Infin, un blondinet cha dot la canger un peu. Accessoire d’mise in schène : Eune baguette d’pain à l’main ! Bah, ouais, cha fait cliché pour eune Françaisse dins un film américain ! J’te rassur’te, alle n’avot pon ch’camembert et in n’l’avot pon affublé d’un béret nin pus ! Elle étot in jean aveuc un quemisier blinc et ches queveux arlevés in chignon. Heureuss’mint, pour ch’camembert quind j’y pinse, pach’que l’schène alle a dû ête artournée trinte-deux fos ! Te vos chi ch’étot risqué d’in pinde un dins ch’scénario. Bah quo ? Woody Allen i prenot ch’risque qu’i ch’barre tout seu, i f’sot quind même caud et pour eune schène d’eune bionne trintaine de s’condes, cha a duré chinq heures ! A’ch’t’heure, is aurotent pu prinde un camembert doublure. D’jà lal, ch’baguette alle ne d’vot pus valoir tripette à ch’balader chous ch’solel. Du pain grillé pour ches ojieaux !

In peut s’interroger chu ch’timps et ch’nombe d’prisses pour eune schène somme toute banale. J’eum sus intraînée ch’matin, in allint querre eune baguette. A part ch’fait qu’in ait dû m’prinde pour eune babache pach’que j’parlos dins ch’vide à un Owen qui n’étot pon vénu juer cha aveuc mi, j’cros que j’m’in sus pon mau sortie. J’avos fait com’ alle, mis des ballerines. Je n’voulos pon risquer d’perde un talon in route. Min quemisier i étot rosse, pon blinc, mais cha n’cangeot rin ! Quo qu’i a bin pu ch’pacher pour qu’Woody Allen i in fasse trinte-deux prisses ? Ch’baguette alle avot ches croûtes qui comminchotent à querre et cha n’li plaisot pon ? Carla alle la tenot mau dins ches mains. In va cor’ dir’te que j’fais ch’mauviaisse lingue, mais alle n’a p’t-ête pon l’habitute d’avoir un bazar parel dins ch’main ! Quo ? Evidement te n’pinsos pon à cha, ti ! Vraimint ! Min Nicolas i a un ego chur-diminchionné mais pour ress’ i est com’ tertous. Pis, te sais quo qu’in dit, ch’est pon ch’talle qui compte ! Ravise, i est pus tiot qu’eul normale et pourtint in n’vot qu’li ! Bref, j’émettais l’pochibilité qu’alle n’avot pon l’habitute d’euch balader aveuc eune baguette à l’main. In dot li livrer à domichile ! In peut juss’ che d’minder chi Woody i est un ultra perfec’chionniste ou alors chi Carla alle étot vraimint à ch’qu’alle f’sot…

Ch’est qu’in dot avoir ch’trac quind même ! Ravise, mi, ch’matin, j’n’in menos pon larche. Pon pour ches mêmes raisons, d’accord, j’avos peur d’vir arriver des hommes in blinc, puich’que j’parlos toute seu. Tout cha les a immenés jusqu’à deux heures du mat pour finir eune aute schène d’ù qu’alle che promenot dins eune rue d’euch chinquième dins eune tiote rope à fleur et portint un sac in bindoulière. Cha parot simpe, mais i fallot qu’alle marche com’ ti et mi, pon com’ eune ex-mannequin. Cha d’mindot quind même d’eul concintrachion ! Mais récompinche suprême pour not’ star is born, min Nicolas i est vénu li faire un tiot coucou et is ontent pris ch’timps à eune terrache d’visionner ches schènes chu un portape. Un tiot momint rin qu’à eusses. Infin, chi in inlèf’ ch’foule d’curieux et d’touristes qui étot d’jà lal pour raviser a star is born et qui ontent dû ête méduser d’vir débarquer min Nicolas à eune heure parelle ! A moins qu’i s’agisse d’eune schène improvisée. Attinds, mi, j’vais suggérer cha à Woody. Te vas vir, cha pourrot parfait’mint ête casé dins sin film…

Min Nicolas i arrive pach’qu’i comminche à treuver ch’timps gramint long. Lal, i li dit qu’sin dîner i est frod d’pis ch’timps qu’i attind. Cha y est, te la vos bin l’schène ? In va mette des dialogues. Infin, ch’est churtout un monologue, mais min Nicolas i sait très bin faire cha : « Mais quo qu’te fous ? » – Carla alle le ravise aveuc ches zis qui dis’tent hein ? – « Cha fait des heures qu’te m’as dit qu’te sortos querre d’euch pain et t’es toudis pon rintrée ! Quo qu’i ch’est paché ? » – Tintative d’ouverture d’bouque pour Carla, mais alle n’a pon été assez rapite, i inchaîne – « T’as dû d’abord semer tin blé, pis l’récolter et in faire d’eul farine ? » – Tintative d’cangemint d’argard pour Carla qui s’rot proche du t’es babache – « Pis, t’as vu dins quel état alle est t’baguette ! » – Argard interrogatif d’Carla qui ravise l’ingin dins ch’ginre bin quo ? – « In dirot qu’alle a fait un marathon in plein solel ! Même un pâté premier prix d’chez Aldi i n’in voudrot pon ! » – Argard profond d’Carla qui pinse cha qué bin, cha n’est pon lal que j’vais acater du pâté – « Pis compte pon chu tin canard, ch’ti qu’te mets dins tin bain, i n’a pon l’habitute d’minger ches viux croûtons ! » – Argard d’cheule qui a été prise in flagrant délit, mince, j’croyos l’avoir bin mucher ch’ti-lal croisé aveuc ch’tii d’cheule qui est continte de n’pon ch’ête fait traiter d’viux croûton – D’accord, mes gins, j’suis vaque, ch’est nin fachile à faire des zis parels ! « Cut ! » Ch’est ch’vox à Woody Allen, j’cros qu’in a tout fait in eune seu prisse. In vot qu’i a l’habitute d’faire du cinéma, min Nicolas…

Mes gins, chi te veux raviser ch’film, i va cor’ falloir attinde un tiot peu. Tout i n’est pon cor’ dins ch’boîte. Te t’rinds compte à ch’t’heure à quel point ch’est dur’te l’vie d’eune star is born. In pus, aveuc tout cha, in a oublié d’dir’te que pour ches b’soins d’euch tournache, min Nicolas i a dû arculer ches vacinches à ch’tros août, pour laicher à Carla ch’timps d’aire exploser ches talints d’comédienne. L’seul truc qui m’chagrine, quind j’y pinse, ch’est pourquo Woody i l’a fait juer dins un film parel. Pourquo eune directriche d’musée ? Mi, j’l’auros bin vu in Joséphine, puich’qu’in avot d’jà un Napoléon tout treuvé ! Li, président acteur, ch’est un pléonasme… Infin, tout cha ch’est pour rir’te ! A l’prochaine, mes gins !

A star is born (pareil en français)

Salut mes gens ! Il est arrivé le week-end où il y aura beaucoup plus de monde sur les routes que dans les baraques. Entre ceux qui reviennent et ceux qui s’en vont, Bison Futé est sur le pied de guerre et il va s’arracher les plumes ! On souhaite beaucoup de courage à tout le monde pour tous les bouchons qui sont pressentis et pendant ce temps-là, ceux qui restent seront aussi dans les bouchons, mais pour les faire sauter, bien installés dans un transat afin de siroter un coup. Oui, avec modération, si tu veux, mais mon transat fait du sur-place alors cela devrait aller ! Désolée, je ne l’ai pas fait exprès, toi coincé dans un bouchon…

Du sur-place comme avec l’audition d’Eric Woerth. Dire que l’on avait l’impression qu’il allait tout nous dire et qu’il était pressé de le faire, comme je l’ai expliqué dans mon précédent article. Puis, là, rien ! Il s’est juste contenté de réfuter tout ce que l’on a dit contre lui. Une carpe ! Je te le dis, on fait durer le suspense ! Pareil avec Patrice de Maître qui retourne en garde à vue. Si cela continue, on va lui mettre son nom dessus. En tout cas, on est obligé de faire une pause en attendant du neuf. Que veux-tu, pas facile pour moi d’écrire le roman d’une carpe, ce serait comme faire les mémoires d’un poisson rouge. Bref, j’ai plus de chance de vendre des cahiers vierges. Ah, mes gens, ce clap final n’est pas pour demain ! Si encore il y avait une petite intrigue sentimentale pour nous changer les idées. On ne sait jamais. Une enveloppe aurait pu s’égarer pour donner son dimanche à un coquin ou une coquine. Enfin, pour le côté comédie sentimentale, surtout si on se place côté fille de mémé Liliane qui n’a que du sentiment pour son capital, il faut aller voir ailleurs, un autre film. Ca y est, mes gens, elle a commencé cette semaine ! Qui, tu vas me dire ? Attends, je fais comme dans la saga à friqués, je fais durer un peu le plaisir !

Comme disent les anglophones a star is born ! Enfin, on ne va peut-être pas lui donner le César, que dis-je, l’Oscar avant même qu’elle soit nominée. On va attendre de regarder le résultat. Le premier clap  a été donné à la Première Dame de France dans Midnight in Paris de Woody Allen ! Tu vois, ce qu’il avait dit au festival de Cannes ce n’était pas du chiqué. Le film a commencé depuis début du mois de juillet et c’est enfin à son tour de tourner. Quoi ? Tu t’en moques comme de ta première culotte ! C’est sûr que pour la vie tous les jours, cela ne va pas changer grand chose, mais c’est quand même une première ! Elle va devoir refaire ses cartes de visite et pendre un grand format, parce que cela commence à faire long : Première Dame de France, chanteuse populaire, ex-mannequin, star de cinéma. J’oublie volontairement toutes ses oeuvres de charité, sinon on passe sur un A4 ! C’est qui qui vient de le crier chanteuse impopulaire ? C’est malin ! Pourtant quelqu’un m’a dit qu’elle avait quand même réussi à en vendre un peu de ses cédés. Quoi encore ? Star de cinéma il ne faut pas pousser… Cela reste à voir ! Elle a déjà un point commun avec Elisabeth Taylor, c’est une croqueuse d’hommes, alors on ne sait jamais. Quoique mon Nicolas tienne plus de Louis De Funès que de Richard Burton, c’est vrai.

Bref. Carla a commencé les scènes où elle doit jouer une directrice de musée et cela s’est passé cette semaine dans les rues de Paris, qui ont été barrées pour la circonstance. Tu sais, mes gens, ce n’est vraiment pas facile la vie d’une star de cinéma. Elle a commencé dans l’après-midi et cela a fini tard dans la nuit. Bah, la pauvre, elle a dû être épuisée surtout de la première scène de l’après midi. Tu te rends compte, toi, elle a dû se balader sur un trottoir aux côtés l’acteur américain Owen Wilson. Quoi ? Il y a plus désagréable ! C’est vrai, mais ce n’est pas Brad Pitt ! Enfin, un blondinet cela doit la changer un peu. Accessoire de mise en scène : Une baguette de pain à la main ! Bah, oui, cela fait cliché pour une Française dans un film américain ! Je te rassure, elle n’avait pas le camembert et on ne l’avait pas affublé d’un béret non plus ! Elle était en jean avec un chemisier blanc et les cheveux relevés en chignon. Heureusement, pour le camembert quand j’y pense, parce que la scène a dû être retournée trente-deux fois ! Tu vois si c’était risqué d’en pendre un dans le scénario. Bah quoi ? Woody Allen prenait le risque qu’il se barre tout seul, il faisait quand même chaud et pour une scène d’une bonne trentaine de secondes, cela a duré cinq heures ! Maintenant, ils auraient pu prendre un camembert doublure. Déjà là, la baguette ne devait plus valoir tripette à se balader sous le soleil. Du pain grillé pour les oiseaux !

On peut s’interroger sur le temps et le nombre de prises pour une scène somme toute banale. Je me suis entraînée ce matin, en allant chercher une baguette. A part le fait que l’on ait dû me prendre pour une nunuche parce que je parlais dans le vide à un Owen qui n’était pas venu jouer cela avec moi, je crois que je m’en suis pas mal sortie. J’avais fait comme elle, mis des ballerines. Je ne voulais pas risquer de perdre un talon en route. Mon chemisier était rose, pas blanc, mais cela ne changeait rien ! Qu’a-t-il bien pu se passer pour que Woody Allen en fasse trente-deux prises ? La baguette avait les croûtes qui commençaient à tomber et cela ne lui plaisait pas ? Carla la tenait mal dans ses mains. On va encore dire que je fais la mauvaise langue, mais elle n’a peut-être pas l’habitude d’avoir un bazar pareil dans la main ! Quoi ? Evidement tu ne pensais pas à cela, toi ! Vraiment ! Mon Nicolas a un ego sur-dimensionné mais pour reste il est comme tout le monde. Puis, tu sais ce que l’on dit, ce n’est pas la taille qui compte ! Regarde, il est plus petit que la normale et pourtant on ne voit que lui ! Bref, j’émettais la possibilité qu’elle n’a pas l’habitude de se balader avec une baguette à la main. On doit lui livrer à domicile ! On peut juste se demander si Woody est un ultra perfectionniste ou alors si Carla était vraiment à ce qu’elle faisait…

C’est que l’on doit avoir le trac quand même ! Regarde, moi, ce matin, je n’en menais pas large. Pas pour les mêmes raisons, d’accord, j’avais peur de voir arriver des hommes en blanc, puisque je parlais toute seule. Tout cela les a emmenés jusqu’à deux heures du mat pour finir une autre scène où elle se promenait dans une rue du cinquième dans une petite robe à fleur et portant un sac en bandoulière. Ca parait simple, mais il fallait qu’elle marche comme toi et moi, pas comme une ex-mannequin. Cela demandait quand même de la concentration ! Mais récompense suprême pour notre star is born, mon Nicolas est venu lui faire un petit coucou et ils ont pris le temps à une terrasse de visionner les scènes sur un portable. Un petit moment rien qu’à eux. Enfin, si on enlève la foule de curieux et de touristes qui était déjà là pour regarder a star is born et qui ont dû être méduser de voir débarquer mon Nicolas à une heure pareille ! A moins qu’il s’agisse d’une scène improvisée. Attends, moi, je vais suggérer cela à Woody. Tu vas voir, cela pourrait parfaitement être casé dans son film…

Mon Nicolas arrive parce qu’il commence à trouver le temps bien long. Là, il lui dit que son dîner est froid depuis le temps qu’il attend. Ca y est, tu la vois bien la scène ? On va mettre des dialogues. Enfin, c’est surtout un monologue, mais mon Nicolas sait très bien faire cela : « Mais qu’est-ce que tu fous ? » – Carla le regarde avec les yeux qui disent hein ? – « Ca fait des heures que tu m’as dit que tu sortais chercher du pain et tu n’es toujours pas rentrée ! Que s’est-il passé ? » – Tentative d’ouverture de bouche pour Carla, mais elle n’a pas été assez rapide, il enchaîne – « Tu as dû d’abord semer ton blé, puis le récolter et en faire de la farine ? » – Tentative de changement de regard pour Carla qui serait proche du tu es nigaud – « Puis, tu as vu dans quel état est ta baguette ! » – Regard interrogatif de Carla qui regarde l’engin dans le genre bin quoi ? – « On dirait qu’elle a fait un marathon en plein soleil ! Même un pâté premier prix de chez Aldi n’en voudrait pas ! » – Regard profond de Carla qui pense ça tombe bien, ce n’est pas là que je vais acheter du pâté – « Puis compte pas sur ton canard, celui que tu mets dans ton bain, il n’a pas l’habitude de manger les vieux croûtons ! » – Regard de celle qui a été prise en flagrant délit, mince, je croyais l’avoir bien cacher celui-là, croisé avec celui de celle qui est contente de ne pas s’être fait traiter de vieux croûton – D’accord, mes gens, je suis vache, ce n’est pas facile à faire des yeux pareils ! « Cut ! » C’est la voix de Woody Allen, je crois que l’on a tout fait en une seule prise. On voit qu’il a l’habitude de faire du cinéma, mon Nicolas…

Mes gens, si tu veux regarder le film, il va encore falloir attendre un petit peu. Tout n’est pas encore dans la boîte. Tu te rends compte à présent à quel point c’est dur la vie d’une star is born. En plus, avec tout cela, on a oublié de dire que pour les besoins du tournage, mon Nicolas a dû reculer ses vacances au trois août, pour laisser à Carla le temps de faire exploser ses talents de comédienne. Le seul truc qui me chagrine, quand j’y pense, c’est pourquoi Woody l’a fait jouer dans un film pareil. Pourquoi une directrice de musée ? Moi, je l’aurais bien vu en Joséphine, puisque l’on avait déjà un Napoléon tout trouvé ! Lui, président acteur, c’est un pléonasme… Enfin, tout cela c’est pour rire ! A la prochaine, mes gens !

Du film " A star is born"