Chalut mes gins ! In ch’jour d’eul fiête nachionale d’euch Pérou, tin parapluie i est tin meilleu atout ! Te sais, i faut savoir créer des nouvieaux dictons. In tout cas, qu’in y crot ou pon, à’ch’t’heure, i a été in n’peut pus vrai. Puich’que j’ai comminché com’ un éphéméride, j’pourros auchi souhaiter une bionne fiête à ches Samson. Personnellemint, je n’in connos aucun. Cha n’dot pon ête tellemint répindu ou alors is sontent vraimint discrets et is n’fontent pon d’bruit. Bah, ouais, ch’est bin ! J’in vos qui suiv’tent, Samson pon d’bruit… Quo ? Bin sûr’te qu’chi, i y a auchi un dicton pour eusses : Chi ch’jour d’eul Saint Samson ch’pinson i est à ch’buisson, l’amour i peut canter ch’canchon, ch’vin i s’ra bion. L’seu problème i est qu’i faut avoir un pinson et churtout un buisson, ch’est pon toudis simpe. J’connos bin des indrots d’ù qu’i y a des buissons, mais cha n’est pon des pinsons qui sontent muchés d’dins, même chi ch’est des drôl’tes d’ojieaux et qu’leu cant d’amour i est limité à ch’première lette de ch’t’alphabet. In n’est pon prêts d’savoir chi ch’vin i s’ra bion…

Quo ? Te treuves que j’parl’te pour n’rin dir’te et que j’tourn’te in rond ? D’jà, j’écris et com’ m’feulle alle est rectingulaire, cha n’est pon in rond. J’sus in train d’noyer ch’pichon com’ dins not’ saga à friqués. In tout cas, cha n’est pon mi qui ai comminché. Bah, ouais, in nous a fait un épisote pour rin, un peu bouque-trou, à croir’te qu’ches gins qui fontent ch’scénario is ontent eu un problème techinque. Tiens, te prinds Eric Woerth, au lieu de l’acouter com’ ch’étot prévu mardi, ch’est armis. In peut che d’minder pourquo ? Ch’malheureux qui étot au biord d’eul dépréchion. I ch’étot mis dins condichion pour tout dir’te. Bin intindu, ch’vérité, in ch’in doute bin. I étot prêt à canter à qui veut l’intinde du Pierre Perret. Infin, j’voulos dir’te :  « Tout, tout, tout, te sauras tout chu chette histoire. La vraie, la fausse, l’imbauche d’eum femme. Min amitié aveuc de Maistre. Ch’cop des inveloppes dins ches tiroirs et de mémé dins sin boudoir. Tout, tout, tout, tout, j’te dirai tout chu chette histoire ! » Ouais, bin nin, problème technique chu ch’platieau, i faut croir’te. P’t-ête qu’in n’a pon cor’ égaré chertains documints ou que ch’broyeusse à papie alle est in raque. Mais com’ j’sus mauviaisse lingue mi ! Vraimint Marie Toutoule, te vos des complotaches partout…

In tout cas, cha n’les a pon impêqués d’nous juer ch’t’épisote chuivint. P’t-ête qu’is ch’imagin’tent qu’in va oublier Eric au passache. Bref. Toudis i est qu’dins ch’nouviel opus ches polichiers is débarqu’tent chez ch’file à mémé Liliane à 6h30 ch’mercredi matin. Bah ouais, ch’est des fous, in n’a pon idée d’aller réveiller ches gins à eune heure parelle ! Françoise alle a déchidé d’habiter in ville, à Neuilly, pour n’pon ête déringée par ch’cant d’euch coq et lal, ch’est un poulailler complet qui li qué d’chus. Bin loin d’euch pinson d’eul Saint Samson et d’sin cant d’amour dans ches buissons. Qué misère ! In pus, com’ in n’est dins ch’grind monte, alle va d’voir leu faire un tiot déj ! Te sais quo qu’in dit, in travalle miux aveuc un vinte plein. Pach’que d’euch traval, is vontent in avoir. Bah, ouais, in apprind qu’is sontent vénus pour eune perquisichion dins ch’cadre des inregistremints clindestins fait par sin maîte d’hôtel à mémé Liliane. Attinds, commint ch’est sin tiot nom à ch’ti-lal d’jà. J’ravise dins ches résumés d’ches premiers épisotes. Ah ouais, Pascal ! In pus, i a un nom prédestiné pour ch’sac d’nœuds, i ch’appell’te Bonnefoy. Te marre pon ! Ches inregistremints, i les a fait in toute bonne foi. Saint Pognon ait pitié d’li !

Alors, com’ j’disos, d’euch traval is vontent in avoir gramint, pach’que la Françoise, cha n’est pon dins un deux pièches qu’alle vit ! Ches inquêteurs is querch’tent à déterminer dins quelles circonstinches Pascal i a pris l’déchision d’inregistrer mémé Liliane intre mai 2009 et mai 2010. J’auros bin eune réponche toute faite à leu proposer, in mai, fait ch’qu’i t’plait et ch’est ch’qu’i a fait, mais je n’sus pon sûr’te qu’eum réponche alle leu conviendra ! Is souhaitent auchi comprinde l’fachon dont ches cédéroms is ontent été trinsmis à l’justiche et commint qu’cha a été organisé pour ête diffusé dins ch’presse. Médiapart, in l’occurrinche, puich’que che sontent eusses qui ontent fait ches premiers un déballache public. In ch’souvient que, dins ch’premier épisote in apprind qu’Pascal i aurot armis ches inregistremints d’li-même à Françoise, ch’qui pourrot simbler la dédouaner d’toutes implicachions. Sauf qu’in sait qu’alle f’sot un procès à ch’mère pour la mette chous tutelle pach’qu’alle trouvot qu’alle étot chous l’dépindinche d’sin ami photographe. Dins ch’cas, in peut che d’minder chi, au départ, cha n’étot pon pour treuver ch’ginre d’preuves.

J’eum sus d’mindé pourquo is avotent b’soin d’faire eune perquisichion pour cha, alors qu’is ontent d’jà ches cédés ? Dins l’espoir’te d’in treuver d’autes p’t-ête ? Dins ch’cas j’leu conseill’te d’les acouter chu plache. Tiens, in n’sait jamais, chi Françoise alle ch’étot fait des compils d’Plastic Bertrand, in sait à’ch’t’heure qu’cha n’vaut pus tripette ! D’ailleurs, j’espèr’te qu’is vontent au moins avoir l’présinche d’esprit d’analyser ches voix pour ête sûr’te qu’i s’agit bin d’mémé Liliane et d’Patrice de Maîstre. A’ch’t’heure, in n’est jamais trop prudint. Ravise l’aute, cha fait pus d’trinte ins qui nous fait planer aveuc li pour rin ! Imagine ichi aveuc eune saga dont in n’in vot d’jà pon ch’biout ! In fin d’compte, ch’is ontent fait ch’déplach’mint, ch’est auchi pour eune aute raison. Bah, i n’faut pon croir’te, is inquêtent quind même et is ontent treuvé l’trache d’un verchemint d’400.000 euros à Claire Thibout qui est, in l’rappell’te, ch’t’ex comptape à mémé Liliane. J’préfère archituer ches personnaches pach’qu’in finit par n’pus savoir. Chèque qui a été émis par Françoise in 2009. Quo qu’alle in dit, alle ? Qu’ch’étot ch’volonté d’feu sin père, papy André. Ch’qui est sûr’te ch’est qu’i n’pourra pon la contredire, ch’est pratique d’faire parler un mort ! Par conte, ch’qui interpell’te ches inquêteurs, ch’est que ch’témoignache d’Claire dins ch’procès, pour abus d’faibléche que Françoise alle a attinté conte ch’t’ami photographe d’euch mère, i a été décisif.

Te vos, même chi j’n’ai pon écris ch’t’histoire, ch’est simpe à comprinde : Françoise alle donn’te sin diminche – 400.000 euros, ch’est un diminche honorape – à Claire et alle li d’minde d’aller dir’te à monsieur l’juche qu’mémé Liliane alle a des courints d’air dins sin grenier, qu’alle n’a pus l’ieau à tous ches étaches et qu’euch photographe i in profite. I li tire ch’portrait au flash et mémé alle est tell’mint ébloui’te qu’alle li fait des cadieaux com’ ch’i in drachot. Te parl’tes, ti, i y a bielle lurette qu’papy André i n’li f’sot pus tourner l’tiête com’ cha ! Seul’mint in n’oublie pon qu’ch’est sin trésor d’guerre à la Françoise ! Ch’qui parôt d’un cop lever ch’discrédit chu Claire qui parraissot jusque-lal ête eune bionne imployée, qui allot à ch’binque et qui rimplissot com’ i faut ches inveloppes quind in li d’mindot. D’autint qu’in perquisichionnint chez mémé Liliane, ch’te fos, is ontent artreuvé un projet d’donachion d’deux appart’mints pour Claire qui n’a jamais été mis in œufre, mais quind même. Toudis i est qu’cha voudrot dir’te que Claire alle aurot auchi bénéfichié des largesses d’eul famile à mémé Liliane et qu’cha peut armette in causse tout sin témoignache chu sin rimplissache d’inveloppes et, churtout, l’fait qu’alle ait bin insisté d’avoir jamais été présinte lors de l’armise d’l’eune d’alles !

Tout compte fait, mes gins, in n’tourn’te pon chi in rond qu’cha, mis à part qu’in ch’arcintre chu des pions, à m’mote, et qu’in oublie quéques personnaches au passache. In va dir’te qu’ch’est aveuc ch’pus grind d’ches hasards qu’i s’agit churtout d’ches politiques, pach’qu’in risqu’te cor’ d’ête traités d’mauviaisses lingues et d’vir des complots partout. In tout cas, is ontent résolu un mystère, ches inquêteurs, ches deux comptes in Suisse. In fait, ch’est pach’qu’à l’époque mémé Liliane alle avot auchi 4% d’Nestlé et donc, alle étot obligée pour ches affaires. Quo ? Te treuves qu’deux comptes pour chi peu cha fait gramint ? Attinds, cha arprésintot 5 milliards d’euros ! Te m’excuseras, mais cha fait un sacré carré d’chocolat ! In même timps, cor’ eune piste d’pus chertainemint à explorer. Dis, te t’rinds compte, ti, chi in treuve un lien intre ches 4% d’chez Nestlé et ch’femme à Eric Woerth qui travaillot avint à ch’Caisse d’Epargne ? Nin, te n’vos pon ? Bah, in va ch’artreuver avec d’euch chocolat noziette qu’in pourra déguster ch’timps d’un nouviel épisote !

Salut mes gens ! En ce jour de la fête nationale du Pérou, ton parapluie est ton meilleur atout ! Tu sais, il faut savoir créer des nouveaux dictons. En tout cas, qu’on y croit ou pas, aujourd’hui, il a été on ne peut plus vrai. Puisque j’ai commencé comme un éphéméride, je pourrais aussi souhaiter une bonne fête aux Samson. Personnellement, je n’en connais aucun. Ce ne doit pas être tellement répandu ou alors ils sont vraiment discrets et ne font pas de bruit. Bah, oui, c’est bien ! J’en vois qui suivent, Samson pas de bruit… Quoi ? Bien sûr que si, il y a aussi un dicton pour eux : Si le jour de la Saint Samson le pinson est au buisson, l’amour peut chanter sa chanson, le vin sera bon. Le seul problème est qu’il faut avoir un pinson et surtout un buisson, ce n’est pas toujours simple. Je connais bien des endroits où il y a des buissons, mais ce ne sont pas des pinsons qui sont cachés dedans, même si ce sont de drôles d’oiseaux et que leur chant d’amour est limité à la première lettre de l’alphabet. On n’est pas prêts de savoir si le vin sera bon…

Quoi ? Tu trouves que je parle pour ne rien dire et que je tourne en rond ? Déjà, j’écris et comme ma feuille est rectangulaire, ce n’est pas en rond. Je suis en train de noyer le poisson comme dans notre saga à friqués. En tout cas, ce n’est pas moi qui ai commencé. Bah, oui, on nous a fait un épisode pour rien, un peu bouche-trou, à croire que les gens qui font le scénario ont eu un problème technique. Tiens, tu prends Eric Woerth, au lieu de l’écouter comme c’était prévu mardi, c’est remis. On peut se demander pourquoi ? Le malheureux qui était au bord de la dépression. Il s’était mis en condition pour tout dire. Bien entendu, sa vérité, on s’en doute bien. Il était prêt à chanter à qui veut l’entendre du Pierre Perret. Enfin, je voulais dire :  « Tout, tout, tout, tu sauras tout sur cette histoire. La vraie, la fausse, l’embauche d’ma femme. Mon amitié avec de Maistre. L’coup des enveloppes dans les tiroirs et de mémé dans son boudoir. Tout, tout, tout, tout, j’te dirai tout sur cette histoire ! » Oui, bien non, problème technique sur le plateau, il faut croire. Peut-être que l’on n’a pas encore égaré certains documents ou que la broyeuse à papier est en panne. Mais comme je suis mauvaise langue moi ! Vraiment Marie Toutoule, tu vois des complotages partout…

En tout cas, cela ne les a pas empêchés de nous jouer l’épisode suivant. Peut-être qu’ils s’imaginent que l’on va oublier Eric au passage. Bref. Toujours est-il que dans ce nouvel opus les policiers débarquent chez la fille de mémé Liliane à 6h30 ce mercredi matin. Bah oui, c’est des fous, on n’a pas idée d’aller réveiller les gens à une heure pareille ! Françoise a décidé d’habiter en ville, à Neuilly, pour ne pas être dérangée par le chant du coq et là, c’est un poulailler complet qui lui tombe dessus. Bien loin du pinson de la Saint Samson et de son chant d’amour dans les buissons. Quelle misère ! En plus, comme on n’est dans le grand monde, elle va devoir leur faire un petit déj ! Tu sais ce que l’on dit, on travaille mieux avec un ventre plein. Parce que du travail, ils vont en avoir. Bah, oui, on apprend qu’ils sont venus pour une perquisition dans le cadre des enregistrements clandestins fait par le maître d’hôtel de mémé Liliane. Attends, comment c’est son petit nom à celui-là déjà. Je regarde dans les résumés des premiers épisodes. Ah oui, Pascal ! En plus, il a un nom prédestiné pour ce sac de nœuds, il s’appelle Bonnefoy. Te marre pas ! Les enregistrements, il les a fait en toute bonne foi. Saint Pognon ait pitié de lui !

Alors, comme je disais, du travail ils vont en avoir beaucoup, parce que la Françoise, ce n’est pas dans un deux pièces qu’elle vit ! Les enquêteurs cherchent à déterminer dans quelles circonstances Pascal a pris la décision d’enregistrer mémé Liliane entre mai 2009 et mai 2010. J’aurais bien une réponse toute faite à leur proposer, en mai, fait ce qu’il te plait et c’est ce qu’il a fait, mais je ne suis pas sûre que ma réponse leur conviendra ! Ils souhaitent aussi comprendre la façon dont les cédéroms ont été transmis à la justice et comment cela a été organisé pour être diffusé dans la presse. Médiapart, en l’occurrence, puisque ce sont eux qui ont fait les premiers un déballage public. On se souvient que, dans le premier épisode on apprend que Pascal aurait remis les enregistrements de lui-même à Françoise, ce qui pourrait sembler la dédouaner de toutes implications. Sauf que l’on sait qu’elle faisait un procès à sa mère pour la mettre sous tutelle parce qu’elle trouvait qu’elle était sous la dépendance de son ami photographe Auquel cas, on peut se demander si, au départ, ce n’était pas pour trouver ce genre de preuves.

Je me suis demandé pourquoi ils avaient besoin de faire une perquisition pour cela, alors qu’ils ont déjà ces cédés ? Dans l’espoir d’en trouver d’autres peut-être ? Dans ce cas je leur conseille de les écouter sur place. Tiens, on ne sait jamais, si Françoise s’était fait des compils de Plastic Bertrand, on sait maintenant que cela ne vaut plus tripette ! D’ailleurs, j’espère qu’ils vont au moins avoir la présence d’esprit d’analyser les voix pour être sûr qu’il s’agit bien de mémé Liliane et de Patrice de Maîstre. A présent, on n’est jamais trop prudent. Regarde l’autre, cela fait plus de trente ans qu’il nous fait planer avec lui pour rien ! Imagine ici avec une saga dont on n’en voit déjà pas le bout ! En fin de compte, s’ils ont fait le déplacement, c’est aussi pour une autre raison. Bah, il ne faut pas croire, ils enquêtent quand même et ils ont trouvé la trace d’un versement de 400.000 euros à Claire Thibout qui est, on le rappelle, l’ex comptable de mémé Liliane. Je préfère resituer les personnages parce que l’on finit par ne plus savoir. Chèque qui a été émis par Françoise en 2009. Qu’en dit-elle, elle ? Que c’était la volonté de feu son père, papy André. Ce qui est sûr c’est qu’il ne pourra pas la contredire, c’est pratique de faire parler un mort ! Par contre, ce qui interpelle les enquêteurs, c’est que le témoignage de Claire dans le procès, pour abus de faiblesse que Françoise a attenté contre l’ami photographe de sa mère, a été décisif.

Tu vois, même si je n’ai pas écris l’histoire, c’est simple à comprendre : Françoise donne son dimanche – 400.000 euros, c’est un dimanche honorable – à Claire et elle lui demande d’aller dire à monsieur le juge que mémé Liliane a des courants d’air dans le grenier, qu’elle n’a plus l’eau à tous les étages et que ce photographe en profite. Il lui tire le portrait au flash et mémé est tellement éblouie qu’elle lui fait des cadeaux comme s’il en pleuvait. Tu parles, toi, il y a belle lurette que papy André ne lui faisait plus tourner la tête comme cela ! Seulement on n’oublie pas que c’est son trésor de guerre à la Françoise ! Ce qui paraît d’un coup lever le discrédit sur Claire qui paraissait jusque-là être une bonne employée, qui allait à la banque et qui remplissait comme il faut les enveloppes quand on lui demandait. D’autant qu’en perquisitionnant chez mémé Liliane, cette fois, ils ont retrouvé un projet de donation de deux appartements pour Claire qui n’a jamais été mis en œuvre, mais quand même. Toujours est-il que cela voudrait dire que Claire aurait aussi bénéficié des largesses de la famille de mémé Liliane et que cela peut remettre en cause tout son témoignage sur son remplissage d’enveloppes et, surtout, le fait qu’elle ait bien insisté d’avoir jamais été présente lors de la remise de l’une d’elles !

Tout compte fait, mes gens, on ne tourne pas si en rond que cela, mis à part que l’on se recentre sur des pions, à mon avis, et que l’on oublie quelques personnages au passage. On va dire que c’est avec le plus grand des hasards qu’il s’agit surtout des politiques, parce que l’on risque encore d’être traités de mauvaises langues et de voir des complots partout. En tout cas, ils ont résolu un mystère, ces enquêteurs, les deux comptes en Suisse. En fait, c’est parce qu’à l’époque mémé Liliane avait aussi 4% de Nestlé et donc, était obligée pour les affaires. Quoi ? Tu trouves que deux comptes pour si peu cela fait beaucoup ? Attends, cela représentait 5 milliards d’euros ! Tu m’excuseras, mais cela fait un sacré carré de chocolat ! En même temps, encore une piste de plus certainement à explorer. Dis, tu te rends compte, toi, si l’on trouve un lien entre les 4% de chez Nestlé et la femme d’Eric Woerth qui travaillait avant à la Caisse d’Epargne ? Non, tu ne vois pas ? Bah, on va se retrouver avec du chocolat noisette que l’on pourra déguster le temps d’un nouvel épisode !