Pure détinte !

Dimanche 7 décembre 2008 7 07 /12 /Déc /2008 12:20

Pure détinte !

Chalut mes gins ! Ch’est diminche et te sais qu’in n’fait pon long et qu’in ch’prind pon l’tiête. In a eu un début d’ouiquen drôl’t’mint chargé aveuc ch’Téléthon et ches pus d’quate-vingt-quinsse millions d’euros d’promèches d’dons. Com’ quo, tout i n’est pon désespéré et qu’in treuve toudis d’el générosité quind i fot. Infin, i n’faudrot pon qu’cha ress’ des promèches et juss’ un effet d’annonche…
Inchuite, in a eune nouvielle Miss France. Cha révoluchionn’te t’vie, ti auchi. ? Bion, in va dir’te que ch’est du rêfe. Quo qui va li arrifer à cheule-lal ? In va découvrir quo su sin paché ? Des photos d’alle nue aveuc ches fèches à l’air su eune moumoute quind alle étot bébé ? Infin, i y a d’jà eune polémique d’chus. Cha va vit’, juss’ quéques heures. In treuve que ch’est un peu bidonné pou faire du politiqu’mint corrèque et que l’première dauphine, Miss Lorraine alle étot gramint miux ! Bion, mi, j’in sais rin. J’auros p’t’ête dü m’présinter pou mette tertous d’accord ! Pis, j’sus vraimint churprisse qu’in puiche truquer eune émichion d’tévé ! Churtout su TF1^er. Pon ti ? J’echpère que Geneviève alle n’s’ra pon obligée d’minger sin capieau eune nouvielle fos !
Bion, i ress’ cor’ à résumer l’rinconte de Saint-Nicolas et du Dalaï-Lama. Qui, com’ tertous i l’sait, n’est pon l’frère d’Serche. Quo qu’in peut in dir’te ? Ch’brafe Tibétain i a eu peur que Nicolas i prenn’te frod et i li a offert eune écharpe. In n’dit pon chi ch’est en poil d’lama, mais bion… Qu’est-ech que te veux, mes gins ! Ch’chef spirituel i n’savot pon que Nicolas i collectionn’te ches stylos et pon ches écharpes. Mais com’ in dit, ch’est l’intintion qui compte ! Pis, com’ cha, i pourra la mette pou mucher ch’guiffe et pacher incognito. Ah nin ! J’avos oublié, in va toudis l’arconnaîte à ches orelles !
Et infin, pou finir, l’crème d’el crème, ch’est d’aller vir du côté d’chez Titine. L’cheftaine spiritueusse d’ches rosses oufre grind ches bras à ch’dauphine. Alle, Dame Ségo, alle in a marre d’ête prisse pou eune peumme, pis eune grinte, eune Royal-Gala. Alors, alle boude dins sin coin in arfusint ches accolades d’Titine. Mais cha vingeinche alle s’ra terripe !
Alors, juss’ pou rir’te, v’là quo qu’j’ai treuvé such’ Net…

Socialistas par LePostfr

Pure détente !

Salut mes gens ! C’est dimanche et tu sais que l’on ne fait pas long et que l’on ne se prend pas la tête. On a eu un début de week-end drôlement chargé avec le Téléthon et ses plus de quatre-vingt-quinze millions d’euros de promesses de dons. Comme quoi, tout n’est pas désespéré et que l’on trouve toujours de la générosité quand il faut. Enfin, il ne faudrait pas que cela reste des promesses et juste un effet d’annonce…
Ensuite, on a une nouvelle Miss France. Ca révolutionne ta vie, toi aussi ? Bon, on va dire que c’est du rêve. Que va-t-il lui arriver à celle-là ? On va découvrir quoi sur son passé ? Des photos d’elle nue avec les fesses à l’air sur une moumoute quand elle était bébé ? Enfin, il y a déjà une polémique dessus. Ca va vite, juste quelques heures. On trouve que c’est un peu bidonné pour faire du politiquement correcte et que la première dauphine, Miss Lorraine, était beaucoup mieux ! Bon, moi, j’en sais rien. J’aurais peut-être dû me présenter pour mettre tout le monde d’accord ! Puis, je suis vraiment surprise que l’on puisse truquer une émission de télé ! Surtout sur TF1^er. Pas toi ? J’espère que Geneviève ne sera pas obligée de manger son chapeau une nouvelle fois !
Bon, il reste encore à résumer la rencontre de Saint-Nicolas et du Dalaï-Lama. Qui, comme tout le monde le sait, n’est pas le frère de Serge. Que peut-on en dire ? Ce brave Tibétain a eu peur que Nicolas prenne froid et il lui a offert une écharpe. On ne dit pas si c’est en poil de lama, mais bon… Qu’est-ce que tu veux, mes gens ! Le chef spirituel ne savait pas que Nicolas collectionne les stylos et pas les écharpes. Mais comme on dit, c’est l’intention qui compte ! Puis, comme ça, il pourra la mettre pour cacher sa figure et passer incognito. Ah non ! J’avais oublié, on va toujours le reconnaître à ces oreilles !
Et enfin, pour finir, la crème de la crème, c’est d’aller voir du côté de chez Titine. La cheftaine spiritueuse des roses ouvre grand les bras à sa dauphine. Elle, Dame Ségo, en a marre d’être prise pour une pomme, puis une grande, une Royal-Gala. Alors, elle boude dans son coin en refusant les accolades de Titine. Mais ça vengeance sera terrible !
Alors, juste pour rire, voilà ce que j’ai trouvé sur le Net…