AIDES...

Dimanche 30 novembre 2008 7 30 /11 /Nov /2008 12:37

AIDES...

Chalut mes gins ! I y a des momints dins l’vie d’ù qu’i fot savoir faire un chox et relayer eune information importinte. Mette un peu sin humour inte parinthésse com’ j’vais l’faire à’ch’t’heure. Alors quind in m’sollichite pou eune grinte cosse, j’accepte sins hésiter ! J’n t’apprinds rin in disint que ch’premier décempe, ch’est l’journée mondiale d’lutte conte ch’SIDA.

Alors, ch’est vrai que, cheule année, in est pus préoccupé par l’crisse et ches conséquinches su l’vie d’tous ches jours. Mais cha n’est pon eune raison pou oublier que ch’SIDA, ch’est trinte-tros millions d’perchonnes séropositives dins l’monte et seul’mint tros millions qui ont accès à un trait’mint ! Te vos d’jà qu’in n’est pon tous égaux pou avoir ches médicamints. Cha coûte quer, ch’est vrai, mais i n’fot pon oublier qu’i y va de l’av’nir de ch’t’humanité !

In sait tertous, infin j’espère, que ch’meilleu protection cha ress’ ch’capuchon. Mais chi in ravise ches chiffes, in s’aperchot qu’i y in a gramint qui ont oublié. Donc, i est bion d’faire une piqûre d’rappel. De n’pon hésiter à ardir’te ch’slogan : « Ch’protéger, ch’est ête lipe d’aimer ! » Et pou cheuls qui pins’tent avoir fait l’bêtisse d’oublier cha, in peut rapp’ler, qu’à’ch’t’heure, i existe des tests ultra rapides. L’VIKIA HIV1/2 permet, aveuc juss’ eune goutte d’sing, d’savoir in trinte minutes chi t’as été contaminé ou pon. Pach’que pus vit’ te sauras, pus t’as d’chinces de t’in sortir vivint, d’tin avintures…Eune perchonne est contaminée par ch’SIDA toutes ches chisse s’condes pou seul’mint eune perchonne miss’te chous trait’mint toutes ches disse-huit s’condes ! Alors, même chi te pinses n’pon ête concerné pach’que t’es fidèle à tin conjoint, cha peut arrifer à t’file ou tin fils, n’l’oublie pon. I suffit d’eune fos…

Soutenez la AIDES ATTITUDE ! from AIDES ATTITUDE on Vimeo.

Salut mes gens ! Il y a des moments dans la vie où il faut savoir faire un choix et relayer une information importante. Mettre un peu son humour entre parenthèse comme je vais le faire aujourd’hui. Alors quand on me sollicite pour une grande cause, j’accepte sans hésiter ! Je ne t’apprends rien en disant que ce premier décembre, c’est la journée mondiale de lutte contre le SIDA.

Alors, c’est vrai que, cette année, on est plus préoccupé par la crise et ces conséquences sur la vie de tous les jours. Mais ça n’est pas une raison pour oublier que le SIDA, c’est trente-trois millions de personnes séropositives dans le monde et seulement trois millions qui ont accès à un traitement ! Tu vois déjà que l’on n’est pas tous égaux pour avoir les médicaments. Ca coûte cher, c’est vrai, mais il ne faut pas oublier qu’il y va de l’avenir de l’humanité !

On sait tous, enfin j’espère, que la meilleure protection ça reste le capuchon. Mais si on regarde les chiffres, on s’aperçoit qu’il y en a beaucoup qui ont oublié. Donc, il est bon de faire une piqûre de rappel. De ne pas hésiter à redire ce slogan : « Se protéger, c’est être libre d’aimer ! » Et pour ceux qui pensent avoir fait la bêtise d’oublier ça, in peut rappeler, qu’aujourd’hui, il existe des tests ultra rapides. Le VIKIA HIV1/2 permet, avec juste une goutte de sang, de savoir en trente minutes si tu as été contaminé ou pas. Parce que plus vite tu sauras, plus tu as de chances de t’en sortir vivant, de ton aventure…

Une personne est contaminée par le SIDA toutes les six secondes pour seulement une personne mise sous traitement toutes les dix-huit secondes ! Alors, même si tu penses ne pas être concerné parce que tu es fidèle à ton conjoint, ça peut arriver à ta fille ou ton fils, ne l’oublie pas. Il suffit d’une fois…