Et ch'trossième...

Jeudi 20 novembre 2008 4 20 /11 /Nov /2008 11:15

Et ch'trossième...

Chalut mes gins ! Cha y est ! ch’est l’momint, ch’est l’instint… Ch’est l’jour J ! Alors, j’in vos d’jà qui s’dis’tent : Te parl’tes, Marie Toutoule d’un jour J. Ch’est plutôt un jour G com’ grèfe aveuc un bieau méli-mélo dins ches écoles. Un jour G auchi com’ gamins qu’i va falloir garder quind ches écoles alles n’von’tent pon assurer ch’serviche d’acceul ! Ch’qui est sûr’te, ch’est qu’ch’est un jour G com’ galère…
Alors, on peut auchi dir’te que ch’est un jour S com’ socialiste. In va p’t’ête savoir quo qu’i in sort de cheule course à ch’est mi qui dot ête l’chef ! In annonche un bieau combat intre ches cindidats. J’supposs’te qu’in lisint ch’tite, ch’trosième, t’as pinsé à ch’ti qui va avoir l’trosième plache et qui peut faire bach’culer ch’vote. Intre cheule reine du music-hall, qui fait des bêtisses tell’mint alle veut l’plache. Mais qui prind à cœur sin dernier rôle d’ù qu’alle jue ches déménageurs. Pisqu’alle veut partir, chi alle gagn’te, d’el rue Solferino. Ch’est sûr’te, alle s’install’rot bin à l’Elysée, mais l’plache alle est d’jà prisse ! Titine d’Lille qui dot carburer à l’bistoulle et qui est armontée com’ in disse ! In disse d’el rue Solferino, te l’auras compris. Alle, sin avintache, ch’est qu’alle est l’seu d’ches tros à pouvoir raviser Nicolas drot dins ches zis. Pis t’as Benoît, l’play-boy, qui de ch’haut d’ches quarinte et un ins veut donner un cop d’jonne et rinvoyer tous ches viux éléphints à leu mason d’artraite !
Allez, mes gins, in n’va pon s’mêler d’cha ! A’ch’t’heure, in a b’soin d’un réconfortint pou faire pacher. Et, com’ te l’auras d’viné chi t’as du pif, in est l’trosième jeudi d’novempe et ch’est l’jour d’sortie de ch’Beaujolais nouvieau ! Un jour festif, même chi in dot faire attintion et d’minder à Modération d’churveiller ch’qu’in fait. L’seu jour d’l’année d’ù qu’te peux treuver, dins un même verre, eune quintité invraisimblape de fruits ou d’épiches. D’ù qu’te peux treuver ch’banane qui flirte aveuc l’fraisse. Pis, pus qu’te dégustes, pus qu’te treuves des trucs différints ! L’Beaujolais nouvieau, ch’est eune vraie magie. Quo ? Te n’es pon convaincu par quo que j’viens d’écrir’te ! Pourtint, ch’est quind même un sacré essploit d’arriver à faire tous ches goûts aveuc du jus d’raisins !

Alors j’pourros finir par cheule phrasse d’Alexandre Dumas père qui disot : « Rin i n’fait vir l’av’nir couleur d’rosse que d’el contimpler à travers un verre d’vin. » Mais in n’peut pon parl’er d’rosse à’ch’t’heure, in pleine guerre d’ches rosses ! Ch’perdint i pourra s’arconforter quind même… Alors, sinté, mes gins ! N’in n’abus’te pon, t’boutelle intamée alle s’ra cor’ bionne d’main. Et pou finir min hommache à ch’Beaujolais nouvieau, ches parol’tes d’eune canchon de Georges Brassens : « Le vin ».

Avant de chanter ma vie, de fair´ des Harangues
Dans ma gueul´ de bois j´ai tourné sept fois ma langue
J´suis issu de gens qui étaient pas du genre sobre
On conte que j´eus la tétée au jus d´octobre...

Mes parents on dû m´trouver au pied d´une souche
Et non dans un chou comm´ ces gens plus ou moins louches
En guise de sang ( O noblesse sans pareille! )
Il coule en mon cœur La chaude liqueur d´la treille...

Quand on est un sage, et qu´on a du savoir-boire
On se garde à vue en cas de soif, une poire
Une poire ou deux mais en forme de bonbonne
Au ventre replet rempli du bon lait d´l´automne...

Jadis, aux Enfers cert´s, il a souffert Tantale
Quand l´eau refusa d´arroser ses amygdales
Etre assoiffé d´eau c´est triste, mais faut bien dire
Que, l´être de vin c´est encore vingt fois pire...

Hélas ! il ne pleut jamais du gros bleu qui tache
Qu´ell´s donnent du vin j´irai traire enfin les vaches
Que vienne le temps du vin coulant dans la Seine !
Les gens, par milliers courront y noyer leur peine...