Chalut mes gins ! Qué ouiquen vinteux, ch’est ch’moins qu’in puiche dir’te ! In a cor’ eu d’el chince ichi par rapport à toutes ches régions sinistrées. In pinse bin à eusses ! J’sus à la bourre dins ches réponches à mes émiles, com’ is dis’tent mes amis Léon et Gérard, mais ne t’inquiètes pon, chi te m’as écrit et qu’te n’as pon archu eune réponche, cha vient ! Intre eune pièche d’théâte, ch’conchert d’ches Nanas Félées à Lambersart, à vir absolumint, mes gins, et l’méga fiête ch’diminche à ch’Sébasto pour ches quarinte ins à Jef Kino, min ouiquen i est paché in cop d’vint ! Bah, ouais, ch’étot fachile à faire, j’te l’avoue. Bref, eune fin de s’maine chins timps…

Chins timps ? Commint qu’in peut avoir des journées chins timps ? Ch’est vrai qu’cha parôt impochipe, mais te sais ch’qu’in dit : Impochipe pon français ! Et just’mint, ch’est un jour particulier, pach’que ch’est ch’première fos qu’in inaugure eune journée chins immigrés ! Bah, nin, ch’est pon pour cha qu’j’ai mis pon français, te n’y es pon. Pis, in pus, in n’est pon les seux puich’qu’i y a auchi l’Italie, l’Espagne et l’Grèce qui sont, par définichion, pon français ! Com’ i disot l’aute, commint cha marche ? Bah, ouais, i s’rot bion d’abord d’expliquer ch’commint d’euch pourquo. Ch’est chu l’initiative d’un comité européen qui ch’appell’te 24 heures sans nous, qui argroup’te des immigrés, des déchindints d’immigrés et des chitoyens solidaires. Ch’princhipe i est, in gros, de n’pon travaller et de n’pon consommer chi te t’arconnos parmi ches tros catégories.

Alors, chi in pache cha à l’moulinette, i sting ches cosses chuivintes. I sting ? Ouh la, j’sus fatiguée ! I faut lire, i arsort ches coses chuivintes. Chitoyens solidaires, ch’est tertous qui adhèr’tent à ch’conchept. Immigrés, pon b’soin d’eune explicachion, ch’est simpe. Lal d’ù qu’j’ai gramint d’problèmes, ch’est aveuc déchindints d’immigrés. Ch’est d’un vague, mes gins ! Déchindints, in veut bin, mais d’pis quind ? Chi te ravises ches parints, ches grinds-parints, t’as vit’ fait ch’tour. Te dos savoir chi t’es concherné. Ouais, mais qui i t’dit qu’te n’as pon des origines étringères chi t’armontes un peu ? Ch’est vague ch’t’histoire ! Chins aller jusqu’à Charlemagne, à partir d’quel momint in n’est pus déchindint d’immigrés ? Te vos, ch’est eune bionne quechtion ! Rin qu’ichi, dins ch’Nord, j’sus sûr’te qu’in a l’mitan d’el populachion qui a des origines flamantes et dins ch’mitant qui rechte, te treuves du Polonais, d’l’Espagnol, faut pon oublier, même chi cha armonte à loin, chins compter tous ches autes. Alors, in fait quo ? Toute l’région alle ch’arrête 24 heures ?

Te vos, ch’est compliqué un conchept mau expliqué. D’jà, cha va faire causser. Ouais ! D’minder à ches immigrés de n’pon travailler, j’sus sûr’te qu’in n’a pon fini d’intinde qu’cha n’va pon ch’vir. Ch’cliqué ! Et ch’est chertain’mint pon l’seu truc qu’in va intinde. Pis, ch’est l’ginre à ch’artreuver aveuc cor’ eune fos chu ch’dios eune quechtion auchi farfelue que ch’t’idintité nachionale. Panique dins ches familles, mais d’ù qu’ch’est qu’in vient ? Cha s’ra ch’grind sujet d’conversachion. In particulier, cha pourrot bin arringer chertains. Ch’est à ch’ti qui n’f’ra pon l’vaichelle, pach’qu’i y a un Belge dins ches taïons. A ch’ti qui n’f’ra pon ch’t’arpassache in mémoire d’sin taïon Portugais. A ch’ti qui n’servira pon d’vodka à causse d’sin arrière-grind-père polonais. Ouais, i richque d’y avoir des exceptions à l’règue, pach’qu’i y des cosses vraimint pon humaines... Enfin, bref ! Ch’est assez fachile d’vir ch’dallache qu’cha va créer dins ches baraques. Chins compter qu’i y a d’jà gramint d’monte qui che d’minde ch’qu’is foutent lal, alors imagine. Pon savoir d’ù qu’te viens quind te n’sais pon ch’qu’te fous lal… Bah, ouais, cha t’in fous un cop !

In pus, te t’imagines ti, quo qui y a dû ch’pacher quind Jean-Marie i a ouvert ches zis, ch’matin, et qu’i a découvert cha ! Pus d’immigrés d’un cop, i a dû ch’artreuver à ch’Paradis. D’pis l’timps qu’i in rêf’ ! Ch’est sûr’te, i dot avoir l’habitute de l’faire, mais in étant réveiller, cha a dû li foute un cop, je n’te l’dis pon ! Un cop à attraper eune crisse cardiaque. Toute eune vie anéintie in un éclair et chi près d’euch but ! Pour eune fos qu’un rêf’ i d’vient réalité et que l’réalité est un rêf’… Fais gaffe à ti, mes gins, chi te m’piques ch’formule, j’l’ai copyrightée ! Hop ! Invoyé tout drot vir saint Pierre. Quo ? Saint Pierre, cha t’étonn’rot gramint ? Ah, ouais, te dos avoir raison. Alors, in va dir’te sin cousin pierre d’lave. Cha va, ch’est assez caud pour ti ? Euh, pardon, pour li, bin intindu !

Des déchennies d’prières infin exauchées ! Toute l’nuit, ches charters, ches paquebiots is ontent imbarqué chins arlâche tous ches immigrés et assimilés pour vider l’France. In a même dû faire appel à ches américains pour affréter des batieaux et des avions, in n’in avot pon assez ichi. Pis, aveuc Airbus qui prind d’l’artard, in n’pouvot pon compter chu li. Ouais, mais seul’mint, min Jean-Marie aveuc sin look d’bion à rien. Pardon, j’cros qu’je n’ai pon mis l’bionne orthographe. J’ravise ch’dico pach’que j’n’ai que l’phonétique. J’arprinds, aveuc sin look d’bion arien, i f’rot bin d’faire attinchion ! D’ichi à ch’qu’in li treuve un bion viking dins ches inchêtres, i n’y a pon loin. Hop, expatrié auchi ! A’ch’t’heure, cha va ête gramint dur’te d’treuver un Drakkar in usage, pach’que pon quechtion d’le mette aveuc ches autes, i y a trop d’richque. In treuv’ra bin cor’ eune tiote barque d’pêqueux quéque part…

Ah, mes gins ! J’ai un graf’ problème qui m’vient à’ch’t’heure que j’y pinse. Déchindints d’immigrés, aïe, aïe, aïe ! Bah, te n’vos pon ch’comique d’el situachion. Infin, comique, je n’sais pon chi ch’est un terme adéquat. Qu’est-che qu’i va ch’passer pour min Nicolas ? Hongrois ou hongrois pas, mais chi m’mémoire alle est bionne, i est d’déchindinche hongroise. I dot faire partie d’euch lot ! Mais alors, l’plache alle est lipe ? Nin, nin, nin, nin, nin ! J’in vos d’jà gramint qui sont in train d’accélérer ch’pas pour li piquer l’plache. Stop ! Tes papiers, stp, et chu dix générachions pour ête sûr’te qu’ti-auchi te n’dos pon imbarquer aveuc ches autes ! Faut pon déconner avec ches déchindints d’immigrés, vingt dius ! Mais ravise-me cha, mes gins, cha continue à courir in direc’chion d’l’Elysée… N’importé quo ! Re-stop ! Cha n’sert à rin, d’main i s’ra d’nouvieau à son poste. Ch’est pon pach’que j’ai écris pus haut, j’vais m’chiter, com’ cha j’sus sûr’te d’ête d’accord aveuc mi-même : Pour eune fos qu’un rêf’ i d’vient réalité et que l’réalité est un rêf’… Qu’i faut prinde cha pour argint comptint ! Je n’fais pon ches miraques, tout au pus un mirache… Ch’est seul’mint pour 24h, i m’simbe que j’l’ai écrit à ch’début, nin ?

Bion, je n’sais pon quo qu’t’in pinses, ti, mais cha m’laiche perplexe ch’ginre d’truc. Pis, cha richque d’faire l’inverche de ch’que ch’est supposé faire. D’autint qu’in d’minde à ches gins solidaires d’euch mette devint ches mairies, ches cinés, ches McDo, chins consommer, bin intindu, aveuc un ruban jaune, signe distinctif et je n’treuve pon cha d’très bion goût ! I faut echpérer que dins ches journées chins, in n’tard’te pon à faire eune journée chins conneries et chins bêtisses. A m’mote, cha s’rot pus salutaire pour tertous !

Salut mes gens ! Quel week-end venteux, c’est le moins que l’on puisse dire ! On a encore eu de la chance ici par rapport à toutes ces régions sinistrées. On pense bien à eux ! Je suis à la bourre dans les réponses à mes émiles, comme disent mes amis Léon et Gérard, mais ne t’inquiètes pas, si tu m’as écrit et que tu n’as pas encore reçu une réponse, ça vient ! Entre une pièce de théâtre, le concert des Nanas Félées à Lambersart, à voir absolument, mes gens, et la méga fête ce dimanche au Sébasto pour les quarante ans de Jef Kino, mon week-end est passé en coup de vent ! Bah, oui, c’était facile à faire, je te l’avoue. Bref, une fin de semaine sans temps…

Sans temps ? Comment peut-on avoir des journées sans temps ? C’est vrai que cela paraît impossible, mais tu sais ce que l’on dit : Impossible pas français ! Et justement, c’est un jour particulier, parce que c’est la première fois que l’on inaugure une journée sans immigrés ! Bah, non, ce n’est pas pour cela que j’ai mis pas français, tu n’y es pas. Puis, en plus, on n’est pas les seuls puisqu’il y a aussi l’Italie, l’Espagne et la Grèce qui sont, par définition, pas français ! Comme disait l’autre, comment ça marche ? Bah, oui, il serait bon d’abord d’expliquer le comment du pourquoi. C’est sur l’initiative d’un comité européen qui s’appelle 24 heures sans nous, qui regroupe des immigrés, des descendants d’immigrés et des citoyens solidaires. Le principe est, en gros, de ne pas travailler et de ne pas consommer si tu te reconnais parmi ces trois catégories.

Alors, si l’on passe ça à la moulinette, il sting les choses suivantes. Il sting ? Ouh la, je suis fatiguée ! Il faut lire, il ressort les choses suivantes. Citoyens solidaires, c’est tous ceux qui adhèrent au concept. Immigrés, pas besoin d’une explication, c’est simple. Là où j’ai beaucoup de problèmes, c’est avec descendants d’immigrés. C’est d’un vague, mes gens ! Descendants, on veut bien, mais depuis quand ? Si tu regardes les parents, les grands-parents, tu as vite fait le tour. Tu dois savoir si tu es concerné. Oui, mais qui te dit que tu n’as pas des origines étrangères si tu remontes un peu ? C’est vague cette histoire ! Sans aller jusqu’à Charlemagne, à partir de quel moment on n’est plus descendant d’immigrés ? Tu vois, c’est une bonne question ! Rien qu’ici, dans le Nord, je suis sûre que l’on a la moitié de la population qui a des origines flamandes et dans la moitié qui reste, tu trouves du Polonais, de l’Espagnol, faut pas oublier, même si cela remonte à loin, sans compter tous les autres. Alors, on fait quoi ? Toute la région s’arrête 24 heures ?

Tu vois, c’est compliqué un concept mal expliqué. Déjà, cela va faire causer. Oui ! Demander aux immigrés de ne pas travailler, je suis sûre que l’on n’a pas fini d’entendre que cela ne va pas se voir. Le cliché ! Et ce n’est certainement pas le seul truc que l’on va entendre. Puis, c’est le genre à se retrouver avec encore une fois sur le dos une question aussi farfelue que l’identité nationale. Panique dans les familles, mais d’où vient-on ? Ce sera le grand sujet de conversation. En particulier, ce pourrait bien arranger certains. C’est à celui qui ne fera pas la vaisselle, parce qu’il y a un Belge dans ses aïeuls. A celui qui ne fera pas le repassage en mémoire de son aïeul Portugais. A celui qui ne servira pas de vodka à cause de son arrière-grand-père polonais. Oui, il risque d’y avoir des exceptions à la règle, parce qu’il y des choses vraiment pas humaines... Enfin, bref ! C’est assez facile de voir le bazar que cela va créer dans les baraques. Sans compter qu’il y a déjà beaucoup de monde qui se demande ce qu’ils foutent là, alors imagine. Pas savoir d’où tu viens quand tu ne sais pas ce que tu fous là… Bah, oui, ça t’en fous un coup !

En plus, tu t’imagines toi, ce qui y a dû se passer quand Jean-Marie a ouvert les yeux, ce matin, et qu’il a découvert ça ! Plus d’immigrés d’un coup, il a dû se retrouver au Paradis. Depuis le temps qu’il en rêve ! C’est sûr, il doit avoir l’habitude de le faire, mais en étant réveiller, cela a dû lui foutre un coup, je ne te le dis pas ! Un coup à attraper une crise cardiaque. Toute une vie anéantie en un éclair et si près du but ! Pour une fois qu’un rêve devient réalité et que la réalité est un rêve… Fais gaffe à toi, mes gens, si tu me piques la formule, je l’ai copyrightée ! Hop ! Envoyé tout droit voir saint Pierre. Quoi ? Saint Pierre, cela t’étonnerait beaucoup ? Ah, oui, tu dois avoir raison. Alors, on va dire son cousin pierre de lave. Cela va, c’est assez chaud pour toi ? Euh, pardon, pour lui, bien entendu !

Des décennies de prières enfin exaucées ! Toute la nuit, les charters, les paquebots ont embarqué sans relâche tous les immigrés et assimilés pour vider la France. On a même dû faire appel aux américains pour affréter des bateaux et des avions, on n’en avait pas assez ici. Puis, avec Airbus qui prend du retard, on ne pouvait pas compter sur lui. Oui, mais seulement, mon Jean-Marie avec son look de bon à rien. Pardon, je crois que je n’ai pas mis la bonne orthographe. Je regarde le dico parce que je n’ai que la phonétique. Je reprends, avec son look de bon arien, il ferait bien de faire attention ! D’ici à ce qu’on lui trouve un bon viking dans ses ancêtres, il n’y a pas loin. Hop, expatrié aussi ! Maintenant, cela va être bien dur de trouver un Drakkar en usage, parce que pas question de le mettre avec les autres, il y a trop de risque. On trouvera bien encore une petite barque de pêcheur quelque part…

Ah, mes gens ! J’ai un grave problème qui me vient maintenant que j’y pense. Descendants d’immigrés, aïe, aïe, aïe ! Bah, tu ne vois pas le comique de la situation. Enfin, comique, je ne sais pas si c’est un terme adéquat. Qu’est-ce qu’il va se passer pour mon Nicolas ? Hongrois ou hongrois pas, mais si ma mémoire est bonne, il est de descendance hongroise. Il doit faire partie du lot ! Mais alors, la place est libre ? Non, non, non, non, non ! J’en vois déjà beaucoup qui sont en train d’accélérer le pas pour lui piquer la place. Stop ! Tes papiers, stp, et sur dix générations pour être sûr que toi-aussi tu ne dois pas embarquer avec les autres ! Faut pas déconner avec les descendants d’immigrés, bon sang ! Mais regarde-moi cela, mes gens, ça continue à courir en direction de l’Elysée… N’importe quoi ! Re-stop ! Cela ne sert à rien, demain il sera de nouveau à son poste. Ce n’est pas parce que j’ai écris plus haut, je vais me citer, comme cela je suis sûre d’être d’accord avec moi-même : Pour une fois qu’un rêve devient réalité et que la réalité est un rêve… Qu’il faut prendre cela pour argent comptant ! Je ne fais pas les miracles, tout au plus un mirage… C’est seulement pour 24h, il me semble que je l’ai écrit au début, non ?

Bon, je ne sais pas ce que tu en penses, toi, mais cela me laisse perplexe ce genre de truc. Puis, cela risque de faire l’inverse de ce que c’est supposé faire. D’autant que l’on demande aux gens solidaires de se mettre devint les mairies, les cinés, les McDo, sans consommer, bien entendu, avec un ruban jaune, signe distinctif et je ne trouve pas cela de très bon goût ! Il faut espérer que dans les journées sans, on ne tarde pas à faire une journée sans conneries et sans bêtises. A mon avis, ce serait plus salutaire pour tous !

Si tout le monde part, cette chanson s’impose…