Chalut mes gins ! Te connos ches habitutes d’el baraque. Quind j’écris un diminche, ch’est nin pou ch’printe l’tiête. In fait pus
court qu’ches autes jours, pach’que, in général, in est in famile et qu’in n’a pon autint d’timps que lorsqu’in est à ch’traval et qu’in fait simblint d’ête très occupé ! Mais, com’ j’dis
toudis, cha n’est pon eune raison pou que t’boîte à neurones alle fache relâche et ch’est pou cha qu’in médite chouvint, insimpe, eune tiote phrasse…
Alors, à’ch’t’heure, ch’est quéqu’un qui a gramint d’talint. Te sais, mi, j’ai querre à ches gins qu’in n’connôt pon forcémint et qui sont créatifs. Des artistes dins l’sins l’pus noble de
ch’terme ! In pus, j’sus vraimint fière qu’i sot un très bion ami. Sin nom d’artiste, ch’est Créateur d’Emotions. Ch’est tout un programme, mais cha résum’te parfait’mint l’personnache. D’un rin,
i in fait qué cosse d’bieau. Qu’che sot un dessin, eune peinture et même eune photo. Quind te ravises ch’qu’i fait, t’arsins eune émotion. Ch’est cha, l’art, mes gins, de l’émotion à l’état
brut !
I n’est pon
trop à l’aisse aveuc ches miots com’ mi qui rimplis des paches et des paches. T’in sais qué cosse, ti qui m’lis. Mais, un jour, i m’a écrit eune phrasse qui m’a grimint interpellée et qu’j’ai
treuvé très bielle. Alors, j’l’ai sortie d’sin contexte, pach’que ch’est not’ histoire à li et à mi, mais alle ress’ forte. Pou in faire eune lecture, ch’est qu’i fot toudis vifre l’jour présint,
même chi te traverches un mauviais passache. Ches jours meilleux is von’tent arrifer mais i n’fot pon ch’interdir’te d’rêfer d’un idéal ! In pourrot conseiller cha à tertous dins ches timps
d’crisse d’ù qu’in echpèr’te vit’ in sortir et d’ù qu’in rêfe, pus qu’jamais, à décrocher l’jack-pot à ch’loto !
Ecrire un commentaire - Voir les 4 commentaires
Derniers Commentaires