Le Blog de Marie Toutoule

Jeudi 27 mars 2008 4 27 /03 /Mars /2008 15:22

El Cid, ch'est nin du gâteau !

Ej’ sais pon c’qu’i m’a pris, mais in faisant l’ménache à mon Andrée, eune tiote vielle très gentile, j’sus quéhue su un viux lifre d’Corneille. J’m’a sus plongée auchitôt in infince ; quind l’maîte i no avot fait lire eul’Cid. Te t’souviens ? Ti auchi, p’t’ête ?

Te va vir, j’vas lire un tiot bout d’el tirade de Don Diègue pou t’armette in mémoire :

« Ô rage ! ô désespoir ! ô vieillesse ennemie !
N'ai-je donc tant vécu que pour cette infamie ?
Et ne suis-je blanchi dans les travaux guerriers
Que pour voir en un jour flétrir tant de lauriers ?
Mon bras qu'avec respect tout l'Espagne admire,
Mon bras, qui tant de fois a sauvé cet empire,
Tant de fois affermi le trône de son roi,
Trahit donc ma querelle, et ne fait rien pour moi ?
Ô cruel souvenir de ma gloire passée !
Oeuvre de tant de jours en un jour effacée !

Nouvelle dignité fatale à mon bonheur !

Précipice élevé d’où tombe mon honneur !» (Le Cid ; acte1, scène 4)

Et là, t’es comme mi, el’ premier mot qui t’viens dins tin tiête, ch’est HEIN ?

Quo qui n’in raconte euch braf Corneille. I pourot pon causer com’ no ? In parl’te pus l’viux francés à’ch’t’heure ! Alors, t’es obligé d’arlire in faisant eune traduction simultanée, et te arlis cha :

« Millard ! Qué malheur ! Min âche i veut m’pieau !

Est-ce qu’j’sus déjà trop viux pou qu’in m’fasse tint maux ?

J’n’ai quind même pon mis ches mains dins l’berdoule

Pou vir d’un cop mes bion-points partir in coulle?

Min bras que tertous in Espagne is in étotent in admiration,

Min bras, qui tint d’fos a sauvé tous ches invirons,

Tint fos j’ai rabiscoté l’caïelle d’min ro pou qui seuche pon déchu,

Te dis à tertous qu’j’sus in pétard, et te n’bouche nin tin cul ?

Ch’est dur’te d’s’armémorer quind j’étos eune vedette !

Oeufre d’m’vie wassinguée d’un cop d’balayette !

Te parles d’une novielle médalle quind in artir’ min plaiji !

Un gouffe dins l’quel min honneur i va querre in oubli ! »