Chalut mes gins ! Cor’ un bion ouiquen qui vient d’euch pacher, j’espèr’te ? Chi t’as été com’ mi intouré d’amis, forchémint, cha a dû pacher trop vit’, j’in sus sûr’te ! Com’ j’le disos hier matin chu m’pache offichielle Facebook, ch’diminche i est un jour d’ù que ch’rythme i est pus lint. Ch’est d’autint vrai quind t’as été t’couquer à pon d’heure. Seul’mint cha, ch’est quind te peux faire eune bionne grache matinée, pach’qu’i y a auchi des parapluies matinaux. Des parapluies ? Mais quo que j’raconte-lal ! J’voulos parler d’impératifs, ch’est pour cha que j’em sus gourée ! Bah, ouais ! Pour chertains, is vontent à l’messe, mais ch’est nin tout. Ouais, i y in a qui vontent auchi au bistro, mais ch’est pon à cha que j’pinsos. Ch’est auchi l’grinte messe d’ches marchés lillois, com’ ch’ti d’Wazemmes qu’in nous invie à travers ch’monte…

Malheureuss’mint, mes gins, j’ai bin peur qu’i ch’est fait voler l’vedette, ch’diminche. Bah, ouais ! Ch’étot pon à ch’t’indrot-lal qu’i fallot ch’montrer, mais dins ch’ti d’el rue Saint-André, toudis à Lille, bin intindu. Un indrot incontournape chi in veut faire ches courses et croiser ches célébrités. Etant donné qu’i est réputé autint pour l’fraîqueur d’ches légumes et d’sin pichon qu’pour ches pipoles à présint ! Quo ? Mi ? Ch’est gintil d’em conchidérer com’ eune célébrité, mais j’ai bin peur d’mette auchi fait voler l’vedette. In avot l’impréchion qu’ches grintes surfaches alles étotent fermées sam’di et qu’is ch’étotent tous donnés rindez-vous là-bas. Figure-te que, nin seul’mint ch’cindidate tiête d’liste d’el majorité présidinchielle, Valérie Létard, pourtint i étot tôt, alle étot lal pour faire ches courses. Echintiell’mint à ches voix, i faut bin l’dir’te mais, in pus, Xavier Bertrand i avot fait ch’déplach’mint d’Paris, li-auchi. Quo qu’i ch’pache ? Is étotent in minque d’Vieux Lille dins sin magasin habituel et ch’étot pus fort qu’li, i est v’nu à l’source ?

Toudis i est qu’is n’sont pon pachés inaperchus. D’autint qu’par ch’pus grind d’ches hasards, Titine d’Lille, la bin nommée, alle étot lal auchi. Quo ? Te n’cros pon qu’che sot ch’fruit de ch’t’hasard ? Bah, j’avoue qu’cha m’a troublé auchi, car ch’est pon tous ches diminches qu’alle vient faire ches commichions chu ch’marché. D’autint qu’in aurot cru qu’ alle li préfè’te ch’ti d’euch Sébasto, rue Solferino, pour li rappeler ch’deuxième casquette. Mais nin. Bref. J’em sus dit : « Marie Toutoule, te n’es qu’eune moqueux d’gins. Ch’te pauf’ Titine alle rinte à peine d’un voyache dins ches îles. Sin frigo i dot ête vide, pach’que sin avocat d’mari i n’a chertain’mint pon eu l’timps d’aller faire des implettes, vu sin implo du timps. » Pis, chi in ravise l’schène d’pus près, com’ alle l’aurot fait m’copine Bridget Columbo, i y a des détals qui n’tromp’tent pon. Valérie et Xavier is étotent ches mains dins ches poques. Infin, fachon d’parler, puich’qu’is étotent in train d’in serrer à tout va. Tandis qu’Titine alle ch’baladot aveuc sin panier dins l’quel i y avot du pichon et d’el verdure qu’alle avot acatés. J’t’avos bin dit que ch’marché i étot réputé pour cha !

Chi in y réfléchit bin, Titine alle d’vot ête quind même au courant puich’qu’alle avot prévu des cadeaux pour ches visiteurs. Bah, ouais, l’générosité d’euch Nord, cha n’est pon un vain miot ! Alle a offert des gaufres d’chez Meert à Valérie et eune boutelle de g’nièf’ à Xavier. Is in ontent d’el chince, mi, alle n’m’a rin offert ! Te connos à’ch’t’heure l’nouvielle Titine, cheule qui a d’l’humour et qui n’arrête pon d’eul prouver. Ichi, ch’est parel. In donnant ch’boutelle à min Xavier, alle li a dit : « Pour ches cops durs et ches momints diffichiles, cha peut armonter ch’moral ! » Moqueux d’gins qu’alle est ! Bion, ch’est vrai auchi que Valérie alle est donnée perdinte, alors un tiot armontant, cha n’peut pon faire d’mau. Infin, te n’te rinds pon compte, Titine, qu’t’as dit cha aveuc eune telle convic’chion qu’t’as d’el chince qu’i n’t’ait pon répondu : « Merchi, cha sint ch’vécu ! » Ah, bah, ouais ! Alle l’a échappé bielle ! J’sus sûr’te qu’i y a des mauviaisses lingues qui aurotent auchitôt dit qu’alle avot été à bionne école aveuc sin prédéchesseur.

Mais te n’y es pus ! D’un, t’as oublié d’li dir’te qu’i faut boire cha aveuc modérachion. Chi Roselyne alle l’apprind, te vas pacher un sale quart d’heure ! Ch’est bin l’ginre à t’invoyer un cop d’pid dins tin fond’mint pour incitachion à l’ivrèche publique. In pus, un cop d’Crocs rosses dins eune rosse, t’imagines ches tites ch’lind’main ! Pis, cha décape dur’te ! Ch’i prind cha pour d’el liqueur d’jonnes files, cha va li faire tout drôl’te ! Cha va réveiller l’ours qui est in li. Bah, j’li treuve un air d’gros nounours à ch’ti-lal ! Mais ch’est mi, i n’faut pon quercher. D’deux, i y a gramint d’richques à offrir du g’nièf’ à Xavier, qui n’est pon qué d’dins, quind i étot tiot com’ nou’z’autes, ches ch’tis ! Armémore-te ch’qui arrif’ à sin collègue à min Dany dins ches ch’tis. In deux cops d’ceuillère à pot, l’aute i est quarvé d’ches quate pattes. Xavier i va nous faire un armix d’Simon Colliez, mais au lieu d’ête Louis par-chi, Louis par-lal, cha va donner : Gen’vièf’ par-chi, Gen’vièf’ par-lal ! Cha va faire du joli quind i va aller à ch’conseil d’ches ministres mercredi ! Te t’imagines qu’i arrif’ com’ cha et qu’el première cosse qui d’minde ch’est d’ù qu’ch’est qu’alle est Gen’vièf’ ? T’as min Nicolas qui n’va rin y comprinde ! D’autint qu’in n’peut pon dir’te qu’aveuc Roselyne et Michèle, i y a confusion pochipe aveuc ches Miss France ! Désolée. J’sus autint moqueux d’gins qu’ti, Titine…

A ch’tarif-lal, in a failli avoir eune joute verbale pon piquée d’ches vers. Te sais, Titine alle aurot pu li ajouter un « chalut tiote biloute » tout in li offrant un paquet d’Jean Caby. Bah, ch’est local auchi et quind in sait qu’leu réputachion alle est pus ch’saucisse cocktail que ch’fricadelle, te t’imagines d’ichi ch’tiête à min Xavier. I n’aurot chertain’mint pon minqué d’raviser ch’qu’alle avot dins sin sac et d’li rétorquer : « Tiens, t’as acaté des salates, cha n’va pon chinger de d’habitute ! » Nin, nin, nin, mes gins ! L’bienséinche alle m’interdit d’aller pus loin aveuc ch’que Titine alle a cor’ dins sin panier ! Tout au pus, alle pourrot brindir sin pichon in disant : « Tiens, te ne s’ras pon v’nu à l’pêque pour rin ; v’là eune bielle morue d’mer de ch’Nord ! » J’te l’dis, j’treuve cha très limite ! Cha d’vient nauséabond… Mais, nin, te n’y es pon ! I est frais, ch’pichon. Chi t’avos lu avec attinchion ch’deuxième paragraphe, i y va d’el réputachion d’euch marché. N’insiste pon pach’que ch’est dins ch’Vieux Lille et qu’cha auchi, cha pu’te !

Forchémint, mes gins, Xavier i a quind même répondu qu’chi Titine alle a offert des gaufres, ch’est pach’qu’alle a p’t-ête peur qu’ches propres cindidats is ch’gaufrent. Quel boute in train ch’ti-lal ! In même timps, aveuc des gaufres, i n’y avot pon grind cosse à faire. Chi au moins, au lieu d’offrir des gaufres d’chez Meert, alle avot offert des gaufrettes amusintes, cor’ eune chpécialité d’ichi. Is pourrotent ch’réconforter nin seul’mint aveuc un cop de g’nièf’ mais auchi in rigolint aveuc ches gaufrettes ! Cha aurot même pu servir d’alibi : Ch’est pon che g’nièf’ qui nous fait bidonner, ch’est ches phrasses rigolotes d’ches gaufrettes !

In attindint, vive ches Régionales, cha va permette d’ardécouvrir toutes ches spéchialités. J’ai hâte d’savoir qui va pédaler dins l’choucroute in Alsace ? Qui va querre dins ches peummes in Normandie ? Qui va patauger dins l’bouillabaisse in PACA ?  Qui va ch’prinde pour Jésus dins ch’Lyonnais ? Qui va dire qu’in n’fait pon d’omelette d’el Mère Poularde chins casser des œufs in Bretagne ? Qui aura l’drot à son bieau Chabichou dédicacé in Poitou-Charente ? A ti d’continuer ch’liste, mes gins !

Salut mes gens ! Encore un bon week-end qui vient de se passer, j’espère ? Si tu as été comme moi entouré d’amis, forcément, ça a dû passer trop vite, j’en suis sûre ! Comme je le disais hier matin sur ma page officielle Facebook, le dimanche est un jour où le rythme est plus lent. C’est d’autant vrai quand tu as été te coucher à pas d’heure. Seulement ça, c’est quand tu peux faire une bonne grasse matinée, parce qu’il y a aussi des parapluies matinaux. Des parapluies ? Mais qu’est-ce que je raconte-là ! Je voulais parler d’impératifs, c’est pour cela que je me suis gourée ! Bah, oui ! Pour certains, ils vont à la messe, mais ce n’est pas tout. Oui, il y en a qui vont aussi au bistro, mais ce n’est pas à cela que je pensais. C’est aussi la grande messe des marchés lillois, comme celui de Wazemmes que l’on nous envie à travers le monde…

Malheureusement, mes gens, j’ai bien peur qu’il s’est fait voler la vedette, ce dimanche. Bah, oui ! Ce n’était pas à cet endroit-là qu’il fallait se montrer, mais dans celui de la rue Saint-André, toujours à Lille, bien entendu. Un endroit incontournable si l’on veut faire ses courses et croiser des célébrités. Etant donné qu’il est réputé autant pour la fraîcheur de ses légumes et de son poisson que pour ses peoples à présent ! Quoi ? Moi ? C’est gentil de me considérer comme une célébrité, mais j’ai bien peur de m’être aussi fait voler la vedette. On avait l’impression que les grandes surfaces étaient fermées samedi et qu’ils s’étaient tous donnés rendez-vous là-bas. Figure-toi que, non seulement la candidate tête de liste de la majorité présidentielle, Valérie Létard, pourtant il était tôt, était là pour faire ses courses. Essentiellement aux voix, il faut bien le dire mais, en plus, Xavier Bertrand avait fait le déplacement de Paris, lui-aussi. Que se passe-t-il ? Ils étaient en manque de Vieux Lille dans son magasin habituel et c’était plus fort que lui, il est venu à la source ?

Toujours est-il qu’ils ne sont pas passés inaperçus. D’autant que par le plus grand des hasards, Titine de Lille, la bien nommée, était là aussi. Quoi ? Tu ne crois pas que ce soit le fruit du hasard ? Bah, j’avoue que cela m’a troublé aussi, car ce n’est pas tous les dimanches qu’elle vient faire ses commissions sur ce marché. D’autant qu’on aurait cru qu’elle lui préfère celui du Sébasto, rue Solferino, pour lui rappeler sa deuxième casquette. Mais non. Bref. Je me suis dit : « Marie Toutoule, tu n’es qu’une moqueuse. Cette pauvre Titine rentre à peine d’un voyage dans les îles. Son frigo doit être vide, parce que son avocat de mari n’a certainement pas eu le temps d’aller faire des emplettes, vu son emploi du temps. » Puis, si l’on regarde la scène de plus près, comme l’aurait fait ma copine Bridget Columbo, il y a des détails qui ne trompent pas. Valérie et Xavier étaient les mains dans les poches. Enfin, façon de parler, puisqu’ils étaient en train d’en serrer à tout va. Tandis que Titine se baladait avec son panier dans lequel il y avait du poisson et de la verdure qu’elle avait achetés. Je t’avais bien dit que ce marché était réputé pour cela !

Si on y réfléchit bien, Titine devait être quand même au courant puisqu’elle avait prévu des cadeaux pour ses visiteurs. Bah, oui, la générosité du Nord, ce n’est pas un vain mot ! Elle a offert des gaufres de chez Meert à Valérie et une bouteille de genièvre à Xavier. Ils en ont de la chance, moi, elle ne m’a rien offert ! Tu connais à présent la nouvelle Titine, celle qui a de l’humour et qui n’arrête pas de le prouver. Ici, c’est pareil. En donnant la bouteille à mon Xavier, elle lui a dit : « Pour les coups durs et les moments difficiles, ça peut remonter le moral ! » Moqueuse elle est ! Bon, c’est vrai aussi que Valérie est donnée perdante, alors un petit remontant, ça ne peut pas faire de mal. Enfin, tu ne te rends pas compte, Titine, que tu as dit cela avec une telle conviction que tu as de la chance qu’il ne t’ait pas répondu : « Merci, ça sent le vécu ! » Ah, bah, oui ! Elle l’a échappé belle ! Je suis sûre qu’il y a des mauvaises langues qui auraient aussitôt dit qu’elle avait été à bonne école avec son prédécesseur.

Mais tu n’y es plus ! D’un, tu as oublié de lui dire qu’il faut boire ça avec modération. Si Roselyne l’apprend, tu vas passer un sale quart d’heure ! C’est bien le genre à t’envoyer un coup de pied dans ton fondement pour incitation à l’ivresse publique. En plus, un coup de Crocs roses dans une rose, tu imagines les titres le lendemain ! Puis, ça décape dur ! S’il prend ça pour de la liqueur de jeunes filles, ça va lui faire tout drôle ! Ca va réveiller l’ours qui est en lui. Bah, je lui trouve un air de gros nounours à celui-là ! Mais c’est moi, il ne faut pas chercher. De deux, il y a beaucoup de risques à offrir du genièvre à Xavier, qui n’est pas tombé dedans, quand il était petit comme nous-autres, les ch’tis ! Remémore-toi ce qui arrive au collègue de mon Dany dans les ch’tis. En deux coups de cuillère à pot, l’autre est bourré des quatre pattes. Xavier va nous faire un remix de Simon Colliez, mais au lieu d’être Louis par-ci, Louis par-là, ça va donner : Gen’vièv’ par-ci, Gen’vièv’ par-là ! Cela va faire du joli quand il va aller au conseil des ministres mercredi ! Tu t’imagines qu’il arrive comme cela et que la première chose qui demande c’est où est-elle Geneviève ? Tu as mon Nicolas qui ne va rien y comprendre ! D’autant que l’on ne peut pas dire qu’avec Roselyne et Michèle, il y a confusion possible avec les Miss France ! Désolée. Je suis autant moqueuse que toi, Titine…

A ce tarif-là, on a failli avoir une joute verbale pas piquée des vers. Tu sais, Titine aurait pu lui ajouter un « salut p’tite biloute » tout en lui offrant un paquet de Jean Caby. Bah, c’est local aussi et quand on sait que leur réputation est plus la saucisse cocktail que la fricadelle, tu t’imagines d’ici la tête de mon Xavier. Il n’aurait certainement pas manqué de regarder ce qu’elle avait dans son sac et de lui rétorquer : « Tiens, tu as acheté des salades, ce ne va pas changer de d’habitude ! » Non, non, non, mes gens ! La bienséance m’interdit d’aller plus loin avec ce que Titine a encore dans son panier ! Tout au plus, elle pourrait brandir son poisson en disant : « Tiens, tu ne seras pas venu à la pêche pour rien ; voilà une belle morue de mer du Nord ! » Je te le dis, je trouve cela très limite ! Cela devient nauséabond… Mais, non, tu n’y es pas ! Il est frais, ce poisson. Si tu avais lu avec attention le deuxième paragraphe, il y va de la réputation de ce marché. N’insiste pas parce que c’est dans le Vieux Lille et que ça aussi, ça pue !

Forcément, mes gens, Xavier a quand même répondu que si Titine a offert des gaufres, c’est parce qu’elle a peut-être peur que ses propres candidats se gaufrent. Quel boute en train celui-là ! En même temps, avec des gaufres, il n’y avait pas grand chose à faire. Si au moins, au lieu d’offrir des gaufres de chez Meert, elle avait offert des gaufrettes amusantes, encore une spécialité d’ici. Ils pourraient se réconforter non seulement avec un coup de genièvre mais aussi en rigolant avec les gaufrettes ! Cela aurait même pu servir d’alibi : Ce n’est pas le genièvre qui fait bidonner, ce sont les phrases rigolotes des gaufrettes !

En attendant, vive les Régionales, cela va permettre de redécouvrir toutes les spécialités. J’ai hâte de savoir qui va pédaler dans la choucroute en Alsace ? Qui va tomber dans les pommes en Normandie ? Qui va patauger dans la bouillabaisse en PACA ?  Qui va se prendre pour Jésus dans le Lyonnais ? Qui va dire qu’on ne fait pas d’omelette de la Mère Poularde sans casser des œufs en Bretagne ? Qui aura le droit à son beau Chabichou dédicacé en Poitou-Charente ? A toi de continuer la liste, mes gens !