Chalut mes gins ! In va avoir chertain’mint l’dernier grind flux migratoire ch’ouiquen, avint ches
prochaines vacinches. Ches habitants d’euch Chud is von’tent artreuver un tiot peu d’trinquillité et ches villes d’in haut, leu chirculachion. Ch’est auchi l’dernier ouiquen d’ù qu’cha va cor’
ête incombré su ch’t’autoroute pour aller vir l’mer d’euch Nord. Infin, chi l’timps i est d’el partie.
Je n’vais pon faire long. J’vais simpl’mint faire un intermède pour qu’t’aies l’timps d’bin t’arposer avint d’arprinte ou qu’t’aies l’timps d’défaire ches valisses. Tous ches ch’tis armontent donc, sauf eune qui vient d’déchinde ! Ouais, mes gins ! Titine alle n’a cor’ pon treuvé l’qu’min d’euch baraque. Alle est partie faire l’sarabande à La Rochelle. Pis alle n’est pon toute seu. I est d’tradichion d’faire l’sarabande tous ches ins à la Rochelle. Alors, plutôt que d’faire des plans su l’comète et des pronostiques pour savoir ch’qui va ch’pacher là-bas. D’autint qu’in s’ra vit’ au courant dins ches actualités, j’auros querre à t’faire découvrir eune vielle canchon françaisse qui ch’appell’te just’mint : Les Filles de La Rochelle ! Alle a été cantée par Colette Renard, bin avint qu’alle jue ches mamies dins pus bielle l’vie.
J’avoue, mes gins, qu’j’ai été tintée d’modifier ches paroles. Cheules d’origine étotent trop crues…
Sont les filles de la Rochelle
ch’in allant bras d’sus, bras d’sous (x2)
Pour parler de ches primaires
Donc in in vot pus che biout.
Ah ! Titine ch’invole, ch’invole
Ah ! Titine ch’invole à ch’vint !
Chacun i voudrot eune plache
Et dev’nir che cindidat (x2)
Che grind chef in deusse mille dousse
Pour faire l’nique à Nicolas.
Ah ! Titine ch’invole, ch’invole
Ah ! Titine ch’invole à ch’vint !
Mais Mélenchon i est in rache
I n’veut pon partichiper (x2)
D’raviser ch’te sarabinde
Vraimint cha li fout ches glindes.
Ah ! Titine ch’invole, ch’invole
Ah ! Titine ch’invole à ch’vint !
Benoît fait vibrer l’ménagère
Quel biel homme aurot dit Lang (x2)
Mais ch’est incor’ Ségolène
L’reine ‘euch bal, ch’est évidint.
Ah ! Titine ch’invole, ch’invole
Ah ! Titine ch’invole à ch’vint !
Sont les filles de la Rochelle
ch’in allant bras d’sus, bras d’sous (x2)
Pour parler de ches primaires
Donc in in vot pus che biout.
Ah ! Titine ch’invole, ch’invole
Ah ! Titine ch’invole à ch’vint !
Chacun voudrot bin la plache
Et dev’nir che cindidat (x2)
Che grind chef in deusse mille dousse
Pour faire l’nique à Nicolas.
Ah ! Titine ch’invole, ch’invole
Ah ! Titine ch’invole à ch’vint !
Hier faisant eune promenade
Dins ches rues de La Rochelle (x2)
Aperchue eune brunette
Qui brayot dins un tiot coin.
Ah ! Titine ch’invole, ch’invole
Ah ! Titine ch’invole à ch’vint !
Qu’est-che que t’as donc ma brunette ?
Qu’est-che que t’as à braire autint ? (x2)
Qu’est-che que t’as perdu père et mère
Où quéqu'un de tes parints.
Ah ! Titine ch’invole, ch’invole
Ah ! Titine ch’invole à ch’vint !
Ch’est incor’ l’aute qu’in acclame
J’cros qu’j’vais li péter ches dints (x2)
La rinvoyer vir ches chèvres
dins cha baraque in Charente.
Ah ! Titine ch’invole, ch’invole
Ah ! Titine ch’invole à ch’vint !
Ecrire un commentaire - Voir les 1 commentaires
Derniers Commentaires