Chalut mes gins ! J’espèr’te qu’te vas bin malgré un ouiquend chous un tapis d’neiche qui n’avot pon été auchi épais d’pis longtimps. Même chi quind te ravises dins ches gardins ou ches espaches verts, in a l’impréchion qu’in vot eune carte d’vœux in direct, in ville, ch’est eune aute paire d’manques ! Infin, plutôt d’patins, ch’est Holiday on Ice dins ches rues d’Lille ! Ailleurs auchi, d’ailleurs. I n’impêque qu’ches gins is sortent quind même et que ch’marché d’Wazemmes i étot plein à craquer diminche matin. In tout cas, chi te voulos des produits frais, cha n’minquot pon ! Limite surgelés ! Bion, ch’étot fachile à faire, ch’est vrai. In tout cas, mi qui parlos d’bonhomme d’neiche in fin de s’maine, j’n’in ai pon fait, mais j’in ai vu ichi ou lal. Infin, à un indrot, à m’mote, ceusses qui l’ontent fait is ontent dû ête gramint inspirés par Rachida. Cha n’avot pon l’allure d’un bonhomme ! Cha m’a fait rir’te pach’que j’imagine bin ches questions d’ches tiots gamins qui pass’tent et qui interrog’tent leux parints… Bref, quind j’sus rintrée diminche soir après un ouiquend chargé, d’ù qu’i s’rot trop long d’armerchier tertous pour leu accueil, et j’eum sus pinchée, chins querre, chu ches actualités pour faire un résumé à ches avinturiers d’euch Grind Blinc ou ceusses qui ontent cocooné un ouiquend complet chous l’couette…

Cha peut ch’résumer in eune phrasse : Rin d’bin pachionnint, d’eul neiche, d’eul neiche, cor’ d’eul neiche et quéques bribes d’infos qui n’vontent pon révoluchionner t’vie. Toudis i est qu’eul fatigue alle a eu raison d’mi. Te parl’tes, ti ! Chept heures d’sommel in tros jours, ch’est dur’te l’vie d’eune vedette ! Infin, bref, j’eum sus abindonnée dins ches bras d’Morphée et min cerveau i m’a cor’ jué des tours. Me v’là in plein conte d’Noël. Seul’mint, i faudra qu’te sos très sache, car j’ai déchidé d’eul faire in plusieurs parties, com’ un feulleton. Cha s’ra eune mini saga qui t’conduira jusqu’à Noël. In peut dir’te qu’cha s’ra min cadieau pour eusses qui m’dis’tent chouvint qu’cha finit trop vit’ et qu’is in aurotent bin lu d’avintache….

Capitre un

(rin à vir aveuc un cat in train d’faire ch’con)

In plinte ch’décor. « Ch’est la bielle nuit de Noël, la neiche étind sin minteau blinc… » Et ch’est Evelyne Dhéliat qui vient d’annoncher qu’euch minteau i s’ra vraimint épais et qu’t’as intérêt à sortir t’grosse doudoune chi te n’veux pon arsimbler à eune sculpture d’glache rapid’mint. Cha merchi, j’in savos qué cosse, je v’nos d’faire 250kms à l’vitèche d’eune tortue ! Tous ches convives is étotent arrivés dins ch’bieau palais qui, vu l’circonstinche, a arvêtu eune couche d’eune blincheur immaculée. Ch’qui li donnot des allures d’mason blinche. Gramint d’euch goût d’euch maîte d’mason, d’ailleurs, que j’avos churpris in train d’siffloter eune canchon d’Nougaro à not’ arrivée : « Oh, bah, je ne sus pon noir’te ! Je suis blinc de pieau… » In tout cas, cha arsimblot fort à cha ch’qu’i sifflot ! Blinc d’pieau, blinc d’pieau, mais cha m’étonnerot qu’i n’ait pon d’taches noir’tes qui vienn’tent casser ch’te blincheur qu’i simbe vouloir montrer. Infin, bref, je n’allos pon philosopher à peine arrivée. Pis, j’n’étos pon lal pour cha ! Min Nicolas i m’avot invitée pour faire des photos d’eul soirée. I m’avot présintée cha com’ étint ch’réveillon d’euch chiècle et vu ches invités, j’ai compris tout d’chuite pourquo. J’avos quind même donné eune condichion pour braver ch’climat antarctique, min ami i s’rot d’eul partie et du voyache. Je n’allos pon louper un réveillon d’Noël in tiête à tiête aveuc min loulou com’ cha !

Ch’bulletin à peine fini, min Nicolas éteignit sin écran géint et mit des cants d’Noël, nin chins avoir prit ch’timps d’ajuter : « Ch’nuit alle n’fait qu’commincher et pon d’inquiétute, i y a assez d’plache pour qu’tertous i dorme ichi ! Alors, in peut faire l’fiête jusqu’à pus soif ! » J’avoue qu’cha m’arringeot gramint de n’pon d’voir pinser à ch’t’artour. J’eum voyos mau sortir m’tinte Queshua deux plaches et la plinter dins sin gardin in attindint ch’dégel ! In même timps, ches cants d’Noël is m’mettotent dins l’imbianche, pach’que j’avos du mau à réaliser. J’étos in train d’vifre in direct eune trêve d’ches confiseurs ou j’n’comprenos vraimint rin. Tertous ou prech’que i étot lal ! Justemint, eune vraie confiserie, i y avot des bonbons d’toutes ches couleurs, cha simblot incroyape ! D’autint qu’in avot vraimint l’impréchion qu’is étotent tertous contints d’ête insimpe pour faire l’fiête. Eune grinte tape alle trônot à ch’bieau mitan d’eune pièche auchi grinte qu’un hall d’gare. Déco clachique pour Noël, mis à part qu’in n’avot pon affaire à des achiettes in carton. Alles avotent été faites chertain’mint pour l’circonstinche dins eune bielle porcelaine. Des guirlindes d’houx in faisotent l’bordure et au mitan, ch’guiffe à min Nicolas déguisé in Père Noël trônée fièr’mint aud’chus d’un Joïeux Noël écrit in arc d’cercle. Collector pour ches invités et moins d’traval pour ch’maîtrèche d’mason qui n’aura même pon b’soin d’les armette in plache !

J’eun sais pourquo, mais in voyint cha, j’ai tout chuite pinsé à eune achiette qu’in pourrot distribuer à ches pus d’60 millions d’Français. In même timps, alle n’aurot pus été collector. Eune sorte d’achiette magique qui, in y mettant eune sardine à l’huile, alle te donnerot l’impréchion avoir affaire à du saumon fumé. Chi te mettos eune trinche d’pâté d’foe, acatée chez ch’discount du coin, alle t’la f’rot pacher pour du foe gras. Bref, l’magie d’euch Père Noël qui f’rot qu’te pourros minger miux in dépinchint moins ! Ch’qui d’eune chertaine manière arviendrot à dir’te qu’chi te minges miux, t’as pus d’forche pour travailler pus et payer toutes ches nouvielles augmintachions qui s’rontent dins ches bionnes résoluchions eune s’maine après ! Dins ch’même timps, j’étos prech’que impachiente d’vir l’réaction d’chertains quind in s’rot arrivés à l’dinde. Bah ouais ! Même juss’ un morcieau d’dinde à côté d’min Nicolas dins eune achiette, cha risquot d’déclincher quéques bionnes réflexions et j’in salivos d’avinche. Tiens, cor’ l’magie d’euch Père Noël car pour l’instint, alles étotent vides, ches achiettes !

In avot sorti ches couverts in or. Machinalemint, j’in comptos ch’nombe. Je m’étos churtout attardé chu ches grinds couteaux dont ch’manque i paraissot auchi gros qu’un lingot. I faut que j’esplique p’t-ête que, parmi ches invités, j’avos armarqué l’présinche d’mémé Liliane. Ch’étot sympa d’eul part d’min Nicolas. I avot bin artenu che spot qui consiste à dir’te qu’in timps d’fiête, pus qu’jamais, i faut ch’occuper d’ches perchonnes âgées qui viv’tent seux. In même timps, in étot bin loin d’pinser qu’i avot invité eune pauf’ artraitée à ch’tape. A moins qu’che sot min ami et mi qui allotent ch’coller à ch’rôle. Asteur, mémé Liliane alle étot p’t-ête juss’ vénue pour faire eune distribuchion d’cadieaux, alle in avot l’habitute. In allot vir cha par l’chuite. Mais pour arvenir à ches couteaux, j’avos peur qu’alle prenn’te cha pour l’sculpture qui trône chu sin guéridon, à côté d’sin gobelet d’ù qu’alle ringe ches dints. In n’sait jamais, un accidint i est chi vit’ arrivé aveuc eune lame ! Asteur, i y avot nettemint moins d’risque qu’alle prenn’te cha pour un coupe-papie pour ouvrir ch’courrier, étint donné qu’alle ch’étot plutôt faite eune spéchialité pour fermer ches inveloppes ! Toudis i est qu’i s’rot bion d’noter auchi ch’nombe d’tiotes ceuillères. Alles pouvotent faire d’bielles bouques d’orelle pour Christine Lagarde. Même chi in pouvot les shotophoper pour les faire disparaîte d’eune photo, alles aurotent disparu effectivemint d’eul ménagère élyséenne !

Vingt dius ! Ches verres in cristal is doiv’tent peser eune tonne, vides ! Alors, pleins, gare à ceusses qui n’ontent pon fait d’eul muscu avint ! Ch’étot p’t-ête eune fachon d’limiter l’consommachion, car cha d’mindot un effort, chaque fos. Ch’qui est drôl’te ch’est qu’eul seu qui paraissot ch’préoccuper d’leu pods ch’est ch’ti qui a l’pus l’habitute d’in l’ver ! A croir’te qu’i étot in train d’euch dir’te qu’i in aurot pus pour li et qu’i s’rot bion ch’placher à tape intre deux gringalets. Ch’tout i étot dréché chu eune bielle nappe in dintelle, dont un bieau quemin d’tape in tissu doré in séparot ches deux côtés. L’seu faute d’goût, à min avis, ch’sontent ches cédés qui étotent mis in guise d’chous d’verre. Ch’est vrai qu’cha brillot, ch’étot joli. Infin, i y avot fort à parier qu’chi in ravisot ch’t’aute côté, in ne s’rot pon churpris d’in découvrir l’étiquette. I faut bin faire diminuer che stock d’eune manière ou d’eune aute ! Eune tape qui pouvot ête clachifiée bling-bling par n’importé quel tabloïde. Pour ch’momint, j’intindos plutôt ch’gling-gling d’ches verres qui ch’intrechoquotent car tertous i étot autour d’euch buffet, d’ù qu’i y avot eune multitute d’amuse-bouques. I étot dressé à côté d’un sapin qui scintillot d’mille éclats. Momint sacré, l’apéro !

Chertain’mint un des momints ches pus conviviaux d’eune soirée d’ù qu’chacun i peut arfaire ch’monte. Infin, ichi, j’espéros qu’is étotent plutôt in train d’arfaire ch’te France pour armette ches morcieaux dins ch’bion sins. Cha aurot d’jà été eune bionne cosse ! J’eun faisos pon vraimint attinchion à ches conversachions, j’avos min oeul collé à l’apparel, mais j’intindos quind même quéques bribes d’conversachions. Par eximpe, Ségolène pachot aveuc ch’coupe d’chimpagne pour trinquer aveuc l’un et aveuc l’aute. In aurot dit qu’alle voulot ête chu toutes ches photos com’ pour dir’te qu’alle étot incontournape pour l’chuite d’ches évènemints. Chaque fos, ch’étot ch’même rituel. Alle la levot assez haut in disint fraternité. Chertain’mint ch’fachon d’dir’te sinté ! Dins un coin, Brice i m’donnot l’impréchion d’churveiller tout ch’bieau monte et j’étos in train d’eum d’minder ch’i avot mis des éthylotests dins ches poques. Histoire d’vérifier avint d’pacher à tape qui avot ch’drot d’continuer à boir’te ou qui s’rot mis à l’ieau jusqu’à fin de ch’t’arpas. Ch’qui étot sûr’te ch’est qu’i n’avot pon à ch’préoccuper d’qui buvot quo, pas eune goûte d’punch, rin que du chimpagne. I n’s’rot donc pon innuyé aveuc ches amateux d’rhum !

A un aute indrot d’euch buffet, posint ch’timps d’un instint, Rachida et DSK qui avot fait ch’voyache d’ches Etats-Unis. Is avotent stoppé leu conversachion, mais in appuyint chu ch’déclincheur, j’n’ai pu m’impêquer d’avoir un sourir’te. J’étos in train d’pinser à ch’qu’is pouvotent bin échinger. Des impréchions chu ches problèmes d’inflachion dont l’un et l’aute sontent des spéchialistes ? Eune technique pour arcruter eune nouvielle collaboratriche dont alle pouvot li faire un exposé complet ? Ah, chi j’in avos ch’culot ! J’auros bin d’mindé à mémé Liliane d’poser intre ches deux chu l’photo ! Mais j’étos d’jà paché à ch’cliché chuivint. Titine simblot seu à picoler ch’coupe dins sin coin. In même timps, aveuc DSK qui faisot ch’fanfaron ailleurs et Ségolène qui f’sot tout pour qu’in l’armarque partout, sin pacte i in étot réduit à minger des tiots fours après avoir fait un four ! Quo qu’alle pouvot bin pinser au momint d’ù qu’alle m’esquissot un sourir’te ?

I suffisot d’tinde l’orelle, alle marmonnot ! « Commint cha, j’m’artreuve seu ! J’sins ch’Maroilles, ch’est cha ?  Et ravise ches deux play-boys là-bas ! » Lal, alle f’sot allusion à Benoît et Manuel qui étotent in pleine conversation aveuc Carla et donc j’avos d’jà tiré eune photo chouv’nir. « Alle n’a donc pon assez d’gibier à sin actif ! Après eune collection d’canteurs, la v’là qui ch’linche dins eune d’politiques ? Alle dot ête vraimint accroc pour espérer qué cosse d’ches deux-lal ! A moins qu’alle leu d’minde d’faire un numéro d’gogos… dancers ! Tiens, in pourrot auchi y mette Rama Yade qui in pleine conversachion aveuc Bertrand. Ch’ti-chi, j’li offriros des plumes et des bananes à la Rama ! Cha s’ra un duo inédit ! Joséphine Baker et Zizi Jeanmaire. Ah, in m’a prise pour eune drécheusse d’éléphints, ch’est quo ch’cirque ! J’vais leu montrer qu’i n’y a pon qu’Line Renaud qui vient d’euch Nord et qui peut ête eune meneuse d’arvue music-hall ! J’vais t’mette tout cha chu un escalier, mais ch’est mi qui s’ro in haut d’ches marches ! »

A suifre…

(Ah ouais, j’eul sais, ch’est frustrint, mais in va vit’ ête mercredi !)

Salut mes gens ! J’espère que tu vas bien malgré un week-end sous un tapis de neige qui n’avait pas été aussi épais depuis longtemps. Même si quand tu regardes dans les jardins ou les espaces verts, on a l’impression que l’on voit une carte de vœux en direct, en ville, c’est une autre paire de manches ! Enfin, plutôt de patins, c’est Holiday on Ice dans les rues de Lille ! Ailleurs aussi, d’ailleurs. Il n’empêche que les gens sortent quand même et que le marché de Wazemmes était plein à craquer dimanche matin. En tout cas, si tu voulais des produits frais, cela ne manquait pas ! Limite surgelés ! Bon, c’était facile à faire, c’est vrai. En tout cas, moi qui parlais de bonhomme de neige en fin de semaine, je n’en ai pas fait, mais j’en ai vu ici ou là. Enfin, à un endroit, à mon avis, ceux qui l’ont fait ont dû être bien inspirés par Rachida. Ca n’avait pas l’allure d’un bonhomme ! Cela m’a fait rire parce que j’imagine bien les questions des petits gamins qui passent et qui interrogent leurs parents… Bref, quand je suis rentrée dimanche soir après un week-end chargé, où il serait trop long de remercier tout le monde pour leur accueil, et je me suis penchée, sans tomber, sur les actualités pour faire un résumé aux aventuriers du Grand Blanc ou ceux qui ont cocooné un week-end complet sous la couette…

Cela peut se résumer en une phrase : Rien de bien passionnant, de la neige, de la neige, encore de la neige et quelques bribes d’infos qui ne vont pas révolutionner ta vie. Toujours est-il que la fatigue a eu raison de moi. Tu parles, toi ! Sept heures de sommeil en trois jours, c’est dur la vie d’une vedette ! Enfin, bref, je me suis abandonnée dans les bras de Morphée et mon cerveau m’a encore joué des tours. Me voilà en plein conte de Noël. Seulement, il faudra que tu sois très sache, car j’ai décidé de le faire en plusieurs parties, comme un feuilleton. Ce sera une mini saga qui te conduira jusqu’à Noël. On peut dire que ce sera mon cadeau pour ceux qui me disent souvent que cela finit trop vite et qu’ils en auraient bien lu d’avantage…

Chapitre un

(rien à voir avec un chat en train de faire le con)

On plante le décor. « C’est la belle nuit de Noël, la neige étend son manteau blanc… » Et c’est Evelyne Dhéliat qui vient d’annoncer que le manteau sera vraiment épais et que tu as intérêt à sortir ta grosse doudoune si tu ne veux pas ressembler à une sculpture de glace rapidement. Ca merci, j’en savais quelque chose, je venais de faire 250kms à la vitesse d’une tortue ! Tous les convives étaient arrivés dans ce beau palais qui, vu la circonstance, a revêtu une couche d’une blancheur immaculée. Ce qui lui donnait des allures de maison blanche. Bien au goût du maître de maison, d’ailleurs, que j’avais surpris en train de siffloter une chanson de Nougaro à notre arrivée : « Oh, bah, je ne suis pas noir ! Je suis blanc de peau… » En tout cas, cela ressemblait fort à ça ce qu’il sifflait ! Blanc de peau, blanc de peau, mais cela m’étonnerait qu’il n’ait pas de taches noires qui viennent casser cette blancheur qu’il semble vouloir montrer. Enfin, bref, je n’allais pas philosopher à peine arrivée. Puis, je n’étais pas là pour cela ! Mon Nicolas m’avait invitée pour faire des photos de la soirée. Il m’avait présentée ça comme étant le réveillon du siècle et vu les invités, j’ai compris tout de suite pourquoi. J’avais quand même donné une condition pour braver ce climat antarctique, mon ami serait de la partie et du voyage. Je n’allais pas louper un réveillon de Noël en tête-à-tête avec mon loulou comme cela !

Le bulletin à peine fini, mon Nicolas éteignit son écran géant et mit des chants de Noël, non sans avoir prit le temps d’ajouter : « La nuit ne fait que commencer et pas d’inquiétude, il y a assez de place pour que tout le monde dorme ici ! Alors, on peut faire la fête jusqu’à plus soif ! » J’avoue que cela m’arrangeait bien de ne pas devoir penser au retour. Je me voyais mal sortir ma tente Queshua deux places et la planter dans son jardin en attendant le dégel ! En même temps, les chants de Noël me mettaient dans l’ambiance, parce que j’avais du mal à réaliser. J’étais en train de vivre en direct une trêve des confiseurs ou je ne comprenais vraiment rien. Tout le monde ou presque était là ! Justement, une vraie confiserie, il y avait des bonbons de toutes les couleurs, cela semblait incroyable ! D’autant que l’on avait vraiment l’impression qu’ils étaient tous contents d’être ensemble pour faire la fête. Une grande table trônait au beau milieu d’une pièce aussi grande qu’un hall de gare. Déco classique pour Noël, mis à part que l’on n’avait pas affaire à des assiettes en carton. Elles avaient été faites certainement pour la circonstance dans une belle porcelaine. Des guirlandes de houx en faisaient la bordure et au milieu, la tête de mon Nicolas déguisé en Père Noël trônée fièrement au-dessus d’un Joyeux Noël écrit en arc de cercle. Collector pour les invités et moins de travail pour la maîtresse de maison qui n’aura même pas besoin de les remettre en place !

Je ne sais pourquoi, mais en voyant ça, j’ai tout suite pensé à une assiette que l’on pourrait distribuer aux plus de 60 millions de Français. En même temps, elle n’aurait plus été collector. Une sorte d’assiette magique qui, en y mettant une sardine à l’huile, te donnerait l’impression avoir affaire à du saumon fumé. Si tu mettais une tranche de pâté de foie, achetée chez le discount du coin, te la ferait passer pour du foie gras. Bref, la magie du Père Noël qui ferait que tu pourrais manger mieux en dépensant moins ! Ce qui d’une certaine manière reviendrait à dire que si tu manges mieux, tu as plus de force pour travailler plus et payer toutes ces nouvelles augmentations qui seront dans les bonnes résolutions une semaine après ! Dans le même temps, j’étais presque impatiente de voir la réaction de certains quand on serait arrivés à la dinde. Bah oui ! Même juste un morceau de dinde à côté de mon Nicolas dans une assiette, ça risquait de déclencher quelques bonnes réflexions et j’en salivais d’avance. Tiens, encore la magie du Père Noël car pour l’instant, elles étaient vides, ces assiettes !

On avait sorti les couverts en or. Machinalement, j’en comptais le nombre. Je m’étais surtout attardé sur les grands couteaux dont le manche paraissait aussi gros qu’un lingot. Il faut que j’explique peut-être que, parmi les invités, j’avais remarqué la présence de mémé Liliane. C’était sympa de la part de mon Nicolas. Il avait bien retenu ce spot qui consiste à dire qu’en temps de fête, plus que jamais, il faut s’occuper des personnes âgées qui vivent seules. En même temps, on était bien loin de penser qu’il avait invité une pauvre retraitée à sa table. A moins que ce soit mon ami et moi qui allaient se coller à ce rôle. Maintenant, mémé Liliane était peut-être juste venue pour faire une distribution de cadeaux, elle en avait l’habitude. On allait voir cela par la suite. Mais pour revenir aux couteaux, j’avais peur qu’elle prenne ça pour la sculpture qui trône sur son guéridon, à côté de son gobelet où elle range ses dents. On ne sait jamais, un accident est si vite arrivé avec une lame ! A présent, il y avait nettement moins de risque qu’elle prenne cela pour un coupe-papier pour ouvrir le courrier, étant donné qu’elle s’était plutôt faite une spécialité pour fermer les enveloppes ! Toujours est-il qu’il serait bon de noter aussi le nombre de petites cuillères. Elles pouvaient faire de belles boucles d’oreille pour Christine Lagarde. Même si on pouvait les shotophoper pour les faire disparaître d’une photo, elles auraient disparu effectivement de la ménagère élyséenne !

Bon sang ! Ces verres en cristal doivent peser une tonne, vides ! Alors, pleins, gare à ceux qui n’ont pas fait de la muscu avant ! C’était peut-être une façon de limiter la consommation, car cela demandait un effort, chaque fois. Ce qui est drôle est que le seul qui paraissait se préoccuper de leur poids est celui qui a le plus l’habitude d’en lever ! A croire qu’il était en train de se dire qu’il en aurait plus pour lui et qu’il serait bon se placer à table entre deux gringalets. Le tout était dressé sur une belle nappe en dentelle, dont un beau chemin de table en tissu doré en séparait les deux côtés. La seule faute de goût, à mon avis, ce sont les cédés qui étaient mis en guise de dessous de verre. C’est vrai que ça brillait, c’était joli. Enfin, il y avait fort à parier que si l’on regardait l’autre côté, on ne serait pas surpris d’en découvrir l’étiquette. Il faut bien faire diminuer le stock d’une manière ou d’une autre ! Une table qui pouvait être classifiée bling-bling par n’importe quel tabloïde. Pour le moment, j’entendais plutôt le gling-gling des verres qui s’entrechoquaient car tout le monde était autour du buffet, où il y avait une multitude d’amuse-bouches. Il était dressé à côté d’un sapin qui scintillait de mille éclats. Moment sacré, l’apéro !

Certainement un des moments les plus conviviaux d’une soirée où chacun peut refaire le monde. Enfin, ici, j’espérais qu’ils étaient plutôt en train de refaire la France pour remettre les morceaux dans le bon sens. Cela aurait déjà été une bonne chose ! Je ne faisais pas vraiment attention aux conversations, j’avais l’œil collé à l’appareil, mais j’entendais quand même quelques bribes de conversations. Par exemple, Ségolène passait avec sa coupe de champagne pour trinquer avec l’un et avec l’autre. On aurait dit qu’elle voulait être sur toutes les photos comme pour dire qu’elle était incontournable pour la suite des évènements. Chaque fois, c’était le même rituel. Elle la levait assez haut en disant fraternité. Certainement sa façon de dire santé ! Dans un coin, Brice me donnait l’impression de surveiller tout ce beau monde et j’étais en train de me demander s’il avait mis des éthylotests dans ses poches. Histoire de vérifier avant de passer à table qui avait le droit de continuer à boire ou qui serait mis à l’eau jusqu’à fin du repas. Ce qui était sûr est qu’il n’avait pas à se préoccuper de qui buvait quoi, pas une goûte de punch, rien que du champagne. Il ne serait donc pas ennuyé avec les amateurs de rhum !

A un autre endroit du buffet, posant le temps d’un instant, Rachida et DSK qui avait fait le voyage des Etats-Unis. Ils avaient stoppé leur conversation, mais en appuyant sur le déclencheur, je n’ai pu m’empêcher d’avoir un sourire. J’étais en train de penser à ce qu’ils pouvaient bien échanger. Des impressions sur les problèmes d’inflation dont l’un et l’autre sont des spécialistes ? Une technique pour recruter une nouvelle collaboratrice dont elle pouvait lui faire un exposé complet ? Ah, si j’en avais le culot ! J’aurais bien demandé à mémé Liliane de poser entre les deux sur la photo ! Mais j’étais déjà passé au cliché suivant. Titine semblait seule à picoler sa coupe dans son coin. En même temps, avec DSK qui faisait le fanfaron ailleurs et Ségolène qui faisait tout pour qu’on la remarque partout, son pacte en était réduit à manger des petits fours après avoir fait un four ! Que pouvait-elle bien penser au moment où elle m’esquissait un sourire ?

Il suffisait de tendre l’oreille, elle marmonnait ! « Comment ça, je me retrouve seule ! Je sens le Maroilles, c’est ça ?  Et regarde ces deux play-boys là-bas ! » Là, elle faisait allusion à Benoît et Manuel qui étaient en pleine conversation avec Carla et donc j’avais déjà tiré une photo souvenir. « Elle n’a donc pas assez de gibier à son actif ! Après une collection de chanteurs, la voilà qui se lance dans une de politiques ? Elle doit être vraiment accroc pour espérer quelque chose de ces deux-là ! A moins qu’elle leur demande de faire un numéro de gogos… dancers ! Tiens, on pourrait aussi y mette Rama Yade qui en pleine conversation avec Bertrand. Celui-ci, je lui offrirais des plumes et des bananes à la Rama ! Ca sera un duo inédit ! Joséphine Baker et Zizi Jeanmaire. Ah, on m’a prise pour une dresseuse d’éléphants, c’est quoi ce cirque ! Je vais leur montrer qu’il n’y a pas que Line Renaud qui vient du Nord et qui peut être une meneuse de revue music-hall ! Je vais te mettre tout ça sur un escalier, mais c’est moi qui serai en haut des marches ! »

A suivre…

(Ah oui, je le sais, c’est frustrant, mais on va vite être mercredi !)