Chalut mes gins ! In arrif’ à l’fin d’el s’maine. Ouais, j’sais bin, t’attindos cha aveuc impatienche, seul’mint t’as p’t-ête eu du mau à rintrer à t’baraque. Je n’sais pon chi te l’as armarqué, mais i y a eu un grind mouv’mint migratoire d’tracteurs et d’machines agricoles dins ches rues. In che s’rot cru à ch’mitan d’juillet, à ch’défilé. Bah, ouais ! Tous ches ins, t’as toudis des invités pour faire l’parate aveuc ches militaires…

Ch’est l’début d’ches grinds mouv’mints sochiaux. In va bintôt avoir l’drot à ches étudiants. Ch’est normal, is n’sont pus in vacinches. Pis, is n’sont toudis pon d’accord avec ch’projet d’réforme. Ch’est ches agriculteurs qui on’tent ouvert l’dinche. Dins l’plupart d’ches grindes villes, cha a été eune vraie débindade, mais ch’est nin l’pus graf’ ! Is on’tent osé mette l’fu, d’vint l’cantine d’min Nicolas ! Heureuss’mint, j’te rassur’te, mes gins, i n’étot pon d’dins et i n’a pon été intoxiqué par ches fumées. Te t’rinds compte que cha aurot pu ête dramatique chi ch’capacité thoracique alle avot été amoindrie. Min Nicolas qui minqu’te d’air, cha n’étot pon conch’vabe !

J’supposse qu’is von’tent avoir l’drot à des excusses d’Ségolène, sœur d’euch Grind Pardon, qui a dû décortiquer l’situachion com’ mi. Pis, chi alle n’l’a pon cor’ fait, j’li inverrai min artique, cha pourra chertain’mint l’inchpirer ! Te vas chertain’mint pinser, in pus du fait évidint qu’is n’sont pon contints, que l’fait d’mette l’fu, ch’est pour attirer l’attinchion un peu pus su leu mouv’mint.  Bah, ouais ! Cha m’étonn’rot gramint qu’is aient fait cha pour invoyer des signaux d’fumées à leux collègues, rechtés dins ches camps, ou pour communiquer. In est in France, ch’est pon des apaches ! Pis, ch’est pon pach’qu’is vienn’tent d’el campagne qu’is n’on’tent pon tertous des portabes com’ ti et mi ! Bah, ouais, mes gins. J’sais bin qu’pour ches Parisiens, l’ress’ d’el France alle est chouvint considéré com’ ruchtique, pour ête poli, mais cha, ch’est pach’qu’is n’on’tent pon vu un tracteur d’pis long ! Clim, radio guidache, manicraque informatique, musique in stéréo, i y in a pus que dins leux carettes…

Just’mint cha quée bin, is auront eu tout loiji d’in raviser, des tracteurs. A’ch’t’heure, i f’sot frod. Is on’tent alleumé ches fux pour ch’récauffer, ch’est normal. I n’minqu’rot pus qu’cha qu’is attrap’tent eune bionne crèf’ qui les impêch’te d’travailler pindint des jours ! Bion mi, ch’t’echplicachion alle n’em plait pon pus qu’cha. J’sus sûr’te qu’i y a un messache bin pus subtil. Eune fachon d’echpliquer à ches Parisiens l’vie dins ches campagnes, l’vie à ch’plein air. Bref, ches origines à tertous. Ch’est eune pointe d’nostalgie auchi à eune périote pus insoleillée. Bah, qu’est-che que te fais quind i fait bieau et qu’te n’es pon à l’ville ? T’organisses eune barbeuq partie !

Mes gins, j’sus sûr’te que ch’est cha, l’echplicachion d’ches fux. Ches agriculteurs is on’tent voulu faire l’première barbeuq partie à ch’Fouquet’s ! Cha ching’te d’tous ches plats d’luxe, ch’caviar, ch’t’homard, ch’foie gras. Qu’in sorte ches côt’lettes ! Qu’in sorte ches merguez ! In va faire découvrir à ches gins d’el Haute commint qu’ch’est qu’in minge ! Mes gins, j’vos d’ichi l’schène, tous ches grinds qui vienn’tent. In premier, min Nicolas. Ch’est quind même li l’vedette, l’tiête d’liste pour avoir réuchi à faire déplacher toute ch’te binde d’agriculteurs. In pourrot dir’te qu’ch’est ch’t’organisateur… Forchémint, i va v’nir aveuc Carlita. Alle ramèn’ra ch’guitare. Com’ cha, après minger, alle pourra canter aveuc tertous autour d’euch fu. Ch’est l’occasion rêvée pour faire eune trêf’ dins tout ch’bazar politique. Toutes ches polémiques d’pis quéque timps. Te vos d’ichi ? Titine, Ségolène, Freddy, tous ches François, Roselyne, Jean-Louis, Olivier, et tous ches autes, aveuc min Nicolas. Arjoint par des célébrités, puich’que ch’est égal’mint leu quartier général. D’autint qu’in a b’soin d’Johnny pour alleumer ch’fu ! Eune grinde soirée Peace and Love aveuc ches agriculteurs…

Vingt dius ! J’cros qu’j’sus in train d’rêver tout d’bout ! Mes gins, j’sais bin qu’ch’est pon prêt d’arriver, mais avoue qu’cha ching’rot d’toutes ches conn’ries qu’in intind à longueur d’timps… Jus’ un momint d’ù qu’tertous i est bieau, tertous i est gintil. Pis, com’ ch’est ch’ouiquen, in va canter auchi. I n’y a pon d’raison !

 [arfrain :]

A ch’Fouquet’s pour ch’te première fos

Nicolas i a réuchi

A déplacher gramint d'pipole

Pour eune première barbeuq partie

Cha fait déjà d’pis plusieurs mos

Qu’ches agriculteurs is râlotent

Pour définde leu pouvoir d’achat

Dins ch’capitale is donn’tent d’el vox

Nico t’es sourd com’ un pot

Nico te veux vraimint not’ pieau

Te vas vir qu’in f’ra un fu d’joie

Ch’est sûr’te, is ont jamais vu cha

Cha va les mette tout in émoi

Pindint qu’is ming’tent leu foie gras

Première barbeuq partie (4 fos)

[arfrain]

I faut qu’te vienn’tes n’hésite pon

In f’ra d’el plache autour d’euch fu

D’el gêne i n’y in aura pon

A l’bionne frinquette in s’ra fin miux

[arfrain]

Pour eune première barbeuq partie (ad lib…)

Le plat du jour

Salut mes gens ! On arrive à la fin de la semaine. Oui, je sais bien, tu attendais cela avec impatience, seulement tu as peut-être eu du mal à rentrer à ta baraque. Je ne sais pas si tu l’as remarqué, mais il y a eu un grand mouvement migratoire de tracteurs et de machines agricoles dans les rues. On se serait cru au milieu de juillet, au défilé. Bah, oui ! Tous les ans, tu as toujours des invités pour faire la parade avec les militaires…

C’est le début des grands mouvements sociaux. On va bientôt avoir le droit aux étudiants. C’est normal, ils ne sont plus en vacances. Puis, ils ne sont toujours pas d’accord avec le projet de réforme. Ce sont les agriculteurs qui ont ouvert la danse. Dans la plupart des grandes villes, ça a été une vraie débandade, mais ce n’est pas le plus grave ! Ils ont osé mettre le feu, devant la cantine de mon Nicolas ! Heureusement, je te rassure, mes gens, il n’était pas dedans et il n’a pas été intoxiqué par les fumées. Tu te rends compte que cela aurait pu être dramatique si sa capacité thoracique avait été amoindrie. Mon Nicolas qui manque d’air, ce n’était pas concevable !

Je suppose qu’ils vont avoir le droit à des excuses de Ségolène, sœur du Grand Pardon, qui a dû décortiquer la situation comme moi. Puis, si elle ne l’a pas encore fait, je lui enverrai mon article, ça pourra certainement l’inspirer ! Tu vas certainement penser, en plus du fait évident qu’ils ne sont pas contents, que le fait de mettre le feu, c’est pour attirer l’attention un peu plus sur leur mouvement.  Bah, oui ! Cela m’étonnerait beaucoup qu’ils aient fait cela pour envoyer des signaux de fumées à leurs collègues, restés dans les champs, ou pour communiquer. On est en France, ce ne sont pas des apaches ! Puis, ce n’est pas parce qu’ils viennent de la campagne qu’ils n’ont pas tous des portables comme toi et moi ! Bah, oui, mes gens. Je sais bien que pour les Parisiens, le reste de la France est souvent considéré comme rustique, pour être poli, mais ça, c’est parce qu’ils n’ont pas vu un tracteur depuis longtemps ! Clim, radio guidage, ordinateur, musique en stéréo, il y en a plus que dans leurs voitures…

Justement ça tombe bien, ils auront eu tout loisir d’en regarder, des tracteurs. A présent, il faisait froid. Ils ont allumé ces feux pour se réchauffer, c’est normal. Il ne manquerait plus que cela qu’ils attrapent une bonne crève qui les empêche de travailler pendant des jours ! Bon moi, cette explication ne me plait pas plus que cela. Je suis sûre qu’il y a un message bien plus subtil. Une façon d’expliquer aux parisiens la vie dans les campagnes, la vie au plein air. Bref, les origines de tout le monde. C’est une pointe de nostalgie aussi à une période plus ensoleillée. Bah, qu’est-ce que tu fais quand il fait beau et que tu n’es pas à la ville ? Tu organises une barbeuq partie !

Mes gens, je suis sûre que c’est cela, l’explication des feux. Les agriculteurs ont voulu faire la première barbeuq partie au Fouquet’s ! Ca change de tous ces plats de luxe, le caviar, le homard, le foie gras. Qu’on sorte les côtelettes ! Qu’on sorte les merguez ! On va faire découvrir aux gens de la Haute comment on mange ! Mes gens, je vois d’ici la scène, tous les grands qui viennent. En premier, mon Nicolas. C’est quand même lui la vedette, la tête de liste pour avoir réussi à faire déplacer toute cette bande d’agriculteurs. On pourrait dire que c’est l’organisateur… Forcément, il va venir avec Carlita. Elle ramènera sa guitare. Comme ça, après manger, elle pourra chanter avec tout le monde autour du feu. C’est l’occasion rêvée pour faire une trêve dans tout ce bazar politique. Toutes ces polémiques depuis quelque temps. Tu vois d’ici ? Titine, Ségolène, Freddy, tous les François, Roselyne, Jean-Louis, Olivier, et tous les autres, avec mon Nicolas. Puis rejoints par des célébrités, puisque c’est également leur quartier général. D’autant que l’on a besoin de Johnny pour allumer le feu ! Une grande soirée Peace and Love avec les agriculteurs…

Bon sang ! Je crois que je suis en train de rêver tout debout ! Mes gens, je sais bien que ce n’est pas prêt d’arriver, mais avoue que cela changerait de toutes les conneries que l’on entend à longueur de temps… Juste un moment où tout le monde il est beau, tout le monde il est gentil. Puis, comme c’est le week-end, on va chanter aussi. Il n’y a pas de raison !

Retrouve la version originale à la fin pour ton entraînement en karaoké…

[refrain :]

Au Fouquet’s pour cette première fois

Nicolas, il a réussi

A déplacer beaucoup d’people

Pour une première barbeuq partie

Ca fait déjà d’puis plusieurs mois

Que les agriculteurs râlaient

Pour défendre leur pouvoir d’achat

Dans la capitale donnent d’la voix

Nico t’es sourd comme un pot

Nico tu veux vraiment notr’ peau

Tu vas voir qu’on f’ra un feu d’joie

C’est sûr, ils ont jamais vu ça

Ca va les mettre tout en émoi

Pendant qu’ils mangent leur foie gras

Première barbeuq partie (4 fos)

[refrain]

Il faut qu’tu viennes n’hésite pas

On f’ra d’la place autour du feu

D’la gêne il n’y in aura pas

A l’bonne franquette on s’ra fin mieux

[refrain]

Pour une première barbeuq partie (ad lib…)