Chalut mes gins ! Te vas toudis bin ? Cor’ eune s’maine qui arrif’ à ch’fin, cha sint bion deux jours d’farniente chu eune caïlle longue, in chirotint eune bionne limonate ou quo qu’te veux, d’ailleurs, pach’que même chi te bos chins modérachion, ch’est tin problème, te n’bourleras pon d’haut. Infin, in espérint qu’in n’vot pon ch’fin d’euch bieau timps com’ ch’te météo alle simbe nous l’annoncher. Cha n’eul f’rot pon vraimint, d’autint qu’ch’est cor’ un ouiquend d’ù qu’i y a plein d’animachions d’prévues un peu partout…

Tiens, in parlint d’animachions, René Dosière (PS) qui ch’inquiétot de ch’t’abchintéisme d’ches élus qui sontent royal’mint payés pour n’pon occuper leu sièche, com’ in a pu l’vir insimpe dins ch’t’arvue d’presse d’euch lundi (http://0z.fr/9I-BF), i n’arrête pus d’faire ches comptes pour savoir d’ù qu’in peut gratter. Infin, cha n’est pon trop l’bion terme, gratter, pach’que cha chous-intindrot qu’i essay’te d’treuver des fonds, alors qu’ichi, i s’rot pus un colmateur d’fuites. Te sais, com’ ch’i inspectot un barrache et qu’i ch’aperchevrot qu’i y a des brèches dins ch’t’édifiche par chesquels ch’pognon i fuirot. J’ai pris un barrache com’ eximpe pach’que ch’est grind com’ ch’budget d’l’Etat, mais te peux l’vir com’ ch’ti qui mettrot des rustines à un grind panier perché. Bah, nin, cha n’a rin à vir aveuc des animachions ! In va y arriver, n’sos pon impachient ! Infin, à forche, cha met d’l’animachion au sein d’tous ches élus qui trimbl’tent chaque fos qu’is l’crois’tent. Te parl’tes ! Combien is sontent in train d’euch dir’te, à ch’momint-lal, pourvu qu’i n’ait pon vu qu’j’ai paché eune d’mi-douzaine d’cal’chons chu mes frais d’fonc’chionn’mint. In même timps, is étotent in promo, ch’t’Etat i a fait eune bionne affaire !

Ch’ti-chi i est dev’nu, in quéque sorte, ch’grind spéchialiste d’ches dépinches d’eul présidinche d’eul République et d’ches ministères. Ch’est une sorte d’cours d’ches comptes à li tout seu. Pus fort qu’eune calculette à dix chiffes. Bah, ouais ! Heureuss’mint qu’in n’est pus in Francs, chinon i n’arriverot pon à afficher ches résultats. Te m’diras, i faut bin que quéqu’un i ch’y coll’te, pach’qu’in n’intind chins arrêt parler qu’euch gouvern’mint i dot faire des économies pour montrer ch’t’eximpe. Ch’est ch’différinche aveuc nou’z’autes. In diminue not’ train d’vie pach’qu’in n’a pon vraimint l’chox. Pourtint, tous ches jours in intind parler d’chintaines d’milliers d’euros par-chi, d’chintaines d’milliers d’euros par-lal. Ch’te s’maine, com’ i a fait bieau, cha li a donné l’invie d’euch rinseigner chu ch’qui arvient tous ches ins, ch’garden party à ch’t’Elysée. La v’là tin animachion, impachient qu’t’es ! Ouais, ouais, t’as raison, i y a au moins un clown, mais t’prinds l’responchabilité d’tes propos ! Alors, forchémint, in n’a pon cor’ ches chiffes pour ch’t’année, puich’que ch’est dins un bion mos, mais ches serviches directs d’euch Premier ministre is li ontent donné ches chiffes d’l’année dernière à cha d’minde.

Quind j’te disos pus haut qu’in intind tous ches jours parler d’chintaines d’milliers d’euros, je n’croyos pon chi bin dir’te. Garden Party à l’Elysée 2009 : 732.826 euros ! Te m’excuseras, mais chi j’l’avos écrit in lettes, cha aurot fait un paragraphe. Vingt dius ! Je ne t’espliqu’te pon ch’longueur d’euch ticket quind te d’mindes l’addichion. In dirot qu’in t’a déroulé un rouleau d’PQ in intier ! Te m’diras, te te l’mets à ch’même indrot, pach’que te n’as même pon été invité, histoire au moins d’profiter un tiot peu d’eut contribuchion. Avoue qu’ch’est vraimint pon d’chince, puich’qu’i y avot quind même 7.500 invités. Bref ! Forchémint, ch’est com’ ti quind te vas minger à ch’Flunch, t’as différints postes. Te peux traduir’te à boire, à minger et ch’serviche. Ichi, ch’est à peu près parel, mis à part qu’t’as auchi ch’locachion d’ches tintes et d’tout ch’t’attiral qui va ind’chous, ches tapes, ches caïelles, ches décors, ch’musique, etc.. Bah, ch’est eune différinche par rapport à Flunch qui n’te loue pon eune tape in pus quind t’y vas. Ch’coût d’ches aménach’mints : 295.921 euros…

Ah, ouais ! T’es in train de t’faire l’même armarque qu’mi. Cha fait quer et ch’est rin d’eul dir’te ! In même timps, cha n’est pon des Quechua et cha m’étonnerot qu’ches tapes et ches caïelles alles soent in plachtique. In n’est pon à l’braderie d’Lille, ni même dins un remaque d’camping ! Pis, pinse un peu à ch’vedette d’euch camping. Bah, ouais ! Min Nicolas qui s’rot obligé de ch’appeler Chirac, cha la foutrot mau ! Infin, churtout pour li ! In y pinsint, j’sus sûr’te qu’i dot avoir ches deux films in horreur. Te parl’tes ! Bah, ch’is arfontent eune nouvielle série Palache, in sait commint qu’in peut appeler ch’rôle princhipal, tout i n’est pon perdu pour li. In continue aveuc ches mises in bouque et toute ch’cavalerie d’trucs à grignoter : 313.618 euros. Ah, bah, ouais ! Cha in fait des trucs à minger pour ch’prix-lal ! Te comprinds à’ch’t’heure pourquo ch’locachion d’tapes alle a coûté chi quère. I t’in faut d’eul longueur, d’ches mètes linéaires com’ in dit, pour exposer tout cha. Querche pon ! Impochipe d’goûter à tout, sauf in restint eune bionne s’maine. Et cor’, te n’arrif’ pus à arsortir par ches portes et i faut ch’attinde à ch’qu’in t’appell’te culbuto après !

Cha t’donn’te caud, des sommes parelles, hein ? Bah, mi auchi ! Tiens, in va pouvoir ch’armette un peu, v’là ch’budget boissons : 43.128 euros ! Ouais… Ch’première réflec’chion alle est : Ch’est pon quer ! Te vos, in ch’habitue vit’ à des nombes à plein d’chiffes ! J’sais qu’cha in fait des boutelles et qu’i y aurot même trop pour noyer tin chagrin, mais j’te rappell’te qu’is étotent quind même 7.500. Ch’qui fait moins d’chix euros par perchonne. Ches pauf’, is ontent dû mourir d’soif ! Cha parôt étonnint, pach’qu’in sait tertous qu’ch’est chouvint ch’qui coûte l’pus à ch’resto. D’autint quind te vos qu’à ch’ministère is ontent marqué vins et champagnes, chertain’mint un peu d’ieau minérale et d’jus d’fruit auchi. Toudis i est qu’in che d’minde bin ch’qui a coûté chi quer dins ch’boustifaille. Min René i n’a pon dit quo qu’i a vu chu ch’t’addichion, mais cha m’étonnerot qu’in treuve d’euch pâté d’cimpagne et des œufs d’lompe. Des moules-frites nin pus, d’ailleurs ! Pour terminer, ch’est l’serviche : 80.159 euros. Ch’est pon tout d’avoir foutu ch’bazar dins ches gardins et dins ches pelousses, après i faut armette ch’t’indrot com’ in l’a treuvé in intrint. Ouais, ch’est com’ ches waters, sauf que madame pipi alle n’te d’minde pon 80.159 euros. Infin, i faut bin payer ch’perchonnel qui a servi tout ch’bieau monte ! Te n’cros tout d’même pon qu’ch’est Carla et Nicolas qui ontent fait ch’serviche !

J’espèr’te qu’min René i n’étot pon in train d’minger un sandouiche quind i a lu ch’t’addichion, pach’qu’i a dû ch’étringler aveuc ches miettes. Je n’m’inquiète pon trop pach’que, même ch’i fait des rapports chu ches autes, cha m’étonnerot qu’i n’minge jamais à ch’resto in pachint cha in frais. Toutefos, à ch’ministère, in a querre à ch’digestion puich’qu’in li a fait savoir que ch’coût par perchonne, pour ch’t’année, i s’rot in baisse d’11%. Bah, ouais, ch’est ches fameuses économies dont in nous rebat ches orelles à longueur d’timps ! Chi cha a coûté inviron 98 euros par perchonne l’année dernière, cha n’coûtera pus qu’87 euros. Quéques grains d’caviar in moins par perchonne et ch’tour i est jué ! In aurot pu croir’te qu’eune bionne nouvielle com’ cheule-lal alle allot faire grimper à ch’rideau min René, bah, nin ! Pach’que, com’ i l’a fait armarquer dins l’Express, in li a donné ch’baisse à l’tiête, mais in ch’est bin gardé d’donner ch’nompe total d’invités qu’i allot y avoir. Quind te sais qu’in 2007, is étotent 5.000. In 2008, 7.050 et 7.500 in 2009, min René i a toutes ches raisons d’ête inquiet. A min avis, i ne s’ra pon invité, li !

Alors, mes gins, in peut croir’te à ches contes d’fée. Bah, nin, j’n’allos pon dir’te qu’Carla alle allot commincher dès d’main à préparer pour ch’quatorse juillet ! Cha ne s’rot pus très frais et in ch’artreuv’rot aveuc des milliers d’indigestions. Ch’est cor’ ch’trou d’eul Sécu qui in prindrot un cop. In pus, Roselyne alle n’sait pon guérir eune indigestion aveuc sin vaccin, in n’pourrot même pon y treuver un intérêt. Mais in peut espérer, com’ min Nicolas i a d’moins in moins d’amis, que ch’chiffe i baiss’te d’li même et qu’in f’ra des économies. Chinon, chi in veut garder ch’te tradichion in plache, même pindint ch’te périote d’ù qu’in dot ch’serrer ch’ceinture, i y a eune méthote toute simpe qui a d’jà porté ches fruits. In fait com’ pour ch’te fiête d’ches voisins, chacun i ramèn’te qué cosse. In pus, j’sus sûr’te qu’i y in aurot d’trop et qu’in pourrot même organiser eune grinte dichtribuchion à ches gins qui n’ontent même pon quéques miettes tous ches jours. Et pourquo des tapes et des caïlles quind in est chi bin assis dins ch’t’herpe, chu eune toile. Un bion pique-nique nachional pour eune fiête nachionale et pon que d’qué’z’uns !

Salut mes gens ! Tu vas toujours bien ? Encore une semaine qui arrive à sa fin, ça sent bon deux jours de farniente sur une chaise longue, en sirotant une bonne limonade ou ce que tu veux, d’ailleurs, parce que même si tu bois sans modération, tu ne tomberas pas de haut. Enfin, en espérant que l’on ne voit pas la fin du beau temps comme la météo semble nous l’annoncer. Ca ne le ferait pas vraiment, d’autant que c’est encore un week-end où il y a plein d’animations de prévues un peu partout…

Tiens, en parlant d’animations, René Dosière (PS) qui s’inquiétait de l’absentéisme des élus qui sont royalement payés pour ne pas occuper leur siège, comme on a pu le voir ensemble dans la revue de presse de ce lundi (http://0z.fr/9I-BF), n’arrête plus de faire les comptes pour savoir où l’on peut gratter. Enfin, ce n’est pas trop le bon terme, gratter, parce que cela sous-entendrait qu’il essaye de trouver des fonds, alors qu’ici, il serait plus un colmateur de fuites. Tu sais, comme s’il inspectait un barrage et qu’il s’apercevrait qu’il y a des brèches dans l’édifice par lesquels le pognon fuirait. J’ai pris un barrage comme exemple parce que c’est grand comme le budget de l’Etat, mais tu peux le voir comme celui qui mettrait des rustines à un grand panier percé. Bah, non, cela n’a rien à voir avec des animations ! On va y arriver, ne sois pas impatient ! Enfin, à force, cela met de l’animation au sein de tous les élus qui tremblent chaque fois qu’ils le croisent. Tu parles ! Combien sont en train de se dire, à ce moment-là, pourvu qu’il n’ait pas vu que j’ai passé une demi-douzaine de caleçons sur mes frais de fonctionnement. En même temps, ils étaient en promo, l’Etat a fait une bonne affaire !

Celui-ci est devenu, en quelque sorte, le grand spécialiste des dépenses de la présidence de la République et des ministères. C’est une sorte de cours des comptes à lui tout seul. Plus fort qu’une calculette à dix chiffres. Bah, oui ! Heureusement que l’on n’est plus en Francs, sinon il n’arriverait pas à afficher les résultats. Tu me diras, il faut bien que quelqu’un s’y colle, parce que l’on entend sans arrêt parler que le gouvernement doit faire des économies pour montrer l’exemple. C’est la différence avec nous. On diminue notre train de vie parce que l’on n’a pas vraiment le choix. Pourtant, tous les jours on entend parler de centaines de milliers d’euros par-ci, de centaines de milliers d’euros par-là. Cette semaine, comme il a fait beau, cela lui a donné l’envie de se renseigner sur ce qui revient tous les ans, la garden party à l’Elysée. La voilà ton animation, impatient que tu es ! Oui, oui, tu as raison, il y a au moins un clown, mais tu prends la responsabilité de tes propos ! Alors, forcément, on n’a pas encore les chiffres pour cette année, puisque c’est dans un bon mois, mais les services directs du Premier ministre lui ont donné les chiffres de l’année dernière à sa demande.

Quand je te disais plus haut que l’on entend tous les jours parler de centaines de milliers d’euros, je ne croyais pas si bien dire. Garden Party à l’Elysée 2009 : 732.826 euros ! Tu m’excuseras, mais si je l’avais écrit en lettres, cela aurait fait un paragraphe. Bon sang ! Je ne t’explique pas la longueur du ticket quand tu demandes l’addition. On dirait que l’on t’a déroulé un rouleau de PQ en entier ! Tu me diras, tu te le mets au même endroit, parce que tu n’as même pas été invité, histoire au moins de profiter un petit peu de ta contribution. Avoue que ce n’est vraiment pas de chance, puisqu’il y avait quand même 7.500 invités. Bref ! Forcément, c’est comme toi quand tu vas manger au Flunch, tu as différents postes. Tu peux traduire à boire, à manger et le service. Ici, c’est à peu près pareil, mis à part que tu as aussi la location des tentes et de tout l’attirail qui va en dessous, les tables, les chaises, les décors, la musique, etc.. Bah, c’est une différence par rapport à Flunch qui ne te loue pas une table en plus quand t’y vas. Le coût des aménagements : 295.921 euros…

Ah, ouais ! Tu es en train de te faire la même remarque que moi. Cela fait cher et ce n’est rien de le dire ! En même temps, ce ne sont pas des Quechua et cela m’étonnerait que les tables et les chaises soient en plastique. On n’est pas à la braderie de Lille, ni même dans un remake de camping ! Puis, pense un peu à la vedette du camping. Bah, oui ! Mon Nicolas qui serait obligé de s’appeler Chirac, cela la foutrait mal ! Enfin, surtout pour lui ! En y pensant, je suis sûre qu’il doit avoir ces deux films en horreur. Tu parles ! Bah, s’ils refont une nouvelle série Palace, on sait comment on peut appeler le rôle principal, tout n’est pas perdu pour lui. On continue avec les mises en bouche et toute la cavalerie de trucs à grignoter : 313.618 euros. Ah, bah, oui ! Cela en fait des trucs à manger pour ce prix-là ! Tu comprends à présent pourquoi la location de tables a coûté si chère. Il t’en faut de la longueur, des mètres linéaires comme on dit, pour exposer tout cela. Cherche pas ! Impossible de goûter à tout, sauf en restant une bonne semaine. Et encore, tu n’arrives plus à ressortir par les portes et il faut s’attendre à ce que l’on t’appelle culbuto après !

Cela te donne chaud, des sommes pareilles, hein ? Bah, moi aussi ! Tiens, on va pouvoir se remettre un peu, voilà le budget boissons : 43.128 euros ! Ouais… La première réflexion est : Ce n’est pas cher ! Tu vois, on s’habitue vite à des nombres à plein de chiffres ! Je sais que cela en fait des bouteilles et qu’il y aurait même trop pour noyer ton chagrin, mais je te rappelle qu’ils étaient quand même 7.500. Ce qui fait moins de six euros par personne. Les pauvres, ils ont dû mourir de soif ! Cela paraît étonnant, parce que l’on sait tous que c’est souvent ce qui coûte le plus au resto. D’autant quand tu vois qu’au ministère ils ont marqué vins et champagnes, certainement un peu d’eau minérale et de jus de fruit aussi. Toujours est-il que l’on se demande bien ce qui a coûté si cher dans la boustifaille. Mon René n’a pas dit ce qu’il a vu sur l’addition, mais cela m’étonnerait que l’on trouve du pâté de campagne et des œufs de lompe. Des moules-frites non plus, d’ailleurs ! Pour terminer, c’est le service : 80.159 euros. Ce n’est pas tout d’avoir foutu le bazar dans les jardins et dans les pelouses, après il faut remettre l’endroit comme on l’a trouvé en entrant. Oui, c’est comme les toilettes, sauf que madame pipi ne te demande pas 80.159 euros. Enfin, il faut bien payer le personnel qui a servi tout ce beau monde ! Tu ne crois tout de même pas que c’est Carla et Nicolas qui ont fait le service !

J’espère que mon René n’était pas en train de manger un sandwich quand il a lu l’addition, parce qu’il a dû s’étrangler avec les miettes. Je ne m’inquiète pas trop parce que, même s’il fait des rapports sur les autres, cela m’étonnerait qu’il ne mange jamais au resto en passant cela en frais. Toutefois, au ministère, on a pris soin de sa digestion puisqu’on lui a fait savoir que le coût par personne, pour cette année, serait en baisse de 11%. Bah, oui, ce sont ces fameuses économies dont on nous rebat les oreilles à longueur de temps ! Si cela a coûté environ 98 euros par personne l’année dernière, cela ne coûtera plus que 87 euros. Quelques grains de caviar en moins par personne et le tour est joué ! On aurait pu croire qu’une bonne nouvelle comme celle-là allait faire grimper au rideau mon René, bah, non ! Parce que, comme il l’a fait remarquer dans l’Express, on lui a donné la baisse à la tête, mais on s’est bien gardé de donner le nombre total d’invités qu’il allait y avoir. Quand tu sais qu’en 2007, ils étaient 5.000. En 2008, 7.050 et 7.500 en 2009, mon René a toutes les raisons d’être inquiet. A mon avis, il ne sera pas invité, lui !

Alors, mes gens, on peut croire aux contes de fée. Bah, non, je n’allais pas dire que Carla allait commencer dès demain à préparer pour le quatorze juillet ! Ce ne serait plus très frais et on se retrouverait avec des milliers d’indigestions. C’est encore le trou de la Sécu qui en prendrait un coup. En plus, Roselyne ne sait pas guérir une indigestion avec son vaccin, on ne pourrait même pas y trouver un intérêt. Mais on peut espérer, comme mon Nicolas a de moins en moins d’amis, que le chiffre baisse de lui-même et que l’on fera des économies. Sinon, si l’on veut garder cette tradition en place, même pendant cette période où l’on doit se serrer la ceinture, il y a une méthode toute simple qui a déjà porté ses fruits. On fait comme pour cette fête des voisins, chacun ramène quelque chose. En plus, je suis sûre qu’il y en aurait de trop et que l’on pourrait même organiser une grande distribution aux gens qui n’ont même pas quelques miettes tous les jours. Et pourquoi des tables et des chaises quand on est si bien assis dans l’herbe, sur une toile. Un bon pique-nique national pour une fête nationale et pas que de quelques-uns !

On reste dans l'addition...