Chalut mes gins ! Ch’est ch’momint, ch’est ch’t’instint, in arrive à l’dernière line drote. Infin, chi j’in cros l’radio, chi t’as d’eul route à faire, i faudra faire gramint attinchion qu’eul line alle ress’ drote, pach’que cha glisse à gramint d’indrots ! Qu’te sos in carette ou à pids d’ailleurs ! Cha n’est pon ch’momint d’trébucher avint l’bûche, ni après ! Alors, chi te vas dins t’famile ou chez des amis, prinds tin sac d’couchache aveuc, ch’est pus prudint. Pis, com’ cha, te s’ras chu plache pour t’in armette eune couche. Ch’rassaquache, cha n’est pon mauviais ! Quint à l’aute partie qui est in train de ch’affairer à ches fourneaux, et bin, cha comminche à sintir bion ! Bouge pon, in arrif ! T’as pon prévu assez ? Ch’est rin, ch’étot pour rir’te ! Pon d’inquiétute, i est timps d’artourner vir commint qu’cha ch’pass’te chez nos amis…

Capitre tros

(Elémintaire min quer lecteur !)

Elémintaire et alimintaire auchi, car i n’faut pon ch’appeler Sherlock Holmes pour ch’aperchevoir qu’eul pus grinte partie d’un réveillon consiste à ch’in mette plein ch’limpe. Pour chertains, in in est même resté à ch’limpe à pétrole car is fontent bin pus chouvint ch’plein d’liquide qu’d’autes ! Infin, com’ min Nicolas i avot rassuré tertous in disint qu’in aurot pu dormir chu plache, i n’y avot pon d’raison pour n’pon profiter d’ches bions nectars qui défilotent au rythme d’ches plats. Ches extras is étotent in train d’faire eune distribuchion d’tiots pains qui m’disot qu’in allot chertain’mint pacher au fromache. Cha d’vient rar’te dins ches grinds arpas, mais ch’est dins ch’grinte tradichion françaisse. I faut dir’te qu’in n’in minqu’te pon nin pus ! J’étos in train d’eum dir’te qu’cha d’vot ête pour chertains l’seu momint d’ù qu’is étotent in contact aveuc ches bionnes odeurs d’eul cimpagne, mais ch’étot pach’que j’n’étos qu’eune moqueux d’gins, étint donné qu’eul plupart étotent issus d’nos bielles contrées. Quind ches premiers plateaux comminchèrent à arriver, j’eum mis in posichion car i y avot eune photo qu’je n’voulos pon louper. Je l’avos chi chouvint appelé l’autre pays du fromache, dins mes artiques, qu’un cliché d’François Hollande d’vint ches sinteurs d’nos régions m’simblot à propos. Après tout, j’avos bin l’drot d’eum faire plaiji, in n’allot pon m’in faire tout un fromache…

Juss’ après, min Nicolas i proposa d’attinde avint ch’dessert, ch’timps qu’eul couche alle ch’tasse pour faire d’eul plache ! Cha n’m’avot pon choqué. Même chi j’avos d’vint mi eune bielle binde d’gins à ches dints longues. Quind cheules d’euch fond alles baign’tent, même chi ch’est dins eune grinte année, i faut éviter tout risque d’débordemint ! Ch’étot approuvé par l’majorité d’ches invités d’ailleurs. I y aurot eu d’quoi mette in rache ch’grind z’ojieau chu sin perchoir, dins ch’t’hémicycle, mais com’ i n’étot pon lal, chertain’mint in train d’casser eune graine ailleurs, i n’aura pon ch’te canche d’vir ch’vote à l’unanimité, tous partis confondus ! Ch’est vrai qu’i restot eune heure avint ches douse cops d’minuit, mais quo qu’i allot bin proposer ? Asteur, i n’minquerot pus qu’cha qu’Carla alle nous sorte ch’guitare et qu’in arprenne in chœur des cants d’Noël ! J’dis cha pach’que j’vénos d’la vir quitter l’pièche quéques minutes avint. Infin, chi in cante Petit Papa Noël, j’pourros leu proposer eune verchion à m’mote : « Petit Papa Nico quind t’ardéchindras chu tierre, aveuc tes réformes à gogo, n’oublie pas qu’in pay’te d’jà trop d’impôts. Avint d’in r’mette eune couche, même chi te n’prinds pon eune louche, in n’a d’jà pus aucune pépettes, ch’est pour cha qu’in est mau dins nos baskets… »

J’étos rassurée in la voyint arvenir ches mains vides. Alle avot dû aller faire eune vidinche com’ tout à chacun. Ch’est vrai qu’j’auros pu dir’te qu’alle che s’ra arpoudrée ch’nez, mais dins ches milieux aisés et churtout chi pipole, i y a des miots qu’i vaut miux éviter, même chi ch’est juss’ in pinsée ! Bref, com’ i l’disot Claude François : « Quind cha rinte, i faut qu’cha r’sorte… » Contrair’mint à l’argint qui a tindinche à ch’in aller gramint pus vit’ qu’i n’arvient. Chela dit, i y in avot qui rintrotent gramint et qui n’avotent pon quitté l’tape d’pis ch’début. In pus d’ches quéques éléphints déclarés qu’in treuvot dins ch’t’assimblée, i y avot chertains chameaux, donc, qui f’sotent leux réserves ! Forchémint mes pinsées allotent pus in direction d’Jean-Louis qui ch’apprêtot à faire eune traverchée d’euch désert d’pis qu’i a été exclu d’euch gouvernemint. Alors, quo qu’in allot faire ? Cha m’étonnerot qu’in jue au Monopoly. J’in vos bin quéque-uns pacher par l’case prison, mais in sait tertous qu’in monopolitique, alle est churtout fictive ! Eune partie d’Docteur Maboul, cha pourrot l’faire, mais chertains aurotent eu du mau à viser chins déclincher l’alarme. Et pourtint, cha auchi, cha fait eune bielle métaphore ! A forche d’nous in d’minder toudis pus, in va finir par d’voir y laisser un oche ou un organe pour pouvoir payer l’addichion ! Eune batalle navale géinte, in allot chertain’mint éviter. In avot arsorti ch’t’affaire Karachi i y a bin trop peu d’timps. Forchémint, un jeu i simblot s’imposer d’li même, un poker ! Aveuc toute ch’te binde d’bluffeurs et d’minteux, i y avot d’quo faire l’partie d’euch siècle ! In avot même treuvé ch’binque qui n’étot pon prête d’faire banqueroute, mémé Liliane !

In attindint, j’étos in train d’eum faire tout un film, car ch’étot bin pus simpe qu’cha ! Min Nicolas i proposa tout biêtemint d’pacher in mote discothèque. J’auros dû m’in douter ! Après avoir pris chinq fruits et légumes. Infin, essintiellemint du jus d’rojin amélioré et des légumes in guisse d’déco dins ches achiettes. Justemint, raison d’pus pour bouger, com’ alle dit ch’pub ! Che soir, chez min Nicolas, ch’est soirée disco ! Cha n’étot pon l’peine d’sortir eune boule à fachettes, car aveuc toute ch’te bijouterie affichée par chertaines, cha brillot d’jà d’partout ! J’allos m’régaler car in comminchot fort, mais i n’y avot rin d’tel pour mette l’imbianche Villache Pipole ! Pon In the navy, toudis pour éviter d’armuer ch’couteau dins ch’plaie aveuc Karachi, mais YMCA, com’ i ch’dot. D’autint qu’in aurot fachil’mint pu faire ch’groupe che soir. Min Nicolas in cow-boy, cha li allot bin. Brice in polichier, cha m’paraissot évidint. Jean-Louis in homme d’chintier, aveuc sin projet d’baraques à 100.000 euros. In pus, cha déchind chec chu les chintiers, ch’est bin connu. Bertrand in Indien, aveuc ches plumes que Titine alle proposot. (cf : capite un, dernier paragraphe.) J’hésitos cor’ gramint chu qui f’rot ch’motard et che chips, mais cha che s’rot affiné in ravisint tout ch’bieau monte…

Ah zut ! J’ai eu ch’timps d’faire quéques clichés, mais pon d’réfléchir à l’fin d’euch groupe ! Lal, in n’est pon vraimint disco, plutôt slow. Infin, toutefos, ch’étot fort à propos d’avoir chosi eune canchon d’Dalida. Ah ouais ! Cha allot bin à tertous : « Incor’ des miots, toudis des miots, ches mêmes miots. Rin que des miots. Des miots fachiles, des miots tactiques qui sonn’tent faux… Ouais tellemint faux… » D’ailleurs, j’devros p’t-ête suggérer à min Nicolas d’inchaîner chu un karaoké. Cha l’fait pour mette l’imbianche ! J’pourros li donner un cop d’main, ch’i voulot. Tiens, par eximpe, Titine et Ségolène : « Nous sommes deux sœurs jumelles, nées chous le signe des chameaux. Mi fa sol la mi ré, ré mi fa sol sol sol ré do. Préférint ches épines à la rosse qu’in défind bin haut. Mi fa sol la mi ré, ré mi fa sol sol sol ré do. » Chela dit, Ségolène alle pourrot tout auchi bin faire un duo aveuc François Bayrou. Bah ouais, eune arprisse de La drague ! Asteur, cha pourrot ête Rama Yade qui li proposse d’eul faire auchi, chi alle veut récupérer sin électorat. François, courtisé par ches deux créatures i pourrot ch’prinde pour Serge Lama : « Oh dites-me pourquo aveuc ch’te guiffe que j’ai, ches femmes me treuv’tent bieau. J’ai l’air bin maladrot et j’ai ch’guiffe de l’imploe, j’eun sus pon un cadieau. Mais d’pis que j’sus orinche, alles me prenn’tent pour un inche. Alles m’bross’tent dins ch’sins du poil, ch’est vraimint pon banal. Dites pourquo je pass’te auprès d’ches femmes pour Superman ? »

Bin intindu, in pourrot in faire pacher d’autes. Brice pourrot nous faire eune « tactique du gindarme » pus vrai qu’nature. Rachida, grinte spéchialiste d’euch coupe présidinchiel alle pourrot nous faire un « Tout, tout, tout, te sauras tout chu Sarkozy… » Fillon aveuc ches zis d’quien battu nous arprindrot « J’sus un mau aimé. Je sus che mau aimé. » Jean-Louis, forchémint, i n’louperot pon : « Viens boir’te un tiot cop à la mason… » Benoît et Manuel, ches deux bieaux gosses is pourrotent l’faire : « Qu’est-che que te fais pour 2012 ? Mi, je li piqu’ros bin cha plache. In n’est vraimint pon tellemint à l’avinche, pour nous auchi faire des promèches. » Bertrand incollape dins ch’répertoire à Joe Dassin arprindrot : « A Paris in Vélib, in dépass’te ches autos. A Vélib dins Paris, in dépass’te ches taxis. » Même mémé Liliane alle pourrot l’faire fachon bêtisses, pach’que même Sabine Paturel alle le vaut bin : « J’ai bin compté ches liasses d’chints. J’leu ai même mis un bieau rubin. Pis, j’ai glissé le tout dedins, avint d’coller le rabattint… Te peux bin vénir le vir, i est bieau che résultat. Je fais rin que des inveloppes, des inveloppes, j’in ai un tas. »

Pis, j’ai même un bouquet final aveuc toute ch’te binde au grind complet. J’vos bin eune arprisse d’ches Poppys car chacun i pourra la prinde pour sin prope compte ou ch’compte d’quéqu’un d’aute. Eune canchon univerchelle in quelque sorte : « Nin, nin, rin a cangé. Tout, tout a continué. Nin, nin, rin a cangé. Tout, tout a continué, hé, hé ! » Aveuc tout cha, j’in oublios prech’que pourquo j’étos lal. Cor’ quéques clics par ichi, quéques autes par là. Ch’t’heure alle tournot et alors qu’is étotent tertous in train d’faire eune dinche d’euch balai d’infer, j’vis qu’min Nicolas i sortit discrètemint d’eul pièche. Tiens, cha auchi, tout un symbole ! Eune dinche d’euch balai car is aurotent tertous pu balayer d’vint leu porte avint de ch’invoyer des tiotes phrasses ches uns et ches autes. Mais d’un seu cop nous v’là dins ch’noir’te l’pus complet. Infin, i restot juss’ l’guirlinde clignotinte d’euch sapin qui donnot des couleurs à tertous par intermittinche. Pis, ch’est l’musique qui ch’arrêta et in intindit eune porte ch’ouvrir brutal’mint. Lal, deux extras arrivotent aveuc des bougies alleumées. Zut ! J’pinsos chu ch’cop, min Nicolas i a oublié d’payer ch’facture EDF. Mais nin, cha n’étot pon pochipe, ch’sapin i étot alleumé ! Cor’ deux autes extras passotent l’porte, parel…

Tertous artenot sin souffle. In aurot pu intinde eune mouque volée chi in n’avot pon été in plein hiver aveuc d’eul neiche partout déhors. Rompint che silinche, d’un cop, in intindit un : « Oh, oh, oh ! » Chi te t’intindos à vir arriver ch’géint vert, t’in étos pour tin garde ! Ch’étot plutôt un nain rouche qui v’not d’pacher ch’porte, traînint derrière li un énorme sac que j’supposos auchitôt rimpli d’cadieaux. Hé ouais ! Ch’étot min Nicolas in perchonne, ch’tiot bonhomme in rouche, déguisé in Père Noël. Et quelle intrée ! Quelle synchronisachion ! Ches douse cops d’minuit étotent in train d’artintir à l’grinde horloche. J’comprenos miux ches quate extras d’vint li. Ch’étot pour symboliser ches rennes, pach’qu’un traîneau chu ch’parquet, cha n’l’aurot pon fait. Pis, i y avot suffisammint d’dints longues ichi, pour l’rayer chins cor’ aller in rajuter ! A moins qu’ches extras aveuc ches bougies is soie’tent juss’ lal pour qu’i voe d’ù qu’i d’vot mette ches pids ! I continua à avincher et lal, churprisse ! Quate autes extras is fermotent l’marche. Vingt dius ! Même pour juer ch’Père Noël, min Nicolas i avot b’soin d’euch croir’te dins un cortèche offichiel !  Pis, à agiter ch’main com’ cha, i a dû prinde un cours particulier auprès d’Elisabeth II !

Epilogue

(Cha n’est pon l’tout, mais l’bûche alle attind !)

Che soir d’euch 24 décimbe, i régnot eune paix royale. Infin présidinchielle, cha pourrot prêter à eune doube confusion. Tous ches différints, tous ches sales cops is étotent restés à l’porte d’euch palais. Chacun i eut l’drot à sin paquet. Quo qu’i y avot d’dins ? Cha restera à chacun d’eul découvrir. Eune bielle promèche ? In sait qui fait ch’Père Noël… Un rêfe checret ? Pour gramint, in peut fachilemint deviner d’quo i s’agit. Un désir d’avenir pour chertains. Eune continuité dins l’cangemint pour d’autes. Quo que j’sais cor’ ! Ch’est cha l’magie d’Noël. Pindint eune périote, in a l’impréchion qu’tout i d’vient pochipe. Mais chut ! Chacun i a promis d’déballer sin cadieau eune fos qu’i s’ra seu chez li. Ch’qu’i y a d’dins cha ne s’ra visipe que par li et cha n’ravise que li ! Asteur ches convifes is ch’étotent bin sach’mint rassis à tape. Hé ouais ! I étot grind timps d’pacher à l’bûche !

I est grind timps pour mi d’eut souhaiter un Joyeux Noël ! J’espèr’te que ma tiote escapade d’eul s’maine alle t’aura plu. Je n’avos pon invie d’vir ches actus, i s’ra grind timps d’y arvenir après. Cor’ Joyeux Noël à tertous et plein d’gros bisous !

Salut mes gens ! C’est le moment, c’est l’instant, on arrive à la dernière ligne droite. Enfin, si j’en crois la radio, si tu as de la route à faire, il faudra faire très attention que la ligne reste droite, parce que ça glisse à beaucoup d’endroits ! Que tu sois en auto ou à pieds d’ailleurs ! Ce n’est pas le moment de trébucher avant la bûche, ni après ! Alors, si tu vas dans ta famille ou chez des amis, prends ton sac de couchage avec, c’est plus prudent. Puis, comme cela, tu seras sur place pour t’en remettre une couche. Les restes, ce n’est pas mauvais ! Quant à l’autre partie qui est en train de s’affairer aux fourneaux, et bien, ça commence à sentir bon ! Bouge pas, on arrive ! Tu n’as pas prévu assez ? Ce n’est rien, c’était pour rire ! Pas d’inquiétude, il est temps de retourner voir comment cela se passe chez nos amis…

Chapitre trois

(Elémentaire mon cher lecteur !)

 Elémentaire et alimentaire aussi, car il ne faut pas s’appeler Sherlock Holmes pour s’apercevoir que la plus grande partie d’un réveillon consiste à s’en mettre plein la lampe. Pour certains, on en est même resté à la lampe à pétrole car ils font bien plus souvent le plein de liquide que d’autres ! Enfin, comme mon Nicolas avait rassuré tout le monde en disant que l’on aurait pu dormir sur place, il n’y avait pas de raison pour ne pas profiter de ces bons nectars qui défilaient au rythme des plats. Les extras étaient en train de faire une distribution de petits pains qui me disait qu’on allait certainement passer au fromage. Cela devient rare dans les grands repas, mais c’est dans la grande tradition française. Il faut dire que l’on n’en manque pas non plus ! J’étais en train de me dire que cela devait être pour certains le seul moment où ils étaient en contact avec les bonnes odeurs de la campagne, mais c’était parce que je n’étais qu’une moqueuse, étant donné que la plupart étaient issus de nos belles contrées. Quand les premiers plateaux commencèrent à arriver, je me mis en position car il y avait une photo que je ne voulais pas louper. Je l’avais si souvent appelé l’autre pays du fromage, dans mes articles, qu’un cliché de François Hollande devant ces senteurs de nos régions me semblait à propos. Après tout, j’avais bien le droit de me faire plaisir, on n’allait pas m’en faire tout un fromage…

Juste après, mon Nicolas proposa d’attendre avant le dessert, le temps que la couche se tasse pour faire de la place ! Ce ne m’avait pas choqué. Même si j’avais devant moi une belle bande de gens aux dents longues. Quand celles du fond baignent, même si c’est dans une grande année, il faut éviter tout risque de débordement ! C’était approuvé par la majorité des invités d’ailleurs. Il y aurait eu de quoi mettre en rage le grand oiseau sur son perchoir, dans l’hémicycle, mais comme il n’était pas là, certainement en train de casser une graine ailleurs, il n’aura pas cette chance de voir ce vote à l’unanimité, tous partis confondus ! C’est vrai qu’il restait une heure avant les douze coups de minuit, mais qu’allait-il bien proposer ? A présent, il ne manquerait plus que ça que Carla nous sorte sa guitare et que l’on reprenne en chœur des chants de Noël ! Je dis cela parce que je venais de la voir quitter la pièce quelques minutes avant. Enfin, si on chante Petit Papa Noël, je pourrais leur proposer une version à ma mode : « Petit Papa Nico quand tu r’descendras sur terre, avec tes réformes à gogo, n’oublie pas qu’on paye d’jà trop d’impôts. Avant d’en r’mettre une couche, même si tu n’prends pas une louche, on n’a d’jà plus aucune pépettes, c’est pour ça qu’on est mal dans nos baskets… »

J’étais rassurée en la voyant revenir les mains vides. Elle avait dû aller faire une vidange comme tout à chacun. C’est vrai que j’aurais pu dire qu’elle se sera repoudrée le nez, mais dans ces milieux aisés et surtout si people, il y a des mots qu’il vaut mieux éviter, même si c’est juste en pensée ! Bref, comme le disait Claude François : « Quand ça rentre, il faut que ça r’sorte… » Contrairement à l’argent qui a tendance à s’en aller bien plus vite qu’il ne revient. Cela dit, il y en avait qui rentraient beaucoup et qui n’avaient pas quitté la table depuis le début. En plus des quelques éléphants déclarés que l’on trouvait dans l’assemblée, il y avait certains chameaux, donc, qui faisaient leurs réserves ! Forcément mes pensées allaient plus en direction de Jean-Louis qui s’apprêtait à faire une traversée du désert depuis qu’il a été exclu du gouvernement. Alors, qu’allait-on faire ? Cela m’étonnerait que l’on joue au Monopoly. J’en vois bien quelque-uns passer par la case prison, mais on sait tous qu’en monopolitique, elle est surtout fictive ! Une partie de Docteur Maboul, ça pourrait le faire, mais certains auraient eu du mal à viser sans déclencher l’alarme. Et pourtant, ça aussi, cela fait une belle métaphore ! A force de nous en demander toujours plus, on va finir par devoir y laisser un os ou un organe pour pouvoir payer l’addition ! Une bataille navale géante, on allait certainement éviter. On avait ressorti l’affaire Karachi il y a bien trop peu de temps. Forcément, un jeu semblait s’imposer de lui même, un poker ! Avec toute cette bande de bluffeurs et de menteurs, il y avait de quoi faire la partie du siècle ! On avait même trouvé la banque qui n’était pas prête de faire banqueroute, mémé Liliane !

En attendant, j’étais en train de me faire tout un film, car c’était bien plus simple que ça ! Mon Nicolas proposa tout bêtement de passer en mode discothèque. J’aurais dû m’en douter ! Après avoir pris cinq fruits et légumes. Enfin, essentiellement du jus de raisin amélioré et des légumes en guise de déco dans les assiettes. Justement, raison de plus pour bouger, comme dit la pub ! Ce soir, chez mon Nicolas, c’est soirée disco ! Ce n’était pas la peine de sortir une boule à facettes, car avec toute cette bijouterie affichée par certaines, ça brillait déjà de partout ! J’allais me régaler car on commençait fort, mais il n’y avait rien de tel pour mettre l’ambiance Village People ! Pas In the navy, toujours pour éviter de remuer le couteau dans la plaie avec Karachi, mais YMCA, comme il se doit. D’autant que l’on aurait facilement pu faire le groupe ce soir. Mon Nicolas en cow-boy, ça lui allait bien. Brice en policier, ça me paraissait évident. Jean-Louis en homme de chantier, avec son projet de baraques à 100.000 euros. En plus, ça descend sec sur les chantiers, c’est bien connu. Bertrand en Indien, avec les plumes que Titine proposait. (cf : chapite un, dernier paragraphe.) J’hésitais encore beaucoup sur qui ferait le motard et le chips, mais ce se serait affiné en regardant tout ce beau monde…

Ah zut ! J’ai eu le temps de faire quelques clichés, mais pas de réfléchir à la fin du groupe ! Là, on n’est pas vraiment disco, plutôt slow. Enfin, toutefois, c’était fort à propos d’avoir choisi une chanson de Dalida. Ah oui ! Cela allait bien à tous : « Encore des mots, toujours des mots, les mêmes mots. Rien que des mots. Des mots faciles, des mots tactiques qui sonnent faux… Oui tellement faux… » D’ailleurs, je devrais peut-être suggérer à mon Nicolas d’enchaîner sur un karaoké. Ca le fait pour mettre l’ambiance ! Je pourrais lui donner un coup de main, s’il voulait. Tiens, par exemple, Titine et Ségolène : « Nous sommes deux sœurs jumelles, nées sous le signe des chameaux. Mi fa sol la mi ré, ré mi fa sol sol sol ré do. Préférant les épines à la rose qu’on défend bien haut. Mi fa sol la mi ré, ré mi fa sol sol sol ré do. » Cela dit, Ségolène pourrait tout aussi bien faire un duo avec François Bayrou. Bah oui, une reprise de La drague ! A présent, ce pourrait être Rama Yade qui lui propose de le faire aussi, si elle veut récupérer son électorat. François, courtisé par ces deux créatures pourrait se prendre pour Serge Lama : « Oh dites-moi pourquoi avec la gueule que j’ai, les femmes me trouvent beau. J’ai l’air bien maladroit et j’ai la gueule de l’emploie, j’ne suis pas un cadeau. Mais d’puis qu’je suis orange, elles me prennent pour un ange. Elles m’brossent dans l’sens du poil, c’est vraiment pas banal. Dites pourquoi je passe auprès d’ces femmes pour Superman ? »

Bien entendu, on pourrait en faire passer d’autres. Brice pourrait nous faire une « tactique du gendarme » plus vrai que nature. Rachida, grande spécialiste du couple présidentiel pourrait nous faire un « Tout, tout, tout, tu sauras tout sur Sarkozy… » Fillon avec ses yeux de chien battu nous reprendrait « Je suis un mal aimé. Je suis le mal aimé. » Jean-Louis, forcément, ne louperait pas : « Viens boire un p’tit coup à la maison… » Benoît et Manuel, les deux beaux gosses pourraient la faire : « Qu’est-ce que tu fais pour 2012 ? Moi, je lui piqu’rais bien sa place. On n’est vraiment pas tellement à l’avance, pour nous aussi faire des promesses. » Bertrand incollable dans le répertoire de Joe Dassin reprendrait : « A Paris en Vélib, on dépasse les autos. A Vélib dans Paris, on dépasse les taxis. » Même mémé Liliane pourrait la faire façon bêtises, parce que même Sabine Paturel le vaut bien : « J’ai bien compté les liasses d’cents. J’leur ai même mis un beau ruban. Puis, j’ai glissé le tout dedans, avant d’coller le rabattant… Tu peux bien venir le voir, il est beau le résultat. Je fais rien que des enveloppes, des enveloppes, j’en ai un tas. »

Puis, j’ai même un bouquet final avec toute cette bande au grand complet. Je vois bien une reprise des Poppys car chacun pourra la prendre pour son propre compte ou le compte de quelqu’un d’autre. Une chanson universelle en quelque sorte : « Non, non, rien a changé. Tout, tout a continué. Non, non, rien a changé. Tout, tout a continué, hé, hé ! » Avec tout cela, j’en oubliais presque pourquoi j’étais là. Encore quelques clics par ici, quelques autres par là. L’heure tournait et alors qu’ils étaient tous en train de faire une danse du balai d’enfer, je vis que mon Nicolas sortit discrètement de la pièce. Tiens, ça aussi, tout un symbole ! Une danse du balai car ils auraient tous pu balayer devant leur porte avant de s’envoyer des petites phrases les uns et les autres. Mais d’un seul coup nous voilà dans le noir le plus complet. Enfin, il restait juste la guirlande clignotante du sapin qui donnait des couleurs à tous par intermittente. Puis, c’est la musique qui s’arrêta et on entendit une porte s’ouvrir brutalement. Là, deux extras arrivaient avec des bougies allumées. Zut ! Je pensais sur le coup, mon Nicolas a oublié de payer sa facture EDF. Mais non, ce n’était pas possible, le sapin était allumé ! Encore deux autres extras passaient la porte, pareil…

Tout le monde retenait son souffle. On aurait pu entendre une mouche volée si l’on n’avait pas été en plein hiver avec de la neige partout dehors. Rompant le silence, d’un coup, en entendit un : « Oh, oh, oh ! » Si tu t’entendais à voir arriver le géant vert, tu en étais pour ton grade ! C’était plutôt un nain rouge qui venait de passer la porte, traînant derrière lui un énorme sac que je supposais aussitôt rempli de cadeaux. Hé oui ! C’était mon Nicolas en personne, ce petit bonhomme en rouge, déguisé en Père Noël. Et quelle entrée ! Quelle synchronisation ! Les douze coups de minuit étaient en train de retentir à la grande horloge. Je comprenais mieux les quatre extras devant lui. C’était pour symboliser les rennes, parce qu’un traîneau sur le parquet, ça ne l’aurait pas fait. Puis, il y avait suffisamment de dents longues ici, pour le rayer sans encore aller en rajouter ! A moins que les extras avec les bougies soient juste là pour qu’il voie où il devait mettre ses pieds ! Il continua à avancer et là, surprise ! Quatre autres extras fermaient la marche. Bon sang ! Même pour jouer le Père Noël, mon Nicolas avait besoin de se croire dans un cortège officiel !  Puis, à agiter sa main comme ça, il a dû prendre un cours particulier auprès d’Elisabeth II !

Epilogue

(Ce n’est pas le tout, mais la bûche attend !)

Le soir du 24 décembre, il régnait une paix royale. Enfin présidentielle, cela pourrait prêter à une double confusion. Tous les différents, tous les sales coups étaient restés à la porte du palais. Chacun eut le droit à son paquet. Qu’y avait-il dedans ? Cela restera à chacun de le découvrir. Une belle promesse ? On sait qui fait le Père Noël… Un rêve secret ? Pour beaucoup, on peut facilement deviner de quoi il s’agit. Un désir d’avenir pour certains. Une continuité dans le changement pour d’autres. Que sais-je encore ! C’est ça la magie de Noël. Pendant une période, on a l’impression que tout devient possible. Mais chut ! Chacun a promis de déballer son cadeau une fois qu’il sera seul chez lui. Ce qu’il y a dedans ne sera visible que par lui et cela ne regarde que lui ! A Présent, les convives s’étaient bien sagement rassis à table. Hé oui ! Il était grand temps de passer à la bûche !

Il est grand temps pour moi de te souhaiter un Joyeux Noël ! J’espère que ma petite escapade de la semaine t’aura plu. Je n’avais pas envie de voir les actus, il sera grand temps d’y revenir après. Encore Joyeux Noël à tous et plein de gros bisous !