Chalut mes gins ! Cha, ch’est eune bionne question, te n’peux pon m’dir’te l’contraire. Alors, te dos bin t’douter
qu’in n’va pon parler de ch’fruit chec même chi l’saison alle est lal. Nin, in va parler d’el grinte réserfe d’noziettes nachionale et d’euch panier qui a des trous d’dins, pisqu’in in a perdu
gramint !
D’abord, i fot qu’in mette ches cosses au point. Pach’que, je n’sais pon pou ti, mais quind in t’parl’te de chisse-chints millions d’euros, mi, mais p’t’ête que j’sus babache, j’écris cha aveuc
un chisse et huit zéros après. Ti, chi in t’a appris com’ mi, te dos artreuver l’même. Eh bin, mes gins, cheule réserfe nachionale alle n’a pon appris com’ nou’z’aute ! Nin, quind eux is
l’écriv’tent, cha donn’te un chisse, pis un neuf, pis un chinq et inchuite chisse zéros !
Alors, je
n’sais pon pou ti, cor’ eune fos, mais, mi, quind j’acate un truc à chisse chints euros, ch’est nin l’même cosse que lorch’que j’acate à chisse chint quate-vingt-quinsse euros ! Ouais, j’ai
fait eune conversion in euros pach’que ches millions, cha m’donn’te l’tournis. Pis, in n’a pon l’habitute d’avoir des sommes parèles intre ches mains. D’jà qu’in comminche à avoir du mau à avoir
chisse chints euros ! Mais in garde quind même ch’même echprit.
Alors, com’ in n’peut pon dir’te qu’cha sot drôl’te pach’qu’in est nombreux à avoir not’ stock d’noziettes là-bas, in peut vraiment se d’minder où sont pachées ches
noziettes ? Même chi l’sujet i étot grafe, i fot qu’in s’détinte aveuc eune canchon. Cha no armontra ch’moral ! J’n’sais pon pouquo, mais cha m’a fait pinser à l’bohème. In a rin, mais
in est contint quind même. Alors, cha n’est pon à cheule d’Charles à laquelle j’ai pinsé, mais à cheule d’Julio ! Ch’est ainchi que j’t’ai, mes gins, concocté eune tiote parodie d’el
chanson : « Où est passée ma Bohème », qui pou ches b’soins est dev’nue : « Où sont pachées ches noziettes. » In cadieau, te vas artreuver ind’sous l’chanson
originale pou t’intraîner avint d’pouvoir faire un karaoké aveuc m’verchion !
Ches timps sont dur’tes, vraimint très rutes
Et ch’est eune crisse dins not’ porte-monnaie
Cha in perturb’te nos habitutes
Ches poques sont vid’tes et no in
braie
Où sont pachées ches
noziettes
Où sont pachés tous ches chous
Ches bielles liaches de pépettes
Et l’sintiment d’ches billets doux
Ches souvenirs i
m’arvienn’tent
Quind j’n’étos pon démuni
Par ches traders avint qu’is vol’tent
Toutes mes noziettes à
mi
Toutes mes noziettes à mi
In no rassur’te, in no
stimul’te
A cop d’milliards qu’in donn’te aux binques
Où sont pachées ches
noziettes
Où sont pachés tous ches chous
Ches bielles liaches de pépettes
Et l’sintiment d’ches billets doux
Ches souvenirs i
m’arvienn’tent
Quind j’n’étos pon démuni
Par ches traders avint qu’is vol’tent
Toutes mes noziettes à mi
Toutes mes noziettes à mi
Ecrire un commentaire - Voir les 4 commentaires
Derniers Commentaires