Chalut mes gins ! J’espèr’te que t’as paché un bion ouiquend ? Chi t’étos chu Lille, t’es p’t-ête allé vir min Dany qui v’not présinter sin nouvieau film in avint-première. I y a eu auchi gramint d’monte dins ches magasins et dins ch’cintre-ville. Aveuc eune timpérature prech’que printanière, i f’sot bion mette sin nez déhors et flâner dins ches rues pour faire du lèque-vitrines. Infin, asteur, ch’est ch’grinte dégringolate ! Quinse degrés d’écart in eune nuit, ch’est qui qui a laiché l’porte d’sin congélateur ouverte ? A moins qu’ch’sot pour congeler toutes ches bionnes affaires qu’te pouvos faire, in bouffe, dins ches magasins, car chi te ravises ches étiquettes, à moins d’faire Noël tout d’chuite, pratiqu’mint tout i va ête périmé avint. L’neiche alle est annonchée partout ! Chi, chi, in l’sait d’jà ! In pourra pon dir’te qu’in n’nous a pon prévenus, mais in n’a pon à ch’in faire. Min Nicolas et sin équipe is vontent oeuvrer pour qu’cha sot pon un grind bazar com’ à Paris, mercredi dernier. Heureuss’mint qu’cha n’est pon Roselyne qui in est chargée car j’eun sais pon chi toute l’production d’parapluies d’euch monte intier alle aurot suffit. In attindint, j’eun sais vraimint pon commint in va impêquer ch’te neiche d’querre, cha s’ra l’churprisse… Toudis i est qu’pus question d’léquer ches vitrines, t’lingue alle va rester coller à ch’carrieau !

In parlint d’lingue, i y in a eune qui aurot miux fait d’euch taire ou d’la tourner chept fos dins ch’bouque avint d’parler, c’est Marine Le Pen ! In même timps, quind in ch’appell’te Le Pen, in dot avoir du mau à la fermer. Ouais, cha fait serrurier com’ blaque, j’eul sais. Bref. Fort d’ches 27% d’bionnes attinchions, dins ch’dernier sondache Ipsos, la v’là qui vient d’faire un dérapache incontrôlé. Quo qu’te veux ! I d’vot rester eune plaque d’verglas résiduelle ! Infin, un dérapache incontrôlé d’eul part d’un politique, j’y cros qu’à mitan. Je s’ros pus à évoquer un bion cop d’buzz et cha marche, in a parlé que d’cha ! Dins ch’t’histoire, i y a quind même qué cosse qui m’fait sourir’te. Pon dins ches propos, mais dins ches réactions d’ches politiques. Is vienn’tent tertous de ch’aperchevoir que Marine alle fait du Jean-Marie ! In v’là eune nouvielle étonninte ! Ch’est incroyape com’ leu sins d’l’observachion i est développé ! Infin, j’diros plutôt qu’cha fait frod dins ch’dios ! Heureuss’mint quind même qu’in nous l’dit, in aurot pu ch’laicher avoir ! Ches quiens is n’fontent pon des cats, mais i simbl’te qu’in étot ches seux à l’savoir…

Qu’cha sot à gauche com’ à drote, tertous i a été indigné. Marine alle a même déclinché un ochéin d’indignachions. Après l’serrurerie, v’là eune blaque maritime. Bion, in fait ch’qu’in peut pour détinde eune atmosphère pesinte ! Dins ches indignés, j’ai eune minchion spéchiale à accorder à dame Ségolène. Pon chu sin indignation mais chu eune phrasse qui ch’résum’te à dir’te que Marine Le Pen alle querche juss’ ch’provoc pour ête à ch’cintre d’l’actualité. Ouais, ouais… Chu ch’cop-lal, t’auros auchi miux fait d’eut taire ! J’sais bin qu’ches brunes alles n’comptent pon pour des prunes, mais d’pis quéques jours, in a gramint l’impréchion qu’ch’est quo qu’te fais auchi ! Qu’cha sot ch’te d’minde d’pardon pour ch’te météo ou ch’te pieau d’banane qu’te viens d’glicher chous ches s’melles à Titine in espérint, p’t-ête, qu’in va croir’te auchi à une plaque d’verglas résiduelle. Bref, in arviendra chertain’mint lad’chus quind Titine alle sortira d’sin hibernachion. In attintint, chins arvenir chu ches propos exacts, i faut bin les comminter d’eune chertaine manière. In pourrot l’faire fachon vielle série. Te vas arconnaîte…

Un soir, alors qu’alle ch’assoupit au volant d’euch carette françaisse, Marine Le Pen, file d’sin père, imprunte eune rue qu’alle n’aurot jamais dû prinde et qui n’ch’avèrera pon com’ un raccourchi. Alle rev’not d’avoir prêché ch’bionne parole et cha l’épuisot toudis car ch’étot com’ chi alle f’sot plein d’exorcismes in même timps, chaque fos. Tous ches diapes à rinvoyer dins un aute monte, toutes ches âmes qu’i fallot chins arrêt armette chu ch’drot quemin, cha li bouffot toute sin énergie. Sin Tom-Tom i v’not d’li dir’te qu’alle d’vot tourner, qu’i y avot un virache serré à l’extrême drote, mais alle étot à motié dins ch’coaltar, com’ ch’t’histoire alle le dit juss’ aud’chus, alle a continué ch’route tout drot. Chins même vir qu’alle avot frinchi ch’fu tricolore qui v’not d’la prinde in photo souvenir. Ch’est ch’t’éclair qui li fit ouvrir ches zis et piler net. Lal, dins l’leumière d’ches phares, alle est témoin d’un drôl’te d’attroup’mint. D’pis ch’te nuit-lal, alle n’a d’cesse d’convaincre ches simblapes qu’ches invahisseurs infiltrent insidieusemint l’France, afin d’la coloniser…

« Mais j’les ai vus ! » déclamot-alle chins cesse. « D’pis que j’sus toute tiote, min père i m’dit qu’i in a vu auchi. Cor’ que j’l’ai cru qu’à motié, i les a vus qu’d’un oeul, li ! Ch’étot ch’côté pratique quind j’étos gamine. J’eum mettos d’euch bion côté et j’pouvos faire des bêtisses, i n’eum voyot pon. Infin, bref. Mi, pon d’doute, ches deux zis is étotent ouverts ! Is vénotent tertous d’atterrir in tapis volints, j’in sus sûr’te ! Tertous ringés dins ch’même sins, com’ des carettes dins eune rue à sins unique. Chertain’mint pour pacher inaperchus ! Mais mi, j’eun sus pon dupe ! J’ai bin vu qu’i ch’pachot qué cosse d’pon très catholique ! In aurot été chu eune plache, j’auros pu pinser à un troupeau d’autruches qui mettotent leux tiêtes dins ch’sape. Mais lal, chu ch’bitume ! In n’va pon m’faire croir’te qu’ch’est pour acouter ches carettes arriver. D’toute fachon, alles n’pourrotent pon pacher, is sontent tertous in plein milieu d’eul rue ! »

N’acoutint qu’sin courache, Marion Anne Perrine Le Pen, qui avot d’jà pris un raccourchi pour sin prénom bin avint d’ch’ête gourée d’rue, in évitint ch’prémon du mitan pour éviter ches quolibets qui ne s’rotent pon à sin avintache et querre chu ch’qu’alle prenot pour des invahisseurs, alle rintre in crosate. Alle ch’présinte alors com’ eune Jeanne D’Arc d’ches timps modern’tes n’hésitint pon à braver, chaque jour durint, ch’te menache qui ch’est abattue chu l’France. Alle a rapid’mint un fan-club d’27% d’âmes qui n’a chertain’mint pon bin compris qu’alle n’propos’te rin d’bin différint d’eune « solution finale » surfint chu l’peur d’l’inconnu. Tindis qu’ches détracteurs is n’hésitotent pon à li crier : Cha pue celle qui vient d’Hénin-Beaumont ! Alle, imperturbape, alle n’a qu’eune prière quelle que sot l’heure : « J’ai intindu l’vox d’min maître, Jean-Marie ! I va prinde sin artraite dins qué mos et ch’est à mi d’rinchérir chu sin idole. Orléans, ch’est cor’ bin trop près, j’vais les arconduire bin au-d’là d’Roubaix ou Marseille, mi ! » Pour cha, alle est même prête à faire des conchessions…

N’hésitint pon à prinde eximpe chu un grind philosophe belgo-américain, alle est devenue aware. Alle attirot à alle ches brebis bin égarées qu’sin père i avot diabolisées d’pis longtimps, pinsint alors qu’alle allot augminter ches troupes. « Ti qui est gay, attinchion ! Ches invahisseurs is vontent ch’in prinde à ti ! Pourquo qu’te pinses qu’is ch’mettent com’ cha, ches fesses in l’air à ch’bieau mitan d’ches rues ?  Ch’est pour essayer d’t’attraper chi te succombes à l’tintachion ! Et après, McDo Quick couic ! Te finis in boulettes dins du coucous ! » Ch’est ch’première étape d’euch nouvielle crosate, alle a toute eune liste qui continue par ches femmes : « Ti qui est eune femme, attinchion ! Ches invahisseurs is vontent ch’in prinde à ti ! Pourquo qu’te pinses qu’i n’y a qu’des hommes chu ches tapis ? Ch’est pach’que ches femmes alles n’ontent pon l’drot d’sortir d’leu vaisseau ! Alles astiqu’tent pindint qu’is sontent in train d’faire ches zazous dins ches rues ! Te sais quo qui t’attind, in va arvenir à ch’moyen-âche ! » Chu cha liste, alle a auchi prévu ches éleveurs d’porcs, ches fabricints d’vins et spiritueux. Chi l’invahisseur ch’artreuv’te d’pus in pus isolé, seu dins sin coin et in minorité minoritaire, alors alle aura gagné ! Un grind Front conte ch’qu’alle conchidèr’te com’ un affront…

Voilà mes gins ! Chi te n’avos pon tout chuivi, j’espèr’te qu’j’ai réuchi à t’espliquer aveuc mes miots d’eune fachon pus légère ! Aveuc un peu d’tact alle che s’rot étonné qu’in fasse des prières in direction d’eul Mecque dins ches rues, d’eune part, et qu’in interdise eune crèche aveuc ch’tiot Jésus dins eune aute, d’aute part, in aurot chertain’mint sorti l’étindard d’eul laïcité d’euch pays, mais d’eune manière intelliginte et qui ouvr’te un débat. Pon simplemint in agitint ches spectres d’euch passé in espérint gagner des vox à ches prochaines élections ! Chu ches bionnes paroles, je peux nous dir’te ch’que t’in pinses et mi, j’te dis à mercredi… Chi in n’a pon tertous été anéintis par eune nouvielle ère glachière !

Salut mes gens ! J’espère que tu as passé un bon week-end ? Si tu étais sur Lille, tu es peut-être allé voir mon Dany qui venait présenter son nouveau film en avant-première. Il y a eu aussi beaucoup de monde dans les magasins et dans le centre-ville. Avec une température presque printanière, il faisait bon mettre son nez dehors et flâner dans les rues pour faire du lèche-vitrines. Enfin, aujourd’hui, c’est la grande dégringolade ! Quinze degrés d’écart en une nuit, qui a laissé la porte de son congélateur ouverte ? A moins que ce soit pour congeler toutes les bonnes affaires que tu pouvais faire, en bouffe, dans les magasins, car si tu regardes les étiquettes, à moins de faire Noël tout de suite, pratiquement tout va être périmé avant. La neige est annoncée partout ! Si, si, on le sait déjà ! On ne pourra pas dire que l’on ne nous a pas prévenus, mais on n’a pas à s’en faire. Mon Nicolas et son équipe vont oeuvrer pour que ce ne soit pas un grand bazar comme à Paris, mercredi dernier. Heureusement que ce n’est pas Roselyne qui en est chargée car je ne sais pas si toute la production de parapluies du monde entier aurait suffit. En attendant, je ne sais vraiment pas comment l’on va empêcher la neige de tomber, ce sera la surprisse… Toujours est-il que plus question de lécher les vitrines, ta langue va rester coller au carreau !

En parlant de langue, il y en a une qui aurait mieux fait de se taire ou de la tourner sept fois dans sa bouche avant de parler, c’est Marine Le Pen ! En même temps, quand on s’appelle Le Pen, on doit avoir du mal à la fermer. Oui, ça fait serrurier comme blague, je le sais. Bref. Fort de ses 27% de bonnes attentions, dans le dernier sondage Ipsos, la voilà qui vient de faire un dérapage incontrôlé. Que veux-tu ! Il devait rester une plaque de verglas résiduelle ! Enfin, un dérapage incontrôlé de la part d’un politique, j’y crois qu’à demie. Je serais plus à évoquer un bon coup de buzz et ça marche, on a parlé que de cela ! Dans cette histoire, il y a quand même quelque chose qui me fait sourire. Pas dans les propos, mais dans les réactions des politiques. Ils viennent tous de s’apercevoir que Marine fait du Jean-Marie ! En voilà une nouvelle étonnante ! C’est incroyable comme leur sens de l’observation est développé ! Enfin, je dirais plutôt que ça fait froid dans le dos ! Heureusement quand même qu’on nous le dit, on aurait pu se laisser avoir ! Les chiens ne font pas des chats, mais il semble que l’on était les seuls à le savoir…

Que ce soit à gauche comme à droite, tout le monde a été indigné. Marine a même déclenché un océan d’indignations. Après la serrurerie, voilà une blague maritime. Bon, on fait ce que l’on peut pour détendre une atmosphère pesante ! Dans les indignés, j’ai une mention spéciale à accorder à dame Ségolène. Pas sur son indignation mais sur une phrase qui se résume à dire que Marine Le Pen cherche juste la provoc pour être au centre de l’actualité. Oui, oui… Sur ce coup-là, tu aurais aussi mieux fait de te taire ! Je sais bien que les brunes ne comptent pas pour des prunes, mais depuis quelques jours, on a bien l’impression que c’est ce que tu fais aussi ! Que ce soit cette demande de pardon pour la météo ou la peau de banane que tu viens de glisser sous les semelles de Titine en espérant, peut-être, que l’on va croire aussi à une plaque de verglas résiduelle. Bref, on reviendra certainement dessus quand Titine sortira de son hibernation. En attentant, sans revenir sur les propos exacts, il faut bien les commenter d’une certaine manière. On pourrait le faire façon vieille série. Tu vas reconnaître…

Un soir, alors qu’elle s’assoupit au volant de sa voiture française, Marine Le Pen, fille de son père, emprunte une rue qu’elle n’aurait jamais dû prendre et qui ne s’avèrera pas comme un raccourci. Elle revenait d’avoir prêché la bonne parole et ça l’épuisait toujours car c’était comme si elle faisait plein d’exorcismes en même temps, chaque fois. Tous ces diables à renvoyer dans un autre monde, toutes ces âmes qu’il fallait sans arrêt remettre sur le droit chemin, ça lui bouffait toute son énergie. Son Tom-Tom venait de lui dire qu’elle devait tourner, qu’il y avait un virage serré à l’extrême droite, mais elle était à moitié dans le coaltar, comme l’histoire le dit juste au-dessus, elle a continué sa route tout droit. Sans même voir qu’elle avait franchi un feu tricolore qui venait de la prendre en photo souvenir. C’est cet éclair qui lui fit ouvrir les yeux et piler net. Là, dans la lumière des phares, elle est témoin d’un drôle d’attroupement. Depuis cette nuit-là, elle n’a de cesse de convaincre ses semblables que les envahisseurs infiltrent insidieusement la France, afin de la coloniser…

« Mais je les ai vus ! » déclamait-elle sans cesse. « Depuis que je suis toute petite, mon père me dit qu’il en a vu aussi. Encore que je l’ai cru qu’à moitié, il les a vus que d’un oeil, lui ! C’était le côté pratique quand j’étais gamine. Je me mettais du bon côté et je pouvais faire des bêtises, il ne me voyait pas. Enfin, bref. Moi, pas de doute, les deux yeux étaient ouverts ! Ils venaient tous d’atterrir en tapis volants, j’en suis sûre ! Tous rangés dans le même sens, comme des voitures dans une rue à sens unique. Certainement pour passer inaperçus ! Mais moi, je ne suis pas dupe ! J’ai bien vu qu’il se passait quelque chose de pas très catholique ! On aurait été sur une place, j’aurais pu penser à un troupeau d’autruches qui mettaient leurs têtes dans le sable. Mais là, sur le bitume ! On ne va pas me faire croire que c’est pour écouter les voitures arriver. De toute façon, elles ne pourraient pas passer, ils sont tous en plein milieu de la rue ! »

N’écoutant que son courage, Marion Anne Perrine Le Pen, qui avait déjà pris un raccourci pour son prénom bien avant de s’être gourée de rue, en évitant le prénom du milieu pour éviter les quolibets qui ne seraient pas à son avantage et tombe sur ce qu’elle prenait pour des envahisseurs, rentre en croisade. Elle se présente alors comme une Jeanne D’Arc des temps modernes n’hésitant pas à braver, chaque jour durant, cette menace qui s’est abattue sur la France. Elle a rapidement un fan-club de 27% d’âmes qui n’a certainement pas bien compris qu’elle ne propose rien de bien différent d’une « solution finale » surfant sur la peur de l’inconnu. Tandis que ces détracteurs n’hésitent pas à lui crier : Ca pue celle qui vient d’Hénin-Beaumont ! Elle, imperturbable, n’a qu’une prière quelle que soit l’heure : « J’ai entendu la voix de mon maître, Jean-Marie ! Il va prendre sa retraite dans quelques mois et c’est à moi de renchérir sur son idole. Orléans, c’est encore bien trop près, je vais les reconduire bien au-delà de Roubaix ou Marseille, moi ! » Pour ce, elle est même prête à faire des concessions…

N’hésitant pas à prendre exemple sur un grand philosophe belgo-américain, elle est devenue aware. Elle attirait à elle les brebis bien égarées que son père avait diabolisées depuis longtemps, pensant alors qu’elle allait augmenter ses troupes. « Toi qui est gay, attention ! Les envahisseurs vont s’en prendre à toi ! Pourquoi penses-tu qu’ils se mettent comme cela, les fesses en l’air au beau milieu des rues ?  C’est pour essayer de t’attraper si tu succombes à la tentation ! Et après, McDo Quick couic ! Tu finis en boulettes dans du coucous ! » C’était la première étape de sa nouvelle croisade, elle a toute une liste qui continue par les femmes : « Toi qui est une femme, attention ! Les envahisseurs vont s’en prendre à toi ! Pourquoi penses-tu qu’il n’y a que des hommes sur ces tapis ? C’est parce que les femmes n’ont pas le droit de sortir de leur vaisseau ! Elles astiquent pendant qu’ils sont en train de faire les zazous dans les rues ! Tu sais ce qui t’attend, on va revenir au moyen-âge ! » Sur sa liste, elle a aussi prévu les éleveurs de porcs, les fabricants de vins et spiritueux. Si l’envahisseur se retrouve de plus en plus isolé, seul dans son coin et en minorité minoritaire, alors elle aura gagné ! Un grand Front contre ce qu’elle considère comme un affront…

Voilà mes gens ! Si tu n’avais pas tout suivi, j’espère que j’ai réussi à t’expliquer avec mes mots d’une façon plus légère ! Avec un peu de tact elle se serait étonnée que l’on fasse des prières en direction de la Mecque dans les rues, d’une part, et que l’on interdise une crèche avec le petit Jésus dans une autre, d’autre part, on aurait certainement sorti l’étendard de la laïcité du pays, mais d’une manière intelligente et qui ouvre un débat. Pas simplement en agitant les spectres du passé en espérant gagner des voix aux prochaines élections ! Sur ces bonnes paroles, tu peux nous dire ce que tu en penses et moi, je te dis à mercredi… Si l’on n’a pas tous été anéantis par une nouvelle ère glacière !