Chalut mes gins ! Te m’croras chi te veux mais j’em sus réveillée aveuc une canchon in tiête. Ouais ! I y avot longtimps ! Bah, ch’est com’ cha, in n’va pon m’arfaire. Com’ alle m’a dit plusieurs fos eune amie, te sais cheule qui fait des inquêtes aveuc mi d’timps in timps, Bridget Columbo : Marie Toutoule, t’as toudis eune canchon pour chaque situachion de t’vie. Bah, ch’est vrai et cha ch’est cor’ vérifié à’ch’t’heure ! Cha ch’est paché quind j’sus allé quercher min courrier dins ch’boîte. Bah ouais, ch’boîte à ches lettes, pon à émiles. Ch’est vrai qu’in finit par oublier qu’il y a cor’ des courriers tradichionnels. Ch’est pourtint diffichile d’les oublier, ch’est chouvint des factures…

I y in avot, chinon cha aurot été eune journée merveilleusse, mais cha n’est pon cha qui m’a inspiré eune canchon. Nin ! Ches factures, cha m’aurot plutôt inspiré l’marche funèbe ; cheule d’min porte-monnaie. Infin, ch’qui in rechte ! Bref, eune inveloppe in papie marron caca d’oie qui a des problèmes d’digestion. Quo, beurk ? Ouais, ch’est cha, t’as l’bionne couleur ! Ch’est donc qu’te l’as archue auchi ! Min nom i étot d’chus, donc ch’étot bin pour mi. J’sus armontée dins min bureau aveuc et je n’sais pon chi ch’est l’fait d’monter qui m’a fait pinser à Yves Montand. Bah, pour l’chirconstinche i aurot fallu écrir’te Marie Montand, j’te l’accorde. Toudis i est qu’ch’est l’canchon d’ches feulles mortes qui m’est v’nue in tiête et l’sort qui allot ête réservé à ch’t’inveloppe…

J’te la fais telle que j’ai eue in tiête : « Ches feulles d’papie is ch’ramass’tent à la pielle, te vos, in n’t’as pon oublié. Ches feulles d’papie is ch’ramass’tent à la pielle. Ches bielles promèches et ches bielles guiffes auchi. Et tin éboueur les importe dins ch’te poubielle à arcyclache. Te vos, je n’ai pon oublié. Qu’un arpe est mort pour toutes les imprimer… Ch’est eune inveloppe qui nous présinte toutes ches guiffes et ches programmes. Et in n’a pus que quéques jours d’attinte, mais qui chosir, mais qui chosir… » Bah, ouais, te l’auras compris. In approche tout douch’mint d’ches d’mi-finales. Commint cha, quel match ? Vingt dius ! T’es obsédé par che sport, ti ! Jamais te n’t’intérèches à quo qui ch’pache dins tin pays et même dins tin pat’lin !

J-5 avint ches Régionales. Ch’est vrai qu’ches médias is l’ontent mis in veilleusse d’pis quéques jours. Ch’est normal, i y a toudis un status quo juss’ avint ches élec’chions. Chertain’mint pour qu’t’ais l’timps d’faire l’digestion d’toutes ches conn’ries qu’t’as intindues. D’toutes ches phrasses et ches joutes verbales ; et Diu sait qu’in a été gâtés d’euch côté-lal ! Et auchi qu’t’aies l’timps d’ouvrir ch’t’inveloppe marron caca d’oie qui a des problèmes d’digestion qu’t’as toudis dins ches mains ! Bref. J’ai ouvert, j’ai arposé auchi chec et je m’sus livrée à min traval du matin ; raviser ches nouvielles. Rin d’bin, mis à part Zemmour qui fait parler d’li, pach’qu’i a craqué ch’sac cor’ pus qu’d’habitute. Eune histoire bizarr’te d’fantômes qui ontent été vindus à ches inchères. Ouais, in treuve tout chu ch’Net. A part cha, un truc qui a art’nu min attinchion. Ifop i a fait un sondache. Cha n’est pon nouvieau, j’te l’accorde, ch’est leu traval. Mais pon chu des cindidats, chu leu nombe particulièr’mint élevé ch’t’année ! 20584 pour ête préchis !

Et me v’là arpartie dins eune canchon : « Plus de vingt mille chinq chint cindidats. Et moi, et moi, et moi. Qui dot voter et faire un chox. Aux Régionales, ch’est pon la joie. J’y pinse, puis j’oublie. Ch’est la vie, ch’est la vie… » Pis, j’em sus ravisée, pach’que j’em sus dit qu’i richquot d’jà d’avoir suffisammint d’monte qui oublie d’aller voter, chins cor’ que j’leu mette cha in tiête. Bref, cha m’a fait rir’te qu’in puiche faire eune étude chu ch’nombes d’cindidats, alors j’ai approfondi. J’te résume. Eune nette progréchion d’ches listes. 254 ! Bah, ch’est vrai qu’ch’est eune nette progréchion. Eune famille moyenne alle fait ches courses eune fos par s’maine inviron. Ichi, cha fait chinq fos pus ! J’sus d’accord aveuc eusses. Ch’est in Picardie qu’i y a l’progréchion l’pus forte. Ah ? V’là qui est intéressint pour mi ! Quo ? Bah, ouais, j’sais bin que j’sus dins ch’Nord, mais t’as oublié qué cosse, mes gins, ches canchons. Chi j’te dis PS, cha t’parl’te ? Nin ? Vingt dius ! Faut vraimint tout t’dir’te. J’vais d’voir faire eune parodie d’pus :  Rosse d’Picardie ! Ah, ouais ! Ti, t’es télé, t’as pinsé à ch’t’homme d’euch Picardie. Ouais, mais aveuc ch’te parité, ch’est p’t-ête eune cindidate, alors…

L’moyenne d’âche alle demeur’te élevée, chinquinte ins ! Attend ! Is ontent compté intre ch’pus jonne qui a d’diche-huit ins. J’auros bin invie d’dir’te qu’i venot d’avoir diche-huit ins, mais te vas cor’ râler que j’ramèn’te tout à ches canchons. L’pus viux, i a nonante-chept. Infin, quate-vingt-diche-sept ins, chertain’mint pus ches dints et in che d’minde commint qu’i tient cor’ d’bout, mais i ch’présinte ! Mi qui ai gardé des chouv’nirs d’calcul mintal. In m’app’lot miss Texas Instrument à l’école. J’ai tout d’chuite vu qu’ches élec’chion régionales alles fontent miux qu’Tintin. Li, ch’est ch’chept à choisinte-diche-sept ins. Ch’qui li fait neuf points d’moins qu’ches élec’chions ! Pour ch’ti qui a b’soin d’poser ch’t’opérachion, v’là :  (97-18) - (77-7) = 9, mille milliards d’mille sabords !

Attinds, ch’est pon tout. I y a moins d’jonnes arprésintés, puich’qu’is n’sont que 15%, alors qu’is fontent 29% d’eul populachion. Cha ne m’étonn’te pon vraimint. A diche-huit ins, j’ai quitté ma provinche, bin déchidé à conquérir Paris. Ouais, à conquérir Paris et même ailleurs, mais chi in ch’vot in haut de ch’t’affiche, com’ i cantot Charles, ch’est chertain’mint pon vraimint in haut d’eune affiche électorale. Pus pach’qu’in a invie de dev’nir eune vedette ! Ch’est ches 50-65 ins qui sont ches pus nombreux in cindidats aveuc 42% alors qu’is n’arprésintent que 23% d’ches Français. Ch’est copain Audimat qui va ête contint. Li qui a tint querre à ch’te ménagère à ches invirons d’chinquinte ins. Quo ? Bin chi in rechpecte ch’parité, cha in fait quind même gramint d’connues. Cha pourra toudis li ête utile !

Ch’est ches cadres et ches profechions libérales qui arprésintent près d’un quart d’ches cindidats alors qu’is n’arprésintent que 8% d’ches Français. A ch’t’inverche, ches ouvreux, 14% d’eul populachion, is sont arprésintés à seul’mint 4%. Bah, cha vérifie eune cosse que tertous i sait d’pis gramint longtimps. Pus in est chef, pus in a d’timps libe pour faire aute cosse. Ch’présinter à ches élec’chions, par eximpe ! In peut tourner cha aut’mint :  Ch’est l’France d’in bas qui boss’te pindint qu’cheule d’in haut bronz’te ! Bref, in pache vit’… I y a quind même un chiffe qui baisse, ch’nombe d’parlemintaires. Is sont que 129 à ch’présinter. Bah, d’ù ch’est qu’is sont ? In n’peut pon dir’te qu’ch’est pach’que ch’t’hémicycle i fait l’plein in permaninche qu’is n’peuv’tent pon ête cindidat ! Ah, ouais, j’oublie ch’que j’ai écris juss’ avint, is bronz’tent ! Pour terminer, contrair’mint à ches idées archues, ches ministres is sont à ch’même nombe, 19 ! Qu’est que te veux que j’dise à cha ? I n’y a pon assez d’bincs d’bronzache pour tertous et in in sacrifie 19. Dur’te !

Bin v’là, mes gins. J’vais t’laicher finir d’lir’te tous ches programmes qu’t’as archus dins ch’t’inveloppe marron caca d’oie qui a des problème d’digestion. Te sauras miux, à’ch’t’heure, dins quelle catégorie i est tin cindidat préféré, chi t’arrif’ à in treuver un préféré, ch’intind. Ouais, com’ te dis, ch’est pon gagné ! In tout cas, grâche à mi, chi te n’le treuves pon dins ch’pochette churprisse, querche pon, te sais qu’i est in train d’bronzer quéque part…

Salut mes gens ! Tu me croiras si tu veux mais je me suis réveillée avec une chanson en tête. Oui ! Il y avait longtemps ! Bah, c’est comme cela, on ne va pas me refaire. Comme m’a dit plusieurs fois une amie, tu sais celle qui fait des enquêtes avec moi de temps en temps, Bridget Columbo : Marie Toutoule, tu as toujours une chanson pour chaque situation de ta vie. Bah, c’est vrai et cela s’est encore vérifié aujourd’hui ! Cela s’est passé quand je suis allé chercher mon courrier dans la boîte. Bah oui, la boîte aux lettres, pas à émiles ! C’est vrai que l’on finit par oublier qu’il y a encore des courriers traditionnels. C’est pourtant difficile de les oublier, ce sont souvent des factures…

Il y en avait, sinon ce aurait été une journée merveilleuse, mais ce n’est pas cela qui m’a inspiré une chanson. Non ! Les factures, cela m’aurait plutôt inspiré la marche funèbre ; celle de mon porte-monnaie. Enfin, ce qui en reste ! Bref, une enveloppe en papier marron caca d’oie qui a des problèmes de digestion. Quoi, beurk ? Oui, c’est cela, tu as la bonne couleur ! C’est donc que tu l’as reçue aussi ! Mon nom était dessus, donc c’était bien pour moi. Je suis remontée dans mon bureau avec et je ne sais pas si c’est le fait de monter qui m’a fait penser à Yves Montand. Bah, pour la circonstance il aurait fallu écrire Marie Montand, je te l’accorde. Toujours est-il que c’est la chanson des feuilles mortes qui m’est venue en tête et le sort qui allait être réservé à l’enveloppe…

Je te la fais telle que j’ai eue en tête : « Les feuilles de papier se ramassent à la pelle, tu vois, on n’t’as pas oublié. Les feuilles de papier se ramassent à la pelle. Les belles promesses et les belles gueules aussi. Et ton éboueur les importe dans la poubelle à recyclage. Tu vois, je n’ai pas oublié. Qu’un arbre est mort pour les imprimer... C’est une enveloppe qui nous présente toutes les têtes et les programmes. Et on n’a plus que quelques jours d’attente, mais qui choisir, mais qui choisir… » Bah, oui, tu l’auras compris. On approche tout doucement des demi-finales. Comment cela, quel match ? Bon sang ! Tu es obsédé par le sport, toi ! Jamais tu ne t’intéresses à ce qui se passe dans ton pays et même dans ton patelin !

J-5 avant les Régionales. C’est vrai que les médias l’ont mis en veilleuse depuis quelques jours. C’est normal, il y a toujours un status quo juste avant les élections. Certainement pour que tu ais le temps de faire la digestion de toutes ces conneries que tu as entendues. De toutes ces phrases et ces joutes verbales ; et Dieu sait que l’on a été gâtés de ce côté-là ! Et aussi que tu aies le temps d’ouvrir l’enveloppe marron caca d’oie qui a des problèmes de digestion que tu as toujours dans les mains ! Bref. J’ai ouvert, j’ai reposé aussi sec et je me suis livrée à mon travail du matin ; regarder les nouvelles. Rien de bien, mis à part Zemmour qui fait parler de lui, parce qu’il a craqué le sac encore plus que d’habitude. Une histoire bizarre de fantômes qui ont été vendus aux enchères. Oui, on trouve tout sur le Net. A part cela, un truc a retenu mon attention. Ifop a fait un sondage. Ce n’est pas nouveau, je te l’accorde, c’est leur travail. Mais pas sur des candidats, sur leur nombre particulièrement élevé cette année ! 20584 pour être précis !

Et me voilà repartie dans une chanson : « Plus de vingt mille cinq cent candidats. Et moi, et moi, et moi. Qui doit voter et faire un choix. Aux Régionales, c’est pas la joie. J’y pense, puis j’oublie. C’est la vie, c’est la vie… » Puis, je me suis ravisée, parce que je me suis dit qu’il risquait déjà d’avoir suffisamment de monde qui oublie d’aller voter, sans encore que je leur mette cela en tête. Bref, cela m’a fait rire que l’on puisse faire une étude sur le nombre de candidats, alors j’ai approfondi. Je te résume. Une nette progression des listes. 254 ! Bah, c’est vrai que c’est une nette progression. Une famille moyenne fait ses courses une fois par semaine environ. Ici, cela fait cinq fois plus ! Je suis d’accord avec eux. C’est en Picardie qu’il y a la progression la plus forte. Ah ? Voilà qui est intéressant pour moi ! Quoi ? Bah, oui, je sais bien que je suis dans le Nord, mais tu as oublié quelque chose, mes gens, les chansons. Si je te dis PS, ça te parle ? Non ? Bon sang ! Faut vraiment tout te dire. Je vais devoir faire une parodie de plus :  Rose de Picardie ! Ah, oui ! Toi, tu es télé, tu as pensé à l’homme du Picardie. Oui, mais avec cette parité, c’est peut-être une candidate, alors…

La moyenne d’âge demeure élevée, cinquante ans ! Attend ! Ils ont compté entre le plus jeune qui a dix-huit ans. J’aurais bien envie de dire qu’il venait d’avoir dix-huit ans, mais tu vas encore râler que je ramène tout aux chansons. Le plus vieux, il a nonante-sept. Enfin, quatre-vingt-dix-sept ans, certainement plus ces dents et on se demande comment il tient encore debout, mais il se présente ! Moi qui ai gardé des souvenirs de calcul mental. On m’appelait miss Texas Instrument à l’école. J’ai tout de suite vu que ces élections régionales font mieux que Tintin. Lui, c’est de sept à soixante-dix-sept ans. Ce qui lui fait neuf points de moins que ces élections ! Pour celui qui a besoin de poser l’opération, voilà :  (97-18) - (77-7) = 9, mille milliards de mille sabords !

Attends, ce n’est pas tout. Il y a moins de jeunes représentés, puisqu’ils ne sont que 15%, alors qu’ils font 29% de la population. Cela ne m’étonne pas vraiment. A dix-huit ans, j’ai quitté ma province, bien décidé à conquérir Paris. Oui, à conquérir Paris et même ailleurs, mais si l’on se voit en haut de l’affiche, comme chantait Charles, ce n’est certainement pas vraiment en haut d’une affiche électorale. Plus parce que l’on a envie de devenir une vedette ! Ce sont les 50-65 ans qui sont les plus nombreux en candidats avec 42% alors qu’ils ne représentent que 23% des Français. C’est copain Audimat qui va être content. Lui qui aime tant la ménagère aux environs de cinquante ans. Quoi ? Bien si l’on respecte la parité, cela en fait quand même beaucoup de connues. Cela pourra toujours lui être utile !

Ce sont les cadres et les professions libérales qui représentent près d’un quart des candidats alors qu’ils ne représentent que 8% des Français. A l’inverse, les ouvriers, 14% de la population, sont représentés à seulement 4%. Bah, cela vérifie une chose que tout le monde sait depuis bien longtemps. Plus on est chef, plus on a de temps libre pour faire autre chose. Se présenter aux élections, par exemple ! On peut tourner cela autrement :  C’est la France d’en bas qui bosse pendant que celle d’en haut bronze ! Bref, on passe vite… Il y a quand même un chiffre qui baisse, le nombre de parlementaires. Ils sont que 129 à se présenter. Bah, où sont-ils ? On ne peut pas dire que c’est parce que l’hémicycle fait le plein en permanence qu’ils ne peuvent pas être candidat ! Ah, oui, j’oublie ce que j’ai écris juste avant, ils bronzent ! Pour terminer, contrairement aux idées reçues, les ministres sont au même nombre, 19 ! Qu’est que tu veux que je dise à cela ? Il n’y a pas assez de bancs de bronzage pour tous et on en sacrifie 19. Dur !

Bien voilà, mes gens. Je vais te laisser finir de lire tous les programmes que tu as reçus dans l’enveloppe marron caca d’oie qui a des problèmes de digestion. Tu sauras mieux, à présent, dans quelle catégorie est ton candidat préféré, si tu arrives à en trouver un préféré, s’entend. Oui, comme tu dis, ce n’est pas gagné ! En tout cas, grâce à moi, si tu ne le trouves pas dans la pochette surprise, cherche pas, tu sais qu’il est en train de bronzer quelque part…